Jɔɔŋ 4:10 - WƖA TENIŊ

¹⁰ Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Jɔɔŋ 4:10 ပူးပေါင်းရင်းမြစ်များ

WƖA YƖƖLAA 10:17

Ŋ nɩɩ nɩalɩŋ sɩɩ na hɛɛŋ nii-ŋmobo nɛ, a ŋaa wɩɩ-la ba sɩɩ chɛ a leŋ ba nyuŋ nyaasɛ.

WƖA YƖƖLAA 46:4

Fuo kʋbala nɛ hɛ nɩmɛ, ʋ naakelee yie leŋ Wɩa tabalɩŋ nɩaa tʋɔŋ tɔrɛ, lee-la sɩ bɩ disiniŋ kɛnɛ Wɩa sɩ kɩɩ kʋŋkala jʋjʋʋ.

MOSIS KƐŊ IZIRAL TƖŊŊAA LƖƖ 17:6

Mɩ jaŋ gbɛrɩŋ peel-la ba sɩɩ yɩrɛ Sɩnaɩ bʋŋ-la bʋbʋɔŋ. Dɩ ŋ nɛ ŋmoo bʋŋ-la arɩ ŋ dantɩga-la, lɩɩŋ jaŋ kʋ lɩɩ dɩ nɩalɩŋ nyʋa.” Ŋɩɩ nɛ Mosis ŋaa ŋɩɩ Iziral tɩŋŋaa kʋhɩasɩŋ sɩpaaŋ.

SOLOMOŊ YƖƖL-SƖMƖŊ 4:15

Ŋ nagɛ lɩga lɩɩ-bulo nɛ, a nagɛ fuoŋ lɩɩŋ sɩɩ pɛllʋ a pɛllɛ lɩɩ Lɛbanɔŋ peelee a kʋkɔ.

AZAAYA 12:3

A nagɛ lɩɩnyʋasʋŋ sɩ yie kɛŋ nɩa ʋ nyʋa lɩɩzɔmʋŋ ʋ tʋɔŋ tɔrɛ ŋɩɩ, ŋɩɩ nɛ ma tʋɔŋ jaŋ tɔrɛ dɩ ʋ nɛ laama ta.

AZAAYA 35:6

Gbɛrɩgɛɛ jaŋ sii fɩla jʋjʋɔsɛ a nagɛ aamɩŋ, ka nɩalɩŋ ma sɩ bɩ wɩaa wuo bʋl jaŋ ŋaa goŋ arɩ tʋɔtɔrʋŋ. Lɩɩŋ jaŋ bul a lɩɩ tintee-hɩlɩŋ lɛ, dɩ fuonuŋ paala pɩŋ nɩmɛ.

AZAAYA 42:6

Ʋ sɩ, “Mɩ-na ma TƖƖNA nɛ yɩrɩŋ arɩ tʋɔpʋla. Mɩ jaŋ kɛŋ ŋ nɩsɩŋ lɛ aŋ beŋ ŋ nyuŋ woruŋ. Mɩ jaŋ leŋ dɩ ŋ ŋaa nii mɩ dɩ mɩ nɩaa pɛgɛ, aŋ ŋaa pʋlʋŋ a pɩ tinteyee dɔnsʋŋ ma.

AZAAYA 43:20

Baga kɩaa jaŋ zilmi, jolluŋ arɩ hajaaŋkuŋkumba jaŋ zilmi, bɛɛ wɩaa mɩ jaŋ leŋ dɩ lɩɩŋ hɛ tintee-hɩlɩŋ lɛ dɩ fuonuŋ pɩŋ, dɩ nɩalɩŋ mɩ sɩ lɩɩsa ba ŋaa mɩ nɩaa nyʋa.

AZAAYA 44:3

Mɩ jaŋ leŋ dɩ tintee-hɩlɩŋ vɔgɛ lɩɩŋ, dɩ fuonuŋ pɩŋ nɩmɛ. Mɩ jaŋ joŋ mɩ Dɩma a hɛ ma biiriŋ lɛ aŋ pɛ ma doho nɩaa lɛ.

AZAAYA 49:10

Losuŋ koo lɩɩnyʋasʋŋ bɩ jaŋ kɛmba. Wɩɩpɔsʋŋ arɩ tintee-hɩlɩŋ lɩmɩŋ ma bɩ jaŋ lɩma kɛmba, bɛɛ wɩaa nɩɩ-la sɩɩ fá ba nenige jaŋ laa ba sɩpaaŋ a kɛmba mʋ lɩɩ-bulo leriŋ.

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

ƐZƖKƖƐL 16:35

Ŋɩɩ wɩaa Jerusalɛm, ŋ ŋaa hachɔrʋŋ nɛ, jegile nɩɩ wɩɩ-la mɩ-na ŋ TƖƖNA sɩ bʋla.

