Jɔɔŋ 4:14 - WƖA TENIŊ

¹⁴ Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 4:14 ပူးပေါင်းရင်းမြစ်များ

AZAAYA 49:10

Losuŋ koo lɩɩnyʋasʋŋ bɩ jaŋ kɛmba. Wɩɩpɔsʋŋ arɩ tintee-hɩlɩŋ lɩmɩŋ ma bɩ jaŋ lɩma kɛmba, bɛɛ wɩaa nɩɩ-la sɩɩ fá ba nenige jaŋ laa ba sɩpaaŋ a kɛmba mʋ lɩɩ-bulo leriŋ.

AZAAYA 55:1

La TƖƖNA bɩra sɩ, “Ma nɩalɩŋ kala lɩɩnyʋasʋŋ sɩ kɛnɛ, má kʋ nyʋa lɩɩŋ. Ma nɩalɩŋ ma sɩ bɩ moribiee kɛnɛ, má kʋ dii kɩaa. Má kʋ nyʋa tɩɩnɛnɛɛ sɩnɩŋ arɩ nayɩlɩŋ, ma bɩ jaŋ tiŋ kʋŋkala.

AZAAYA 58:11

Mɩ-na ma TƖƖNA jaŋ pɔma bʋa na-kala lɛ. Mɩ jaŋ pɩma kʋzɔmɔ-la kala ma sɩɩ chɛ tintee-hɩlɩŋ lɛ, a leŋ dɩ ma kɛŋ doluŋ arɩ yarɩfɩɛlaa. Ma jaŋ nagɛ lɩga ba sɩɩ mɩsɛ lɩɩŋ bʋa na-kala, a bɩra nagɛ lɩɩ-bul sɩɩŋ sɩ bɩ kɛrɛ.

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

JƐRƖMAAYA 31:25

Mɩ jaŋ leŋ dɩ nɩalɩŋ sɩ lɔlɔ yaraa polli, a leŋ dɩ nɩalɩŋ ma sɩ yiege bɩra kɛŋ doluŋ.”

ƐZƖKƖƐL 47:9

Lee na-kala fuo-la sɩ jaŋ pɛllɛ mʋ, pʋna na-kala doho arɩ chenfilee jaŋ hɛ nɩmɛ a yʋgɛ, bɛɛ wɩaa lɩɩ-la jaŋ leŋ dɩ mʋgʋ-bal-la lɩɩŋ sɩ nagɛ yɩsɩŋ bɩrɩmɛ a zɔŋ. Lee na-kala ʋ sɩ pɛllɛ mʋ, kɩalɩŋ sɩ hɛ nɩmɛ jaŋ kɛŋ mɩɩsɩŋ.

LEVI DOHO NƖAA 11:36

Lɩɩ-bulo arɩ vilee lɩɩŋ bɩ disiniŋ kɛnɛ bʋa na-kala, dɩ kɩalɩŋ la sɩ daga kʋŋ nɛ sʋʋ hɛ ba lɛ ma. Ama dɩ nʋʋ nɛ digi kʋsʋʋ-la sɩ tele hɛ, ŋ-na jaŋ kɛŋ disiniŋ.

Matiu 25:46

Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”

Matiu 5:6

Wɩa jaŋ pɛ nɩalɩŋ sɩ faasa chɩchɛ tʋɔpʋla a nagɛ losuŋ koo lɩɩnyʋasʋŋ sɩ kɛŋ nɩaa ba chɩchɛ kʋdiilee koo lɩɩŋ ŋɩɩ. Wɩa jaŋ leŋ dɩ ba kɛŋ tʋɔpʋla.

Jɔɔŋ 10:10

Gaara-na yie kɔ dɩ ʋ gaa nɛ, a kpʋ, a chei kɩaa, ama mɩ-na kɔ dɩ nɩaa wuo kɛŋ mɩɩsɩŋ, dɩ ba tʋɔŋ tʋtɔrɛ woruŋ bʋa na-kala lɛ.”

Jɔɔŋ 11:26

Nɩɩ-la ma kala sɩ weye aŋ laa mɩ wɩaa dii, ʋ bɩ jaŋ kɔ dɩ ʋ sʋba. Ŋ laa wɩɩŋ deeŋ dii nɛɛ?”

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Jɔɔŋ 4:11

Ŋɩɩ nɛ haal-la pɩɛsʋ, “Kʋhɩaŋ, ŋ bɩ gʋʋga kɛnɛ dɩ ŋ kaa ŋaa lɩɩŋ, ka vil-la ma luŋ. Nɩɩ lɛ nɛ saa ŋ jaŋ na lɩɩ-la sɩɩ pɩ nɩaa mɩɩsɩŋ?

