Jɔɔŋ 3:36 - WƖA TENIŊ

³⁶ Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

Jɔɔŋ 3:36 ပူးပေါင်းရင်းမြစ်များ

JOB 33:28

Ʋ laamɛ ta nɛ, mɩ bɩ sʋʋŋ bʋa jʋa. Mɩ jaŋ hɛ nɩmɛ a nɩɩ pʋlʋmʋŋ sɩma.’

WƖA YƖƖLAA 2:12

Má zil ʋ Nanʋala, dɩ ŋɩɩ dee ʋ baanɩŋ jaŋ wuo guu sii dɩ ʋ kpʋma. Wɩa jaŋ pɛ nɩalɩŋ sɩ yuoru lɛ.

WƖA YƖƖLAA 36:9

Mɩɩsɩŋ kala lɩɩ ŋ teeŋ nɛ. Ŋ nɛ pʋlʋmʋŋ, ŋɩɩ leŋ la ma na pʋlʋmʋŋ.

WƖA YƖƖLAA 49:19

Ama ʋ jaŋ mʋ lɛlɛɛ-jaŋ ʋ naabalɩmaba teeŋ, ʋ bɩra bɩ jaŋ na pʋlʋmʋŋ dʋnɩa deeŋ lɛ.

HABAKU 2:4

Bee na, nɩalɩŋ sɩɩ dagɛ ba tɩtɩa, ba wʋchɛɛlɛɛ bɩ tʋʋla. Ama tʋɔpʋl tɩŋŋaa-na jaŋ hɛ nɩmɛ a tɩŋ ba sɩ laa mɩ-na Wɩa wɩaa dii.

NAMBABA 32:11

Ʋ sɩ, ‘A tɩŋ ba sɩ bɩ mɩ to arɩ ba tʋɔŋ kala, baala-la kala sɩ lɩɩ Ijipiti tinteeŋ lɛ a yi jɩsɩŋ mara koo a kɩɩ ŋɩɩ bɩ jaŋ na tintee-la mɩ sɩ hɛ niiŋ pɩ Abɩraham, Aɩzɩk arɩ Jekɔb arɩ mɩ jaŋ joŋo pɩba,

Matiu 25:46

Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”

Maak 16:16

Nɩɩ-la kala sɩ laa mɩ wɩaa dii a leŋ ba fou Wɩɩchʋɔlɛ lɩɩŋ, Wɩa jaŋ laaʋ ta, ama nɩɩ-la kala sɩ bɩ mɩ wɩaa laa dii, Wɩa jaŋ joŋ cheeriŋ pʋ.

Luuk 2:30

Mɩ sɛnɛ na nɩɩ-la sɩ kɔ dɩ ʋ laa dʋnɩa nɩaa ta nɛ.

Luuk 3:6

Dɩ ma ŋaa ŋɩɩ, dʋnɩa nɩaa kala jaŋ na ŋɩɩ Wɩa sɩ laa nɩaa tɩta.’ ”

Jɔɔŋ 1:12

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Jɔɔŋ 10:28

Ŋɩɩ nɛ mɩ pɩba mɩɩsɩ-la sɩ bɩ dɛrɛ, ba bɩ jaŋ kɔ dɩ ba sʋba. Nʋʋ ma saa bɩ jaŋ wuo kɛmba kaa laa mɩ nɩsɩŋ lɛ da.

Jɔɔŋ 3:3

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 4:36

Nɩalɩŋ kala sɩ ŋaa kɩalɩŋ hɛ dɔŋɔ lɛ, ba jaŋ laa ba time. Kɩalɩŋ ma ma sɩ ŋaa hɛ dɔŋɔ lɛ, ba ma nɛ ŋaa nɩalɩŋ sɩ laa mɩ wɩaa dii. Ba nɛ jaŋ kɛŋ mɩɩsɩ-la sɩ bɩ dɛrɛ. Ŋɩɩ wɩaa, nɩalɩŋ sɩ kɛsɛ nɩalɩŋ sɩ laa mɩ wɩaa dii arɩ nɩalɩŋ sɩ bʋl Wɩa wɩaa pɩpɩ nɩaa, ba kala tʋɔŋ jaŋ tɔrɛ.

Jɔɔŋ 5:24

Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.

Jɔɔŋ 6:58

Kʋdiile-la sɩ lɩɩ Wɩa-jaŋ kʋ tuu nɛ ŋɩɩ. Ʋ bɩ naga kʋdiile-la ma naabalɩmaba sɩ die aŋ ha sʋʋ nɛ. Nɩɩ-la kala sɩ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ.”

Jɔɔŋ 8:51

Wʋtɩtɩɩ nɛ mɩ bʋlaa pɩma, nɩɩ-la kala sɩɩ to mɩ niiŋ wɩaa, ʋ bɩ jaŋ sʋʋ.”

Tɩntɩŋŋaa 14:2

Ama Juu tɩmma-la sɩ bɩ Yesu wɩaa laa dii, ba nyɩsɛ nɩalɩŋ sɩ bɩ Juu tɩŋŋaa ŋaa hɛ, a chei ba nyuŋ a mʋ tɩgɛ ba naambiiri-la sɩ laa Yesu wɩaa dii lɛ.

