Jɔɔŋ 4:23 - WƖA TENIŊ

²³ Ama bʋa kʋbala jaŋ yi, ʋ paala yi nɛ, nɩalɩŋ sɩ jaŋ sɛnɛ chʋɔlɛ Wɩa, ba jaŋ chʋɔlɛ la Nyɩmma Wɩa arɩ wʋtɩtɩɩ, Wɩa Dɩŋ-zɔmʋŋ doluŋ lɛ. Nɩdosunu-la nɛ Wɩa chɩchɛ.

Jɔɔŋ 4:23 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:17

Mɩ Wɩa, mɩ jɩma ŋ yie magɩsɛ nʋʋkala tʋɔŋ nɛ. Ŋ tʋɔŋ tɔrɛ nɩalɩŋ kala sɩ kɛŋ wʋtɩtɩɩ nyuŋ nɛ. Tʋɔpʋla arɩ wʋtɩtɩɩ nɛ mɩ kaa joŋ kɩaa deemba kala pɩŋ. Ŋ nɩaa ma kala sɩ hilimi daha tʋɔŋ tɔrɔ nɛ ba sɩ kɛŋ kɩaa kʋ pɩŋ.

WƖA YƖƖLAA 147:11

La Tɩɩna cho nɩalɩŋ sɩɩ fáʋ nɛ, nɩalɩŋ sɩ joŋ ba yɩɛlaa kala hɛ ʋ chono-la sɩ bɩ dɛrɛ lɛ.

WƖA YƖƖLAA 17:1

La Tɩɩna, mɩɩ sʋlʋŋ arɩ tʋɔpʋla, jegile nɩɩ mɩ nii-ŋmobo a pɛ mɩ lɛ. Mɩ kɛŋ wʋtɩtɩɩ nɛ a sʋsʋlʋŋ, jegile nɩɩ mɩ teeŋ.

WƖA YƖƖLAA 32:2

Nɩalɩŋ wʋbɔŋŋɔɔ La Tɩɩna sɩ bee kieli arɩ nɩalɩŋ sɩ bɩ nɩaa ka nyɩsɛ tʋɔŋ jaŋ tɔrɛ.

WƖA YƖƖLAA 51:6

Ŋŋ chɛ dɩ mɩ kɛŋ wʋtɩtɩɩ nɛ mɩ tʋɔŋ lɛ, ŋɩɩ wɩaa, dagɛmɛ wʋjɩmɩŋ.

NAMAGABA 15:8

La Tɩɩna bɛrɛ nɩbɔmʋŋ sɩ kpʋ pʋna a ŋaa Wɩɩsʋlʋŋ nɛ, ama ʋ tʋɔŋ ka tɔrɛ tʋɔpʋl tɩɩna-na Wɩɩsʋlʋŋ nyuŋ nɛ.

SOLOMOŊ YƖƖL-SƖMƖŊ 2:14

Mɩ kokomo sɩ hɛ bʋbʋa tʋɔŋ, a hɛ peelee lere-la kɩaa sɩɩ faa, leŋ dɩ mɩ na ŋ sɩaa, leŋ dɩ mɩ nɩɩ ŋ yikoro, bɛɛ wɩaa ŋ yikoro sɩma, ŋ sɩaa ma zɔŋ woruŋ.

AZAAYA 10:20

Dɩ tapʋlɩɩ-la nɛ kʋ yi Iziral nɩkaana-la, Jekɔb doho nɩalɩŋ sɩ bɩ sʋba, bɩra bɩ jaŋ joŋ ba tɩtɩa a yelli nɩalɩŋ fa sɩɩ chɛ dɩ ba kpʋba a dɛrɛ. Ba jaŋ joŋ ba yɩɛlaa kala hɛ La TƖƖNA Iziral tɩŋŋaa Wɩa sɩ bɩ disiniŋ kɛnɛ lɛ.

AZAAYA 29:13

La TƖƖNA sɩ, “Nɩaa deemba yie kɔ mɩ teeŋ a kɛŋ niiŋ nɛ zizilmi, ka ba tʋɔbɩɩnaa bol arɩ mɩ. Ba yie to nuhuobiinee wombiee nɛ a chʋchʋɔlɛmɛ.

