Jɔɔŋ 4:22 - WƖA TENIŊ

²² Ma-na Samarɩa tɩŋŋaa sɛnɛ bɩ jɩŋ nɩɩ-la ma sɩɩ chʋɔlʋ. La-na Juu tɩŋŋaa jɩŋ Nɩɩ-la la sɩɩ chʋɔlʋ nɛ. Nɩɩ-la lɛ Wɩa sɩ jaŋ to a laa dʋnɩa nɩaa ta, ʋ lɩɩ Juu tɩŋŋaa tʋɔŋ nɛ.

Jɔɔŋ 4:22 ပူးပေါင်းရင်းမြစ်များ

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

ƐZƖRA 4:2

ŋɩɩ nɛ ba kɔ Zerubabɛl arɩ dɩa dɩa nɩhɩasɩŋ teeŋ a bʋl, “Má leŋ dɩ la pɛ ma lɛ a saa dɩa-la, bɛɛ wɩaa la ma nagɛ ma nɛ a chʋchʋɔlɛ Wɩa-la ma sɩɩ chʋɔlʋ. La ma kpʋ pʋsʋŋ pʋpʋ nɛ a lɩɩ bʋa-la lɛ Asiiria kuoro Ɛsahadɔŋ sɩ kɛnla kɔ daha.”

WƖA YƖƖLAA 147:19

Ʋ joŋ ʋ niiŋ wɩaa dagɛ Jekɔb nɛ, a joŋ ʋ wombiee ʋ sɩ bile dɩ la tuto arɩ ʋ wʋdagaa a pɩ ʋ nɩaa Iziral tɩŋŋaa.

WƖA YƖƖLAA 68:20

La Wɩa nɛ ŋaa Laataara, Wɩa nɛ laa nɩaa tɩta sʋʋŋ nɩsɩŋ lɛ.

AZAAYA 12:2

Wʋtɩtɩɩ, Wɩa nɛ ŋaa mɩ Laataara, mɩ jaŋ laaʋ dii a bɩ fawʋllʋŋ ka fá. La TƖƖNA nɛ ŋaa mɩ doluŋ, mɩ jaŋ yɩɩ yɩɩlɩŋ dɛnnʋ, ʋ nɛ ŋaa mɩ Laataara.”

AZAAYA 12:6

Nɩalɩŋ sɩ hɛ Jerusalɛm lɛ, má faasa yɩɩ yɩɩlaa arɩ tʋɔtɔrʋŋ, bɛɛ wɩaa Iziral tɩŋŋaa Wɩɩ-balɩŋ sɩ bɩ disiniŋ kɛnɛ hɛ ma tʋɔŋ nɛ.”

AZAAYA 2:3

Nɩ-daŋ jaŋ kɔ a bʋl, “Má kɔ dɩ la jɩl La TƖƖNA peel-la nyuŋ, a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

AZAAYA 46:13

Mɩ kɛŋ mɩ tʋɔpʋla kʋ kpagɛma nɛ. Ʋ bɩra bɩ dɩ-bolii hɛ, mɩ bɩ jaŋ dieni aŋ laa nɩaa ta. Mɩ jaŋ laa Jerusalɛm nɩaa ta, a leŋ dɩ Iziral tɩŋŋaa kɛŋ yuŋuŋ.”

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Tɩntɩŋŋaa 17:23

Mɩ sɩɩ gɔllɛ ma taŋ lɛ, mɩ na ma vesiŋ. Mɩ bɩra na koruŋ ma ma sɩ saa. Ŋ-la nɛ ma tuuro hɛ ʋ lɛ: ‘WƖA-LA LA SƖ BƖ JƖŊ DƖ-KPAARƖŊ NƐ Ŋ-LA.’ ” Ŋɩɩ nɛ Pɔɔl bɩra bʋl, “Wɩa-la ma sɩɩ chʋɔlɛ aŋ bɩ ʋ jɩŋ, ʋ wɩaa nɛ mɩ bʋlaa pɩma ŋɩɩ.

Tɩntɩŋŋaa 17:30

Bʋa-la lɛ nuhuobiinee sɩ bɩ ʋ jɩŋ, ʋ fa tɔrɩkɔ nɛ ba nyuŋ. Ama lɛɛlɛ ʋ bʋla pɩpɩ nʋʋkala lee-na kala dɩ ba bɩrɩma lɩɩ ba wʋbɔŋŋɔɔ lɛ,

Tɩntɩŋŋaa 3:26

Ŋɩɩ nɛ Wɩa lɩɩsɛ ʋ tɩntɩnna Yesu, dɩ ʋ laa sɩpaaŋ kɔ ma teeŋ a pɛ ma lɛ, dɩ ma kala bɩrɩma lɩɩ ma wʋbɔŋŋɔɔ ŋaanɩŋ lɛ.”

Rom Tɩŋŋaa 11:18

Má sɩ́ ma tɩtɩa lɛ bigisu arɩ ma kpɩa tɩa-la naakelee ba sɩ kere ta lɛ. Ma dee bɩ tɩa-la naapoloo chaga bil. Tɩa-la naapoloo nɛ chagɛma bil.

Hiburu TƖŊŊAA 7:14

Nʋʋkala jɩma arɩ Yesu lɩɩ Juda doho nɩaa tʋɔŋ nɛ. Ama bʋa-la lɛ Mosis fa sɩ bʋl wɩaa a tɩgɛ nɩalɩŋ sɩ jaŋ ŋaa Wɩɩsʋllɩ sɩpaalaaraa lɛ, ʋ bɩ bʋla arɩ ba lɩɩsɛ nʋʋ sɩ lɩɩ Juda doho nɩaa tʋɔŋ.