Jɔɔŋ 3:29 - WƖA TENIŊ

²⁹ Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

Jɔɔŋ 3:29 ပူးပေါင်းရင်းမြစ်များ

SOLOMOŊ YƖƖL-SƖMƖŊ 3:11

Zaayɔŋ toloo, má kʋ lɩɩ a bagɩsɛ kuoro Solomoŋ sɩ chu kuoru nyunchuulo, kuoru nyunchuul-la ʋ naaŋ sɩ joŋo chuu tapʋlɩɩ-la ʋ sɩ jaa haala, tapʋlɩɩ-la ʋ tʋɔŋ sɩ tɔrɔ.

SOLOMOŊ YƖƖL-SƖMƖŊ 5:1

Mɩ dɩhaala, mɩ ha-falɩŋ, mɩ kʋ jʋʋ mɩ lɩga nɛ. Mɩ kɛŋ mɩ tɩɩ-kel-la sʋɔra sɩ sɩma baa yɩrɛ mɛɛ arɩ mɩ tegisiŋ hɛ dɔŋɔ nɛ. Mɩ dii mɩ tʋʋ-nʋʋŋ arɩ ʋ tʋʋ-jaga kala nɛ. Mɩ nyʋa mɩ girep nɛnɛɛ sɩnɩŋ arɩ mɩ nayɩlɩŋ ma kala nɛ. La nɩchooloo, má dagɛ ma chonuŋ, a magɛ ŋɩɩ kala ma sɩɩ chɛ, a nagɛ nɩa sɩ dii kɩaa a nyʋa kɩaa vɔgɛ.

AZAAYA 54:5

Nɩɩ-la sɩ ŋaaŋ nɛ jaŋ nagɛ ŋ bala lɛɛlɛ. Ʋ yɩrɩŋ nɛ ŋ TƖƖNA doluŋ kala Tɩɩna Iziral tɩŋŋaa Wɩa sɩ bɩ disiniŋ kɛnɛ. Ʋ nɛ ŋaa ŋ Laataara. Ʋ nɛ dʋnɩa kala Wɩa.

AZAAYA 66:11

Ma jaŋ dii ʋ kɩaa a vɔgɛ woruŋ ʋ jaŋ dɩɛsɛma a nagɛ naaŋ sɩɩ dɩɛsɛ ʋ bie dɩ ma nɩɩ ʋ kʋ-daŋ-la sɩma.”

JƐRƖMAAYA 2:2

“Mʋ heele bʋla pɩ Jerusalɛm nɩaa kala, mɩ liise yi ŋɩɩ ma fa sɩɩ to mɩ nɛ ma hambiriŋ lɛ. Ma fa chomi nɛ woruŋ a nagɛ nɩa sɩ cho ʋ ha-falɩŋ ŋɩɩ, a to mɩ harɩŋ tintee-hɩlɩŋ lɛ, gɩrɩpɩrɩŋ tʋɔŋ.

ƐZƖKƖƐL 16:8

Harɩŋ mɩ bɩra kʋʋ bal, a naŋ dɩ ŋ waa a magɛ baalaa chɛnɩŋ. Mɩ joŋ mɩ gɛrɩŋ a tɔ ŋ yarɩ-bire-la, aŋ chaasa bʋla pɩŋ arɩ mɩ jaŋ jaaŋ, ŋɩɩ nɛ mɩ dɩŋ bil niiŋ pɩ dɔŋɔ ŋ ŋaa mɩ kʋŋ. Mɩ-na ma TƖƖNA Wɩɩjarɩbakɔ nɛ bʋla.

HOSIA 2:19

Mɩ jaŋ leŋ dɩ ŋ ŋaa mɩ haala a kaa mʋ wuu, mɩ jaŋ dagɩŋ mɩ tʋɔpʋla arɩ mɩ wʋtɩtɩɩ, a kɛŋ chono-la sɩ bɩ dɛrɛ arɩŋ, a fɩfá ŋ nisusuŋ.

Matiu 22:2

Ʋ sɩ, “Wɩa kuorii-la nagɛ kuoru kʋbala bie sɩ jaa haala nɛ. Ŋɩɩ nɛ ʋ ŋaa ba gbigbieli hajaarɩ gbiele a ŋaa ba yɩrɛ nɩaa dɩ ba kɔ gbiele-la.

Matiu 25:1

Ŋɩɩ nɛ Yesu bɩra magɛ namaga. Ʋ sɩ, “Wɩa kuorii-la jaŋ nagɛ ŋ-la: Hatoloo fii nɛ fa hɛ nɩmɛ. Ba sii a paa ba chaanaa a mʋ dɩ ba cheŋ ha-falɩŋ bala, hajaarɩ gbiele lɛ.

