Jɔɔŋ 3:3 - WƖA TENIŊ

³ Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 3:3 ပူးပေါင်းရင်းမြစ်များ

JƐRƖMAAYA 5:21

Ma ŋaa nɩyaara nɛ a chʋʋlɛ, má nɩɩ wɩɩŋ deeŋ, ma kɛŋ sɩaa nɛ aŋ bɩ na, a kɛŋ dɩgɩlaa ma aŋ bɩ nɩɩ.”

ƐZƖKƖƐL 36:26

Mɩ jaŋ pɩma tʋɔ-falɩŋ, a joŋ dɩŋ-falɩŋ ma hɛ ma lɛ. Mɩ jaŋ lɩɩsɛ tʋɔ-dol-la ma sɩ kɛnɛ sɩ nagɛ tabɩɩŋ ta, aŋ pɩma tʋɔ-la sɩ pʋnyɛ.

Matiu 16:17

Ŋɩɩ nɛ Yesu bʋl, “Saamɔŋ, Jɔɔŋ bie, Wɩa jaŋ pɛ ŋ lɛ, wʋjɩmɩŋ deeŋ bɩ naga nuhuobiine nɛ pɩŋ. Ama mɩ Nyɩmma sɩ hɛ Wɩa-jaŋ nɛ pɩŋ.

Matiu 19:24

Mɩ bɩra bʋlaa pɩma, ʋ bɩ hɛɩ arɩ bʋntaŋŋa sɩ jaŋ wuo to gɛrɩ-hɛmɩŋ bʋa lɩɩ arɩ ʋ sɩ hɛyɛ ŋɩɩ nɩɩ-la sɩ kɛŋ kɩaa sɩ jaŋ wuo jʋʋ Wɩa kuorii-la tʋɔŋ.”

Matiu 5:18

Wʋtɩtɩɩ nɛ mɩ bʋlaa pɩma, tinteeŋ arɩ wɩa-nyuŋ sɩ jaŋ hɛ nɩmɛ a dieni ŋɩɩ, wɩalɩŋ Mosis fa sɩ ŋmʋnsa bil dɩ nɩaa tuto, ba bɩ jaŋ keri ba mʋa ma ta see dɩ tinteeŋ arɩ wɩa-nyuŋ lɛlɛ.

Maak 10:14

Yesu sɩ na ŋɩɩ, ʋ na baanɩŋ ʋ harɩ-tooro-la nyuŋ a bʋla pɩba, “Má leŋ dɩ hambiisi-la kɔ mɩ teeŋ, má sɩ́ ba kiru. Nɩaa deemba doho nɛ hɛ Wɩa kuorii-la tʋɔŋ.

Maak 9:47

Dɩ ŋ sɩɩŋ nɩɩ chɛ dɩ ʋ kɛnɩŋ hɛ wʋbɔmʋŋ lɛ, lɩɩsa ta. Ŋ sɩ jaŋ jʋʋ Wɩa kuorii-la tʋɔŋ arɩ sɩɩ-togo, ʋ nɛ kpɩa ba sɩ joŋuŋ yuo hɛ Wɩa nyiniŋ lɛ arɩ sɩaa balɩa.

Jɔɔŋ 1:13

Nɩaa deemba bɩ naga baala sɩ jɩŋ ʋ haala ba lʋl biiriŋ ŋɩɩ nɛ. Wɩa tɩtɩa nɛ ŋaa ba Nyɩmma.

Jɔɔŋ 1:5

Pʋlʋŋ-la chaanɛ birimiŋ tʋɔŋ, biriŋ-la bɩ pʋlʋŋ-la wuo tɔ.

Jɔɔŋ 1:51

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, ma jaŋ na wɩa-nyuŋ dɩ ʋ suro, dɩ Wɩa tɩndaaraa lɩɩ nɩmɛ a kʋʋ tuu mɩ-na Nuhuobiine Bie teeŋ, aŋ mɩɩra jɩjɩl.”

Jɔɔŋ 12:40

Ʋ sɩ, “Wɩa tɔ ba sɩaa nɛ aŋ nyɩrɛ ba tʋɔŋ, dɩ ba sɩaa sɩ́ kʋŋkala wuo na, dɩ ba sɩ́ wɩaa bʋbʋɔŋ ma wuo jɩŋ. Dɩ ŋɩɩ dee, ba fa jaŋ kɔ Wɩa teeŋ dɩ ʋ pʋllɛ ba tʋɔŋ, dɩ mɩ laaba ta.”

