Jɔɔŋ 3:5 - WƖA TENIŊ

⁵ Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Jɔɔŋ 3:5 ပူးပေါင်းရင်းမြစ်များ

Matiu 18:3

aŋ bʋla pɩba, “Wʋtɩtɩɩ nɛ mɩ bʋlaa pɩma, see dɩ ma kɛŋ ma tɩtɩa muuri a nagɛ hambiisiŋ, dɩ ŋɩɩ dee, ma bɩ jaŋ wuo jʋʋ Wɩa kuorii-la tʋɔŋ.

Matiu 19:24

Mɩ bɩra bʋlaa pɩma, ʋ bɩ hɛɩ arɩ bʋntaŋŋa sɩ jaŋ wuo to gɛrɩ-hɛmɩŋ bʋa lɩɩ arɩ ʋ sɩ hɛyɛ ŋɩɩ nɩɩ-la sɩ kɛŋ kɩaa sɩ jaŋ wuo jʋʋ Wɩa kuorii-la tʋɔŋ.”

Matiu 28:19

Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ.

Matiu 3:11

Mɩ-na foma Wɩɩchʋɔlɛ lɩɩŋ a dagɛ arɩ ma bɩrɩma lɩɩ ma wʋbɔŋŋɔɔ lɛ nɛ, ama nɩɩ-la sɩ jaŋ to mɩ harɩŋ kɔ, ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ hɛ dɔnsʋŋ ma lɛ. Ʋ nɛ faasa kɛŋ doluŋ kɩɩmɛ. Ʋ paala bɩ maga dɩ mɩ kori ʋ nɛntɛŋŋɛɛ ma.

Matiu 5:20

Mɩ jaŋ bʋla pɩma, see dɩ ma kɛŋ tʋɔpʋla a kɩɩ Wɩa teniŋ kerichiba arɩ Farisii tɩŋŋaa a ŋɩŋaa wɩalɩŋ Wɩa sɩɩ chɛ, dɩ ŋɩɩ dee, ma bɩ jaŋ wuo jʋʋ Wɩa kuorii-la tʋɔŋ.”

Maak 10:14

Yesu sɩ na ŋɩɩ, ʋ na baanɩŋ ʋ harɩ-tooro-la nyuŋ a bʋla pɩba, “Má leŋ dɩ hambiisi-la kɔ mɩ teeŋ, má sɩ́ ba kiru. Nɩaa deemba doho nɛ hɛ Wɩa kuorii-la tʋɔŋ.

Maak 16:16

Nɩɩ-la kala sɩ laa mɩ wɩaa dii a leŋ ba fou Wɩɩchʋɔlɛ lɩɩŋ, Wɩa jaŋ laaʋ ta, ama nɩɩ-la kala sɩ bɩ mɩ wɩaa laa dii, Wɩa jaŋ joŋ cheeriŋ pʋ.

Maak 9:47

Dɩ ŋ sɩɩŋ nɩɩ chɛ dɩ ʋ kɛnɩŋ hɛ wʋbɔmʋŋ lɛ, lɩɩsa ta. Ŋ sɩ jaŋ jʋʋ Wɩa kuorii-la tʋɔŋ arɩ sɩɩ-togo, ʋ nɛ kpɩa ba sɩ joŋuŋ yuo hɛ Wɩa nyiniŋ lɛ arɩ sɩaa balɩa.

Luuk 13:24

Ŋɩɩ nɛ Yesu bʋla pɩba, “Dɩ ma nɩɩ chɛ dɩ ma jʋʋ Wɩa kuorii-la tʋɔŋ, ʋ maga arɩ ma to boi-la sɩ bɩ jal nɛ. Má hɛ doluŋ a to boi-la a jʋʋ. Mɩ jaŋ bʋla pɩma, nɩaa jaŋ yʋgɛ a wʋwalɩmɛ dɩ ba to lee-la jʋʋ aŋ walɩma lɔl.

Luuk 13:3

Aɩ, ŋɩɩ dee. Dɩ ma nɛ bɩ bɩrɩma lɩɩ ma wʋbɔŋŋɔɔ lɛ, ma kala jaŋ sʋʋ arɩ nɩaa deemba sɩ sʋʋ ŋɩɩ.

Luuk 13:5

Aɩ, ŋɩɩ dee. Mɩ bʋlaa pɩma, dɩ ma kala bɩ bɩrɩma lɩɩ ma wʋbɔŋŋɔɔ lɛ, ma kala jaŋ sʋʋ a nagɛ nɩaa deemba fa sɩ sʋʋ ŋɩɩ.”

Jɔɔŋ 1:13

Nɩaa deemba bɩ naga baala sɩ jɩŋ ʋ haala ba lʋl biiriŋ ŋɩɩ nɛ. Wɩa tɩtɩa nɛ ŋaa ba Nyɩmma.

Jɔɔŋ 3:3

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 3:4

Ŋɩɩ nɛ Nikodemɔs pɩɛsʋ, “Ɛɛ nɛ banɩhɩaŋ jaŋ wuo ŋaa dɩ ba bɩra wasa lʋlʋʋ? Ʋ jaŋ bɩra wuo jʋʋ ʋ naaŋ luoruŋ dɩ ʋ bɩra wasa lʋlʋʋ?”

