Jɔɔŋ 3:6 - WƖA TENIŊ

⁶ Nuhuobiine yie lʋl nuhuobiine ʋ kɛŋ mɩɩsɩŋ nɛ tinteeŋ deeŋ lɛ. Wɩa ma yie joŋ ʋ Dɩŋ-zɔmʋŋ a hɛ nʋʋ lɛ ʋ kɛŋ mɩɩsɩŋ Wɩa teeŋ.

Jɔɔŋ 3:6 ပူးပေါင်းရင်းမြစ်များ

WƖAA DƖ-SUOMUŊ 5:3

Adam sɩ hɛ nɩmɛ a yi jɩsɩŋ zɔlɔ arɩ mara arɩ fii, ʋ bɩra lʋl hambolibie, ʋ nagʋ woruŋ. Ʋ hɛ ʋ yɩrɩŋ Sɛf.

WƖAA DƖ-SUOMUŊ 6:12

Ʋ na dɩ dʋnɩa cheye nɛ, bɛɛ wɩaa nʋʋkala ka ŋaa wʋbɔŋŋɔɔ nɛ.

WƖAA DƖ-SUOMUŊ 6:5

La TƖƖNA na ŋɩɩ nuhuobiine tʋɔŋ sɩ hɛyɛ dʋnɩa tʋɔŋ, ʋ tʋɔbɩɩnaa ma kala lɔrɛ bʋa na-kala.

JOB 14:4

Kʋbɛɛ nɛ jaŋ wuo lɩɩsɛ kʋŋ sɩ bɩ disiniŋ kɛnɛ kɩaa sɩ kɛŋ disiniŋ lɛ? Nʋʋ tuo.

JOB 25:4

Ɛɛ nɛ saa nuhuobiine jaŋ wuo ŋaa tʋɔpʋl tɩɩna Wɩa sɩpaaŋ? Nʋʋ sɩ pɩŋ haala tʋɔŋ lɩɩ jaŋ wuo ŋaa nɩpʋlaa?

WƖA YƖƖLAA 51:10

Mɩ Wɩa, leŋ dɩ mɩ kɛŋ tʋɔpʋla, a wasa chɩŋ mɩ wʋtɩtɩɩ naaŋ lɛ.

Jɔɔŋ 1:13

Nɩaa deemba bɩ naga baala sɩ jɩŋ ʋ haala ba lʋl biiriŋ ŋɩɩ nɛ. Wɩa tɩtɩa nɛ ŋaa ba Nyɩmma.

Jɔɔŋ 3:7

Sɩ́ leŋe dɩ ʋ ŋaa wʋkpuŋkpere ŋ lɛ mɩ sɩ bʋla pɩŋ arɩ ʋ maga dɩ ba wasa lʋlʋŋ.

Rom Tɩŋŋaa 7:18

Mɩ sɩ kɛŋ nuhuobiine yaraa ŋɩɩ, mɩ jɩma arɩ wʋzɔŋŋɔɔ ŋaanɩŋ bɩ mɩ lɛ hɛ. Mɩ fa cho dɩ mɩɩ ŋaa wʋzɔŋŋɔɔ nɛ, a ŋaa lʋlɔl.

Rom Tɩŋŋaa 7:25

Mɩɩ lɔllɛ Wɩa ʋ sɩ to La Tɩɩna Yesu Kirisito lɛ a ŋaa wɩɩŋ deeŋ pɩmɛ. Mɩ tɩtɩa doluŋ lɛ, mɩ jaŋ to Wɩa niiŋ wɩaa arɩ mɩ tʋɔbɩɩnaa, ka dɩ mɩ yaraa maa to wʋbɔŋŋɔɔ niiŋ.

Rom Tɩŋŋaa 7:5

Bʋa-la la sɩɩ to la tʋɔtɔrɛ wʋŋaalaa harɩŋ, wɩalɩŋ Mosis fa sɩ ŋmʋnsa bil dɩ nɩaa tuto nɛ fa ŋaa sɩma kɛnla la kɛŋ la yaraa ŋɩŋaa wʋbɔŋŋɔɔ, wɩalɩŋ sɩ jaŋ kɛnla mʋ hɛ sʋʋŋ bʋa lɛ.

Rom Tɩŋŋaa 8:13

Dɩ ma nɛ to ma yaraa wʋŋaalaa lɛ, ma jaŋ sʋʋ. Ama dɩ ma nɛ vɩa ma yaraa wʋŋaalaa, ma jaŋ kɛŋ mɩɩsɩŋ Wɩa Dɩŋ-zɔŋ-la doluŋ lɛ.

1 Kɔrɩntɩ Nɩaa 6:17

Ŋɩɩ tɩtɩa nɛ nɩɩ-la sɩ kɛŋ ʋ tɩtɩa mʋ mɛrɛ La Tɩɩna Kirisito lɛ, ʋ dɩ ʋ ŋaa kʋbala nɛ Wɩa Dɩŋ-zɔŋ-la doluŋ lɛ.

2 Kɔrɩntɩ Nɩaa 5:17

Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

Galiisia Nɩaa 5:24

Ŋɩɩ wɩaa, nɩalɩŋ sɩ laa Kirisito wɩaa dii, ba kpʋ ba tɩtɩa tʋɔtɔrɛ wʋŋaalaa ta nɛ. Ba bɩra bɩ wɩalɩŋ ba sɩɩ hɩɛnʋ arɩ ba tʋɔtɔrɛ wʋŋaalaa lɛ ka to.

Ɛfɛsɩs Nɩaa 2:3

La ma kala fa nagɛ ba nɛ a tuto la tʋɔtɔrɛ wʋŋaalaa harɩŋ a ŋɩŋaa wʋlɔrʋnʋŋ, a bɩbɩɩnɛ wʋbɔŋŋɔɔ. La fa sɩɩ ŋaa wɩaa deemba, Wɩa fa na baanɩŋ nɛ la nyuŋ, arɩ ʋ fa sɩ na baanɩŋ nɩalɩŋ nyuŋ ŋɩɩ.

Koloosi Nɩaa 2:11

Ma dɩ Kirisito sɩ ŋaa kʋbala ŋɩɩ, ʋ naga arɩ ʋ keri ma penee nɛ, ʋ bɩ naga nuhuobiinee nɛ kere. Ʋ sɩ ŋaa ŋɩɩ nɛ leŋe ma wuo joŋ ma faafaa wʋbɔmɔ-la ta.

1 Jɔɔŋ 3:9

Nɩɩ-la kala sɩ ŋaa Wɩa bii, ʋ tɩɩna bɩ wʋbɔŋŋɔɔ ŋaa, bɛɛ wɩaa Wɩa nagɩsɩŋ hɛ ʋ lɛ nɛ. Ʋ bɩ jaŋ wuo vɩa aŋ ha ŋɩŋaa wʋbɔŋŋɔɔ, bɛɛ wɩaa ʋ ŋaa Wɩa bii nɛ.