AZAAYA 43:21

Ba nɛ nɩalɩŋ mɩ sɩ ŋaa a pɩ mɩ tɩtɩa dɩ ba dɩdɛnnɛmɛ.

AZAAYA 58:2

Tapʋlɩɩ-kala ba yie chʋɔlɛmɛ nɛ, a nagɛ ba ŋaa nɩaa sɩɩ chel dɩ ba jɩŋ mɩ wombiee nɛ, a bɩra nagɛ ba ŋaa tinteeŋ nɩaa sɩɩ ŋaa wɩaa ba bʋa lɛ nɛ, a bɩ wɩalɩŋ ba Wɩa sɩ daga ka vɩa. Ba yie pɩɛsɛmɛ dɩ mɩ dagɛba wombie-la sɩ zɔmɔ dɩ ba tuto, a nagɛ baa chel nɛ dɩ ba kpagɛ Wɩa.

JƐRƖMAAYA 3:10

Arɩ wɩaa deemba kala ba sɩ ŋaa ma, ama ba naambie Juda sɩ bɩ wʋtɩtɩɩ kɛnɛ bɩ mɩɩra kɔ mɩ teeŋ arɩ ʋ tʋɔŋ kala. Ama ʋ fa fugo nagɛ ʋ cheye nɛ. Mɩ-na ma TƖƖNA nɛ bʋla.”

JƐRƖMAAYA 4:2

aŋ kɛŋ wʋtɩtɩɩ, a ŋɩŋaa wɩaa ba bʋa lɛ arɩ tʋɔpʋla a ŋmɩɛsɛ mɩ-na ma TƖƖNA sɩ weye, ŋɩɩ na, tinteyee nɩaa jaŋ chɩchɛ dɩ mɩ pɛ ba ma lɛ, dɩ nɩaa kala jʋjʋɔsɛ mɩ teeŋ.”

ƐZƖKƖƐL 22:30

Mɩ beŋ ba tʋɔŋ a chɩchɛ nʋʋ sɩ jaŋ saa jeeŋ a chɩŋ mɩ sɩpaaŋ wuol-la sɩ hɛ mɩ dɩ ba pɛgɛ lɛ, a pɔ tintee-la dɩ mɩ sɩ́ ʋ chei, ama mɩ bɩ nʋʋ na.

Jɔɔŋ 1:17

Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.

Jɔɔŋ 12:23

Yesu bʋla pɩba, “Bʋa-la lɛɛlɛ kpaga nɛ dɩ mɩ-na Nuhuobiine Bie laa yɩrɩŋ.

Jɔɔŋ 16:2

Ba jaŋ kirima ta Wɩɩchʋɔlɛ dɩɩsɩŋ lɛ. Bʋa dɔŋ jaŋ yi dɩ nɩaa kpʋma aŋ bɩɩnɛ baa to Wɩa wombiiŋ nɛ ŋɩɩ.

Jɔɔŋ 16:32

Bʋa kʋbala jaŋ yi, ʋ saa paala yi nɛ, ma kala jaŋ pɩsɛ a mʋ ma dɩɩsɩŋ, aŋ ka mɩ dʋndʋŋa. Ama saa, mɩ bɩ jaŋ ŋaa mɩ dʋndʋŋ. Mɩ Nyɩmma hɛ mɩ lɛ nɛ.

Jɔɔŋ 4:21

Ŋɩɩ nɛ Yesu bʋla pʋ, “Laamɛ dii, bʋa kʋbala jaŋ yi, nɩaa bɩ jaŋ chʋɔlɛ la Nyɩmma Wɩa peeliŋ deeŋ nyuŋ koo Jerusalɛm lɛ.

Jɔɔŋ 5:25

Wʋtɩtɩɩ nɛ mɩ bʋla pɩpɩma, bʋa-la jaŋ yi, ʋ saa yie ma nɛ, nɩalɩŋ sɩ sʋba jaŋ nɩɩ mɩ-na Wɩa Bie yikoro. Nɩalɩŋ saa sɩ nɩɩ mɩ yikoro, ba jaŋ kɛŋ mɩɩsɩŋ.