Tɩntɩŋŋaa 2:38

Ŋɩɩ nɛ Pɩɩta bʋla pɩba, “Má bɩrɩma lɩɩ ma wʋbɔŋŋɔɔ lɛ, aŋ leŋ dɩ ba foma Wɩɩchʋɔlɛ lɩɩŋ Yesu Kirisito yɩrɩŋ lɛ, dɩ Wɩa joŋ ma wʋbɔŋŋɔɔ chɛma, aŋ joŋ ʋ Dɩŋ-zɔmʋŋ dii zile ma lɛ.

Tɩntɩŋŋaa 3:19

Má bɩrɩma lɩɩ ma wʋbɔŋŋɔɔ lɛ aŋ to Wɩa, dɩ ʋ joŋ ma wʋbɔŋŋɔɔ chɛma, dɩ La Tɩɩna leŋ dɩ ma dɩnsɩŋ na wiese.

Rom Tɩŋŋaa 14:17

Kʋdiile-la la sɩɩ dii arɩ kɩalɩŋ la sɩɩ nyʋa bɩ sɩɩfɩaŋ wɩɩ ŋaa Wɩa kuorii-la tʋɔŋ. Wɩalɩŋ sɩ ŋaa sɩɩfɩaŋ wɩaa nɛ ŋ-la: Dɩ la kɛŋ tʋɔpʋla Wɩa sɩpaaŋ, a kɛŋ nii-bala, aŋ pɛ kɛŋ tʋɔtɔrʋŋ ma Wɩa Dɩŋ-zɔmʋŋ doluŋ lɛ.

Rom Tɩŋŋaa 8:2

La dɩ Yesu Kirisito sɩ ŋaa kʋbala ŋɩɩ, ʋ Dɩŋ-zɔmʋŋ joŋ mɩɩsɩŋ pɩla nɛ. Ʋ laala ta nɛ wʋbɔŋŋɔɔ arɩ sʋʋŋ nɩsɩŋ lɛ.

1 Kɔrɩntɩ Nɩaa 15:50

Mɩ naambiiriŋ, wɩɩ-la mɩ sɩɩ chɛ dɩ mɩ bʋl nɛ ŋ-la: Yara-la ba sɩ kɛŋ tɩarɩŋ mɛ bɩ jaŋ wuo hɛ Wɩa kuorii-la tʋɔŋ. Yara-la ma sɩɩ pʋa bɩ jaŋ wuo hɛ nɩmɛ deeŋ deeŋ a nagɛ yara-la sɩ bɩ pʋa.

1 Kɔrɩntɩ Nɩaa 2:12

La laa Wɩa Dɩŋ-zɔŋ-la nɛ. Ʋ tuo dʋnɩa deeŋ kʋŋ. Wɩa joŋ ʋ Dɩŋ-zɔŋ-la a pɩla nɛ dɩ la wuo jɩŋ kɩalɩŋ kala ʋ sɩ joŋo dii zile la lɛ.

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

Galiisia Nɩaa 6:15

Ʋ bɩ wɩɩ kɛnɛ dɩ la keri la penee koo dɩ la bɩ kere. Wɩɩ-la sɩ ŋaa sɩɩfɩaŋ wɩɩ nɛ, dɩ la bɩrɩmɛ a kɛŋ mɩɩ-falɩɩ-la.

Ɛfɛsɩs Nɩaa 5:26

a pɩɩsɛ ba disiniŋ ta, a fo ba wʋbɔŋŋɔɔ kala ma ta arɩ lɩɩŋ, a tɩŋ Wɩa niiŋ wɩalɩŋ ba sɩ nɩa wɩaa.

1 Pɩɩta 1:2

Faafaa kala nɛ la Nyɩmma Wɩa bɩɩnɛ arɩ ʋ maga dɩ ma ŋaa ʋ nɩaa, ŋɩɩ nɛ tɩɩ ʋ lɩɩsɛma a joŋ ʋ Dɩŋ-zɔmʋŋ a hɛ ma lɛ, dɩ ma ŋaa tʋɔpʋl tɩmma ʋ teeŋ a tuto Yesu Kirisito niiŋ. Ʋ nɛ joŋ ʋ chalɩŋ jaasɛ ma wɩaa dɩ ma sɩ́ disiniŋ kɛŋ Wɩa teeŋ. La Tɩɩna Wɩa lahɔrɩmɔ lɛ, fɩɛlɩŋ jaŋ yʋgɛ ma teeŋ.

1 Pɩɩta 3:21

Lɩɩ-la tʋɔŋ ba sɩ duoro lɩɩ naga ba sɩ fo nɩaa Wɩɩchʋɔlɛ lɩɩŋ nɛ. Dɩ ba nɛ foŋ Wɩɩchʋɔlɛ lɩɩŋ, ʋ bɩ naga arɩ ŋ yaraa disiniŋ nɛ ba fo ta. Ama la yie ŋaa ŋɩɩ a dɩdagɛ arɩ la tʋɔbɩɩnaa chesi nɛ Wɩa sɩpaaŋ. Ʋ ŋɩɩ yie laala ta nɛ a tɩŋ Yesu Kirisito sɩ sii sʋʋŋ lɛ wɩaa.

1 Jɔɔŋ 2:29

Ma jɩma arɩ Kirisito ŋaa tʋɔpʋl Tɩɩna nɛ, ma saa jaŋ jɩŋ arɩ nʋʋkala sɩ ŋaa tʋɔpʋl tɩɩna, ʋ tɩɩna ŋaa Kirisito bii nɛ.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.