Matiu 9:15

Ŋɩɩ nɛ Yesu pɩɛsɛba, “Dɩ nʋʋ nɛ mʋ jaa haal kaa kɔ, dɩ ʋ dɩ ʋ nandɔnsʋŋ hɔŋ, ʋ nandɔsʋ-la tʋɔŋ jaŋ chei? Aɩ. Ama chɛɛ dɔŋ nɛ hɛ nɩmɛ, ba jaŋ kɛŋ baal-la kaa mʋ lee, aŋ ka dɩ ʋ nandɔsʋ-la vɔɔ niiŋ.”

Luuk 15:6

a kaa mʋ dɩa, a yɩrɛ ʋ nandɔnsʋŋ arɩ ʋ pɛ-jʋʋraa a bʋla pɩba, ‘Má leŋ dɩ la kala tʋɔŋ tɔrɛ. Mɩ na mɩ piesu-la sɩ lɛlɛ nɛ.’ ”

Jɔɔŋ 15:11

Mɩ bʋl wɩaa deemba pɩma dɩ ma kɛŋ tʋɔtɔrʋ-la mɩ sɩ joŋo pɩma nɛ. Ŋɩɩ nɛ ma tʋɔŋ jaŋ faasa tɔrɛ woruŋ a mʋ dɛrɛ.

Jɔɔŋ 16:24

Lɛɛlɛ ŋ-la, ma ha bɩ kʋŋkala pɩɛsa chɩchɛ mɩ yɩrɩŋ lɛ. Ŋɩɩ wɩaa má saa pɩɛsʋ, ʋ jaŋ joŋo pɩma, dɩ ma tʋɔŋ faasa tɔrɛ a mʋ dɛrɛ.

Jɔɔŋ 17:13

Lɛɛlɛ saa mɩɩ kɔ ŋ teeŋ nɛ. Mɩ ha sɩ hɛ dʋnɩa lɛ ŋɩɩ, ŋɩɩ nɛ mɩ bʋl wɩaa deemba pɩba dɩ ba tʋɔŋ faasa tɔrɛ, arɩ mɩ tʋɔŋ sɩ tɔrɔ ŋɩɩ.

Jɔɔŋ 3:30

Ʋ maga dɩ ʋ nɛ mɩɩra kʋ ŋaa nɩbalɩŋ, ka dɩ mɩ mɩɩra ŋaa nɩ-bie.”

2 Kɔrɩntɩ Nɩaa 11:2

Wɩa tʋɔŋ sɩɩ wɩɩ ma lɛ ŋɩɩ, ŋɩɩ tɩtɩa nɛ mɩ ma tʋɔŋ wʋwɩɩ ma lɛ. Ma nagɛ hatolo mɩ sɩɩ chɛ dɩ mɩ joŋo pɩ bala nɛ, ma bala nɛ ŋaa Kirisito. Mɩ saa chɛ dɩ ma nagɛ hatolo-la sɩ bɩ baal jɩŋ, a bɩ disiniŋ kɛnɛ nɛ dɩ mɩ jomma a pʋʋ.

Fɩlɩpa Nɩaa 2:2

Ŋɩɩ wɩaa má kɛŋ tʋɔ-bala, a wasa cho dɔŋɔ, a kɛŋ nii-bala, ŋɩɩ jaŋ wuo leŋ dɩ mɩ tʋɔŋ faasa tɔrɛ.

1 Jɔɔŋ 1:4

Laa chɛ dɩ la tʋɔŋ faasa tɔrɛ nɛ woruŋ, ŋɩɩ nɛ tɩɩ la ŋmʋnsɛ wɩɩŋ deeŋ pɩpɩma.

2 Jɔɔŋ 1:12

Mɩ kɛŋ wɩaa yʋgɛ nɛ mɩ sɩɩ chɛ dɩ mɩ bʋla pɩma. Ama mɩ bɩ chɛ dɩ mɩ ŋmʋnsɛ ba kala teniŋ tʋɔŋ. Mɩɩ chɛ dɩ mɩ tɩtɩa kʋ yi ma nɛ a bʋla pɩma, dɩ la kala tʋɔŋ faasa tɔrɛ.

Jɔɔŋ Wʋnaalaa 21:9

Ŋɩɩ nɛ Wɩa tɩndaaraa balɩpɛ-la sɩ kori gbansɩŋ balɩpɛ-la sɩ suo arɩ dɩdɛrɩŋ wʋbɔmɔ-la balɩpɛ kʋ bʋla pɩmɛ, “Kɔ dɩ mɩ dagɩŋ haal-la Pie-bie-la sɩ jaŋ jaa.”