Jɔɔŋ 3:4

Ŋɩɩ nɛ Nikodemɔs pɩɛsʋ, “Ɛɛ nɛ banɩhɩaŋ jaŋ wuo ŋaa dɩ ba bɩra wasa lʋlʋʋ? Ʋ jaŋ bɩra wuo jʋʋ ʋ naaŋ luoruŋ dɩ ʋ bɩra wasa lʋlʋʋ?”

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

2 Kɔrɩntɩ Nɩaa 5:17

Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

Galiisia Nɩaa 6:15

Ʋ bɩ wɩɩ kɛnɛ dɩ la keri la penee koo dɩ la bɩ kere. Wɩɩ-la sɩ ŋaa sɩɩfɩaŋ wɩɩ nɛ, dɩ la bɩrɩmɛ a kɛŋ mɩɩ-falɩɩ-la.

Ɛfɛsɩs Nɩaa 2:1

Ma fa naga arɩ ma sʋba nɛ a tɩŋ ma wʋcheelee arɩ ma wʋbɔŋŋɔɔ wɩaa.

MOSIS BƖRA WULLI WƖA WOMBIIŊ 29:4

Ama arɩ jɩnɩŋ kala La TƖƖNA ha bɩ leŋe ma wuo jɩŋ wɩalɩŋ ma sɩ na bʋbʋɔŋ.

Taatɩs 3:5

a laala ta. Ʋ bɩ naga arɩ la sɩ ŋaa tʋɔpʋl tɩmma nɛ tɩɩ ʋ laala ta. Ama ʋ sɩɩ fá nɩaa nenige nɛ tɩɩ ʋ laala ta. Ʋ laala ta nɛ, bɛɛ wɩaa ba fola Wɩɩchʋɔlɛ lɩɩŋ nɛ Wɩa Dɩŋ-zɔmʋŋ doluŋ lɛ. Ŋɩɩ dagɛ arɩ Wɩa bɩra wasa lʋlla nɛ, la kɛŋ mɩɩ-falɩŋ ʋ teeŋ.

Jeems 3:17

Ama wʋjɩmɩɩ-la sɩ lɩɩ Wɩa teeŋ zɔmɔ kɩŋkɛŋ. Wʋbɔŋ kala tuo ʋ lɛ. Nɩɩ-la kala sɩ kɛŋ wʋjɩmɩŋ deeŋ, yie hɔŋ nɛ sɔm a kɩkɛrɛ yuosuŋ, a kɛŋ zile. Ʋ yie jegilee nɩɩ nɩaa niiŋ wɩaa. Ʋ yie fɩfá nɩaa nenige ma nɛ woruŋ, a ŋɩŋaa wʋzɔŋŋɔɔ. Ʋ bɩ tʋɔbɩɩnaa balɩa ma kɛnɛ a bɩ nii-sɩma ma kɛnɛ.

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

1 Jɔɔŋ 2:29

Ma jɩma arɩ Kirisito ŋaa tʋɔpʋl Tɩɩna nɛ, ma saa jaŋ jɩŋ arɩ nʋʋkala sɩ ŋaa tʋɔpʋl tɩɩna, ʋ tɩɩna ŋaa Kirisito bii nɛ.

1 Jɔɔŋ 3:9

Nɩɩ-la kala sɩ ŋaa Wɩa bii, ʋ tɩɩna bɩ wʋbɔŋŋɔɔ ŋaa, bɛɛ wɩaa Wɩa nagɩsɩŋ hɛ ʋ lɛ nɛ. Ʋ bɩ jaŋ wuo vɩa aŋ ha ŋɩŋaa wʋbɔŋŋɔɔ, bɛɛ wɩaa ʋ ŋaa Wɩa bii nɛ.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

1 Jɔɔŋ 5:18

La jɩma arɩ Wɩa bii kala bɩ wʋbɔŋŋɔɔ ka ŋaa deeŋ deeŋ. Wɩa Bie Yesu nɛ yie pʋpɔʋ. Sɩtaanɩ bɩ ʋ wɩɩkala wuo ŋaa.

1 Jɔɔŋ 5:4

bɛɛ wɩaa Wɩa bii kala kɛŋ doluŋ nɛ dʋnɩa wɩaa lɛ. La sɩ laa Wɩa dii nɛ pɩla doluŋ deeŋ la yuo dii dʋnɩa wɩaa.

Jɔɔŋ Wʋnaalaa 3:14

Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.