Jɔɔŋ 3:28 - WƖA TENIŊ

²⁸ Ma tɩtɩa hɛ nɩmɛ nɛ, ka mɩ bʋl arɩ mɩ dee bɩ Kirisito ŋaa, nɩɩ-la Wɩa sɩ lɩɩsa, ama Wɩa ta tɩmmɛ nɛ dɩ mɩ laa ʋ sɩpaaŋ.

Jɔɔŋ 3:28 ပူးပေါင်းရင်းမြစ်များ

MALAKAƖ 3:1

La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

Matiu 3:3

Wɩa wʋlaabʋlla Azaaya fa bʋl ʋ wɩaa nɛ. Ʋ fa sɩ, “Nʋʋ nɛ chɩŋ tintee-hɩlɩŋ lɛ a heelee bʋl, ‘Má wasɛ wombiiŋ bil La Tɩɩna lɛ. Má pori wombii-la dɩ ʋ tʋʋlɛ.’ ”

Luuk 1:76

Zɛkarɩya sɩ bʋl wɩaa deemba dɛrɛ, ʋ bʋl wɩaa a tɩgɛ ʋ bie ma lɛ, “Ŋ-na mɩ bii, ŋ jaŋ ŋaa Wɩɩ-balɩŋ wʋlaabʋllʋ. Ŋ jaŋ laa La Tɩɩna-la sɩ jaŋ kɔ sɩpaaŋ a wasɛ wombiiŋ bil ʋ lɛ.

Jɔɔŋ 1:20

Ŋɩɩ nɛ Jɔɔŋ bɩ wɩaa nyɩa aŋ chaasa bʋl arɩ ʋ dee Kirisito, nɩɩ-la Wɩa sɩ lɩɩsa.

Jɔɔŋ 1:23

Ŋɩɩ nɛ Jɔɔŋ bʋl, “Mɩ nɛ ŋaa yikoro-la sɩ hɛ tintee-hɩlɩŋ lɛ a heelee bʋl, ‘Má wasɛ wombiiŋ dɩ ʋ tʋʋlɛ a pɩ La Tɩɩna.’ Ŋ-la nɛ Wɩa wʋlaabʋlla Azaaya fa bʋl dɩ ma ŋaa.”

Jɔɔŋ 1:25

Ŋɩɩ nɛ ba bɩra pɩɛsɛ Jɔɔŋ, “Ŋ dee bɩ Kirisito ŋaa, Nɩɩ-la Wɩa sɩ lɩɩsa, ŋ dee bɩ Ɩlaaja ma ŋaa, ŋ bɩra bɩ Wɩa wʋlaabʋllʋ ma ŋaa. Bɛɛ nɛ saa tɩɩ ŋ fufo nɩaa Wɩɩchʋɔlɛ lɩɩŋ?”

Jɔɔŋ 1:27

Ʋ nɛ to mɩ harɩŋ kɔ. Mɩ paala bɩ maga dɩ mɩ kɛŋ ʋ nɛntɛŋŋɛɛ ŋmɛsɩŋ ma kaa puri.”