Jɔɔŋ 3:30 - WƖA TENIŊ

³⁰ Ʋ maga dɩ ʋ nɛ mɩɩra kʋ ŋaa nɩbalɩŋ, ka dɩ mɩ mɩɩra ŋaa nɩ-bie.”

Jɔɔŋ 3:30 ပူးပေါင်းရင်းမြစ်များ

AZAAYA 53:12

Ŋɩɩ wɩaa, mɩ jaŋ pʋʋ dɩhɔnʋŋ nɩbalaa tʋɔŋ, ʋ jaŋ laa yɩrɩŋ aŋ kɛŋ doluŋ ma. Bɛɛ wɩaa ʋ joŋ ʋ mɩɩsɩŋ ta nɛ a sʋʋ, a nagɛ ʋ ma ŋaa nɩbɔŋ nɛ. Ʋ nɛ laa nɩaa wʋbɔŋŋɔɔ kala chʋŋ a na hɛɛŋ, aŋ sʋl Wɩa dɩ ʋ joŋo chɛba.

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

Jɔɔŋ 3:29

Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

Jɔɔŋ 3:31

Nɩɩ-la sɩ lɩɩ Wɩa-jaŋ nɛ kɩɩ kʋŋkala. Nɩɩ-la sɩ lɩɩ tinteeŋ ŋaa tinteeŋ kʋŋ nɛ aa bʋl tinteeŋ wɩaa. Ama nɩɩ-la sɩ lɩɩ Wɩa-jaŋ nɛ kɩɩ kʋŋkala.

1 Kɔrɩntɩ Nɩaa 3:5

Kʋbɛɛ nɛ Apɔlɔs? Kʋbɛɛ nɛ Pɔɔl? La ŋaa Wɩa tɩntɩnnaa nɛ. La nɛ bʋl Wɩa wɩaa pɩma ma laa dii. La kʋŋkala tɩŋ tɩntɩmɩɩ-la La Tɩɩna Wɩa sɩ joŋo pɩla dɩ la tɩŋ nɛ.

Koloosi Nɩaa 1:18

Ʋ nɛ ŋaa nɩalɩŋ sɩ laa Yesu wɩaa dii aa hilimi kʋhɩaŋ. Ʋ nɛ suomo bil Wɩa nɩaa gentine, bɛɛ wɩaa ʋ nɛ ŋaa bumbuŋ Nɩɩ-la sɩ laa sɩpaaŋ sii sʋʋŋ lɛ nɩalɩŋ kala sɩ sʋba lɛ. Ŋɩɩ wɩaa ʋ nɛ kɛŋ doluŋ kʋŋkala lɛ.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”