ZƐKARƖYA 13:1

La TƖƖNA sɩ, “Tapʋlɩɩ-la mɩ jaŋ suri lɩɩ-bul-sɩɩŋ a pɩ Devit doho nɩaa arɩ Jerusalɛm nɩaa, a chɛsɛ ba wʋbɔŋŋɔɔ arɩ ba disiniŋ ta.

ZƐKARƖYA 14:8

Tapʋlɩɩ-la, lɩɩŋ sɩɩ pa mɩɩsɩŋ jaŋ pɛllɛ lɩɩ Jerusalɛm lɛ, kpaa magɛ dɔŋɔ jaŋ pɛllɛ mʋ wɩɩpɔsʋŋ dɩɩrɩŋ mʋgʋ-balɩŋ, dɩ kpaa magɛ dɔŋɔ ma pɛllɛ mʋ wɩɩjʋʋlʋŋ dɩɩrɩŋ mʋgʋ-balɩŋ, yibiiniŋ arɩ tafaaŋ kala.

Luuk 11:13

Dɩ ma nɛ bɔmɔ aŋ joŋ kʋzɔŋŋɔɔ pɩpɩ ma biiriŋ, ɛɛ nɛ ma Nyɩmma sɩ hɛ Wɩa-jaŋ bɩ jaŋ joŋ ʋ Dɩŋ-zɔmʋŋ a pɩ nɩalɩŋ sɩ sʋla chɩchɛ?”

Jɔɔŋ 16:3

Ba jaŋ ŋaa wɩaa deemba kala a tɩŋ ba sɩ́ bɩ mɩ Nyɩmma jɩŋ, a bɩ mɩ ma jɩŋ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 6:35

Ŋɩɩ nɛ Yesu bʋla pɩba, “Mɩ nɛ ŋaa kʋdiile-la sɩɩ pɩ nɩaa mɩɩsɩŋ. Nɩɩ-la kala sɩ kɔ mɩ teeŋ, losuŋ bɩra bɩ jaŋ kɛnʋ. Nɩɩ-la ma sɩ laa mɩ wɩaa dii, lɩɩnyʋasʋŋ bɩra bɩ jaŋ kɛnʋ.

Jɔɔŋ 6:51

Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

Tɩntɩŋŋaa 9:11

Ŋɩɩ nɛ La Tɩɩna Yesu bʋla pʋ, “Sii mʋ wombii-la ba sɩɩ yɩrɛ wombii-tegi tegi a mʋ baal kʋbala dɩa ʋ yɩrɩŋ nɛ Judas, a pɩɛsɛ chɛ baal-la sɩ lɩɩ taŋ kʋbala baa yɩrɛ Taasɩs. Baal-la yɩrɩŋ nɛ Sɔɔl, ʋʋ chʋɔlɛ Wɩa nɛ lɛɛlɛ ŋ-la.”

Rom Tɩŋŋaa 8:32

Wɩa paala bɩ ʋ tɩtɩa Bie kaa laa nɩaa teeŋ. Ʋ joŋu hɛ nɩaa nɩsɩŋ lɛ nɛ dɩ ba kpʋʋ a tɩŋ la wɩaa. Ʋ sɩ wuo ŋaa ŋ-la, ma bɩ jɩŋ arɩ ʋ jaŋ wuo chaasa joŋ kʋŋkala ma pɛ pɩla koo?

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 10:4

a nyʋa lɩɩ-la sɩ lɩɩ Wɩa teeŋ ma. Lɩɩ-la Wɩa sɩ pɩba dɩ ba nyʋa lɩɩ bʋŋ lɛ nɛ a tuto ba harɩŋ. Kirisito tɩtɩa nɛ saa ŋaa bʋŋ-la.

2 Kɔrɩntɩ Nɩaa 9:15

Laa lɔllɛ Wɩa a tɩŋ wʋbalbal-la ʋ sɩ joŋo pɩla pɛɩ.

Ɛfɛsɩs Nɩaa 2:8

Wɩa lahɔrɩmɔ nɛ tɩɩ ʋ laama ta, a tɩŋ ma sɩ laa ʋ wɩaa dii. Ʋ bɩ naga ma tɩtɩa doluŋ lɛ nɛ tɩɩ Wɩa laama ta, ʋ ŋaa ŋɩɩ pɩma chɔgɩta nɛ.

Hiburu TƖŊŊAA 6:4

Dɩ Wɩa nɛ wuo suri nɩaa sɩaa dɩ ba wuo jɩŋ ʋ wɩaa, a wuo laa Wɩa zile kɩalɩŋ ma, a bɩra kɛŋ ʋ Dɩŋ-zɔmʋŋ ma,

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”