Jɔɔŋ 4:13

Ŋɩɩ nɛ Yesu bʋla pʋ, “Nʋʋkala sɩ nyʋa lɩɩŋ deeŋ, lɩɩnyʋasʋŋ jaŋ bɩra kɛŋ tɩɩna.

Jɔɔŋ 4:36

Nɩalɩŋ kala sɩ ŋaa kɩalɩŋ hɛ dɔŋɔ lɛ, ba jaŋ laa ba time. Kɩalɩŋ ma ma sɩ ŋaa hɛ dɔŋɔ lɛ, ba ma nɛ ŋaa nɩalɩŋ sɩ laa mɩ wɩaa dii. Ba nɛ jaŋ kɛŋ mɩɩsɩ-la sɩ bɩ dɛrɛ. Ŋɩɩ wɩaa, nɩalɩŋ sɩ kɛsɛ nɩalɩŋ sɩ laa mɩ wɩaa dii arɩ nɩalɩŋ sɩ bʋl Wɩa wɩaa pɩpɩ nɩaa, ba kala tʋɔŋ jaŋ tɔrɛ.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Jɔɔŋ 6:35

Ŋɩɩ nɛ Yesu bʋla pɩba, “Mɩ nɛ ŋaa kʋdiile-la sɩɩ pɩ nɩaa mɩɩsɩŋ. Nɩɩ-la kala sɩ kɔ mɩ teeŋ, losuŋ bɩra bɩ jaŋ kɛnʋ. Nɩɩ-la ma sɩ laa mɩ wɩaa dii, lɩɩnyʋasʋŋ bɩra bɩ jaŋ kɛnʋ.

Jɔɔŋ 6:58

Kʋdiile-la sɩ lɩɩ Wɩa-jaŋ kʋ tuu nɛ ŋɩɩ. Ʋ bɩ naga kʋdiile-la ma naabalɩmaba sɩ die aŋ ha sʋʋ nɛ. Nɩɩ-la kala sɩ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ.”

Jɔɔŋ 7:37

Gbiele-la chɛ-dɛrɩŋ, tapʋlɩɩ-la nɛ fa ŋaa gbiele-la sɩɩfɩaŋ chɛɛŋ. Ŋɩɩ nɛ Yesu sii chɩŋ a faasa bʋl, “Nɩɩ-la kala lɩɩnyʋasʋŋ sɩ kɛnɛ, má leŋ dɩ ʋ kɔ mɩ teeŋ a nyʋa lɩɩŋ.

Rom Tɩŋŋaa 5:21

Wʋbɔŋŋɔɔ sɩ kɛŋ doluŋ a laa dʋnɩa nɩaa tɩɩ ŋɩɩ, ŋɩɩ nɛ kɛŋ sʋʋŋ kaa kɔ. Ŋɩɩ tɩtɩa nɛ Wɩa lahɔrɩmɔ-la ma to tʋɔpʋla-la Wɩa sɩ leŋe la kɛŋ lɛ a yuo dii dʋnɩa. Ŋɩɩ leŋ la to La Tɩɩna Yesu Kirisito lɛ a kɛŋ mɩɩsɩ-la sɩ bɩ dɛrɛ.

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

2 Kɔrɩntɩ Nɩaa 1:22

a joŋ ʋ magɩlɩŋ hɛ la lɛ a tɩɩla. Ʋ joŋ ʋ Dɩŋ-zɔmʋŋ a hɛ la lɛ nɛ, dɩ la wuo jɩŋ arɩ maachie ʋ jaŋ joŋ kʋ-daŋ ma pɩla.

Ɛfɛsɩs Nɩaa 4:30

Má sɩ́ leŋe dɩ Wɩa Dɩŋ-zɔmʋŋ tʋɔŋ chei. Ʋ nɛ Wɩa joŋo hɛ ma lɛ, ʋ ŋaa magɩlɩŋ ma lɛ a dagɛ arɩ Wɩa jaŋ laama ta tapʋlɩɩ-la Kirisito sɩ́ jaŋ mɩɩra kɔ.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

Jɔɔŋ Wʋnaalaa 7:16

Losuŋ bɩra bɩ jaŋ kɛmba, lɩɩnyʋasʋŋ ma bɩ jaŋ kɛmba, wɩɩpɔsʋŋ ma bɩ jaŋ kpʋba, wulumuŋ ma bɩ jaŋ kɛmba.

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”