Jɔɔŋ 5:28

Má sɩ́ leŋe dɩ wɩɩŋ deeŋ ŋaama wʋkpuŋkpere. Bʋa kʋbala jaŋ yi dɩ nɩalɩŋ kala sɩ sʋba a hɛ bʋɔsʋŋ lɛ nɩɩ mɩ yikoro,

Rom Tɩŋŋaa 1:9

Wɩa mɩ sɩ tɩmaa pa arɩ mɩ tʋɔ-bala aa bʋl ʋ Bie wʋzɔmɔ-la, ʋ nɛ ŋaa mɩ pɛ-naara bʋa na-kala lɛ dɩ mɩ nɩɩ chʋɔlʋ, mɩ yie liliisi ma wɩaa nɛ.

Rom Tɩŋŋaa 8:15

Wɩa bɩ ma ŋaa dɩ ma nagɛ yosuŋ a bɩra fɩfá fawʋllʋŋ, ama ʋ Dɩŋ-zɔŋ-la leŋe ma ŋaa ʋ biiriŋ nɛ. Dɩ la nɩɩ yɩrʋ, la wuo kɛnʋ yɩrɛ “La Nyɩmma.”

Rom Tɩŋŋaa 8:26

ŋɩɩ tɩtɩa nɛ Wɩa Dɩŋ-zɔmʋŋ ma yie kɔ a pɛ la lɛ a tɩŋ la sɩ bɩ doluŋ kɛnɛ dɩ la pɛ la tɩtɩa lɛ. La paala bɩ jɩŋ ŋɩɩ sɩ maga dɩ la chʋɔlɛ Wɩa. Ama Wɩa Dɩŋ-zɔŋ-la tɩtɩa sʋl Wɩa a pɩpɩla nɛ. Ʋ sɩ yie sʋsʋl Wɩa aa huuni ŋɩɩ, la bɩ jaŋ wuo kɛŋ niiŋ a dagɛ, ama

Galiisia Nɩaa 4:6

A tɩŋ la sɩ ŋaa Wɩa biiriŋ nɛ tɩɩ ʋ joŋ ʋ Bie Dɩŋ-zɔmʋŋ hɛ la lɛ. Dɩŋ-zɔŋ-la sɩ hɛ la tʋɔŋ, ʋ yie ŋaa la kɛŋ Wɩa kaa yɩrɛ “La Nyɩmma.”

Ɛfɛsɩs Nɩaa 6:18

Má chʋchʋɔlɛ Wɩa bʋa na-kala lɛ ʋ Dɩŋ-zɔŋ-la doluŋ lɛ, a sʋsʋlʋ wɩɩ-wɩɩkala lɛ. Ma sɩɩ ŋaa ŋɩɩ, má pɔ woruŋ a sɩ́ doŋ dɩɛgʋ, aŋ pɛsɛ, a chʋɔlɛ Wɩa pɩpɩ Wɩa nɩaa ma.

Fɩlɩpa Nɩaa 3:3

La nɛ paala chaasa ŋaa nɩalɩŋ sɩ sɛnɛ keri ba penee, bɛɛ wɩaa la-na to Wɩa Dɩŋ-zɔmʋŋ niiŋ lɛ nɛ aa chʋɔlɛ Wɩa. Ŋɩɩ wɩaa, laa jʋɔsɛ Kirisito Yesu teeŋ nɛ. La-na bɩ la yɩɛlaa joŋo hɛ yaraa wʋŋaalaa lɛ.

JOSUA 24:14

Maa fá La TƖƖNA a tutou arɩ ma wʋtɩtɩɩ. Má paa vesi-la ma naabalɩmaba fa sɩɩ kpaarʋ Yufireti fuo-la cholo arɩ Ijipiti lɛ a yuo ta, aŋ tɩma pɩpɩ La TƖƖNA.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

1 SAMƲƐL 12:24

Má hɛ doluŋ aŋ fá La TƖƖNA, a kɛŋ wʋtɩtɩɩ a tutou arɩ ma tʋɔŋ kala. Má liisi wʋbala-la kala ʋ sɩ ŋaa pɩma wɩaa.