Rom Tɩŋŋaa 4:15

Wɩalɩŋ Mosis fa sɩ bile dɩ nɩaa tuto nɛ yie leŋ Wɩa baanɩŋ sisii nɩaa nyuŋ. Dɩ wɩalɩŋ Mosis fa sɩ bile nɛ fa tuo, nɩaa fa bɩ wɩalɩŋ ka chei.

Rom Tɩŋŋaa 5:9

Kirisito sɩ sʋʋ ŋɩɩ a leŋ la kɛŋ tʋɔpʋla ʋ teeŋ, ŋɩɩ-na ʋ jaŋ bɩra laala ta tapʋlɩɩ-la Wɩa sɩ jaŋ na baanɩŋ dʋnɩa nɩaa nyuŋ.

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

Galiisia Nɩaa 3:10

Nɩalɩŋ sɩɩ chɛ dɩ ba to wɩalɩŋ Mosis sɩ bile lɛ a kɛŋ tʋɔpʋla, Wɩa ŋmɩɛsa hɛ ba lɛ nɛ, bɛɛ wɩaa Wɩa teniŋ tʋɔŋ ba bʋla arɩ nɩɩ-la kala sɩ bɩ wɩalɩŋ kala Mosis sɩ ŋmʋnsa bil ka to, Wɩa ŋmɩɛsa hɛ ʋ lɛ nɛ.

Ɛfɛsɩs Nɩaa 5:6

Má sɩ́ leŋe dɩ nʋʋkala kɛŋ wʋnyɩɛrɩŋ a nyɩsɛma. Wɩaa deemba nɛ leŋe Wɩa baanɩŋ sisii nɩalɩŋ sɩ bɩ ʋ niiŋ ka to nyuŋ.

1 Tɛsalonaaka Nɩaa 1:10

Ba yie bʋl arɩ maa gbɛrɛ ʋ Bie Yesu dɩ ʋ lɩɩ Wɩa jaŋ kɔ. Ʋ nɛ Wɩa chɩsɛ sʋʋŋ lɛ. Ʋ nɛ jaŋ laala ta tapʋlɩɩ-la Wɩa baanɩŋ sɩ jaŋ sii nuhuobiinee nyuŋ.

1 Tɛsalonaaka Nɩaa 5:9

bɛɛ wɩaa Wɩa bɩ la lɩɩsa dɩ ʋ na baanɩŋ la nyuŋ. Ama ʋ lɩɩsɛla dɩ ʋ to La Tɩɩna Yesu Kirisito lɛ nɛ a laala ta.

Hiburu TƖŊŊAA 10:29

Dɩ ba nɛ fa yie ŋaa ŋ-la, ɛɛ nɛ saa ba jaŋ ŋaa nɩɩ-la sɩ bee gʋʋnɛ Wɩa Bie arɩ ʋ tuo kʋŋkala? Tɩɩna bɩra kɛŋ Yesu chal-la Wɩa sɩ kaa bil niiŋ ʋ dɩ nɩaa pɛgɛ kaa chei nɛ. Chal-la nɛ Wɩa fa kaa chɛsɛ tɩɩna disiniŋ kala ta ʋ kʋ ŋaa tʋɔpʋl tɩɩna. Dɩ tɩɩna bɩra tʋʋsɛ Wɩa Dɩŋ-zɔŋ-la fa sɩɩ pɛ ʋ lɛ, ʋ maga dɩ ba dɔgɩsʋ a kɩɩ nɩalɩŋ sɩ chei wɩalɩŋ Mosis fa sɩ ŋmʋnsa bil dɩ nɩaa tuto.

Hiburu TƖŊŊAA 2:3

Ŋɩɩ wɩaa dɩ la nɛ vɩa wʋbalɩŋ deeŋ Wɩa sɩ ŋaa dɩ ʋ laala ta, ɛɛ nɛ la jaŋ ŋaa a fori? La Tɩɩna Yesu nɛ laa sɩpaaŋ bʋl wɩɩ-la, nɩalɩŋ ma sɩ nɩɩ wɩɩ-la bʋla pɩla arɩ wʋtɩtɩɩ nɛ.

Hiburu TƖŊŊAA 3:18

Kʋbɛɛba lɛ nɛ Wɩa fa ŋmɩɛsa hɛ arɩ ba bɩ jaŋ jʋʋ tintee-la ʋ sɩ joŋo pɩba dɩ ba hɔnɔ wiesii ŋɩɩ? Ba nɛ nɩalɩŋ fa sɩ bɩ Wɩa niiŋ wɩaa ka to.

Hiburu TƖŊŊAA 3:19

La na arɩ ba sɩ bɩ Wɩa wɩaa laa dii nɛ tɩɩ ba bɩ wuo jʋʋ tintee-la Wɩa fa sɩɩ chɛ dɩ ʋ joŋo pɩba.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”