Jɔɔŋ 3:27 - WƖA TENIŊ

²⁷ Ŋɩɩ nɛ Jɔɔŋ bʋl, “Nʋʋkala bɩ jaŋ wuo kɛŋ kʋŋkala, see dɩ Wɩa joŋo pʋ.

Jɔɔŋ 3:27 ပူးပေါင်းရင်းမြစ်များ

JƐRƖMAAYA 1:5

“Ka dɩ mɩ-na ŋaaŋ a hɛ ŋ naaŋ luoruŋ tʋɔŋ, mɩ jɩmɩŋ nɛ. Ka dɩ ba-na lʋlʋŋ, mɩ lɩɩsɩŋ nɛ a leŋ ŋ ŋaa mɩ wʋlaabʋllʋ a pɩ tinteyee nɩaa.”

JƐRƖMAAYA 17:16

Mɩ bɩ ŋ harɩŋ mɩɩra a vɩa dɩ mɩ ŋaa ŋ pie-daarʋ. Mɩ ha bɩ bɩɩna arɩ maachie wʋlɔrʋŋ jaŋ jʋʋ ŋ nɩaa. Ŋ jɩŋ wɩalɩŋ kala mɩ sɩɩ bʋl nɛ.

AMƆS 7:15

La Tɩɩna nɛ lɩɩsɛmɛ pie-daalɩŋ lɛ a bʋla pɩmɛ, ‘Mʋ bʋl mɩ wɩaa a pɩ mɩ nɩaa Iziral tɩŋŋaa.’

NAMBABA 17:5

Nɩɩ-la mɩ sɩ lɩɩsa dantɩga jaŋ tɔsɛ. Dɩ ŋɩɩ nɛ ŋaa, ʋ jaŋ giri wɩalɩŋ Iziral tɩŋŋaa sɩ yie vɛnɛɛ gʋrɩmɛ ma teeŋ a ta.”

Matiu 21:25

Ŋɩɩ nɛ ʋ pɩɛsɛba, “Kʋbɛɛ nɛ pɩ Jɔɔŋ doluŋ ʋ fufo nɩaa Wɩɩchʋɔlɛ lɩɩŋ, Wɩa nɛ pʋ koo nuhuobiine nɛ pʋ? Má dagɛmɛ.” Ba suomo kɛŋ wɩɩ-la lɩlɛrɛ dɔŋɔ lɛ aa bʋl, “Wʋbɛɛ nɛ laa chɛ dɩ la bʋl? Dɩ la nɛ bʋla pʋ arɩ Wɩa teeŋ nɛ ʋ lɩɩ, ʋ jaŋ pɩɛsɛla, ‘Bɛɛ nɛ saa tɩɩ ma bɩ wɩalɩŋ ʋ sɩ bʋla laa dii?’

Matiu 25:15

Ʋ kɛŋ kɩalɩŋ kaa kpaaba a magɛ ŋɩɩ nʋʋkala sɩ jaŋ wuo beŋ nɛ. Ʋ joŋ warɩpʋla bʋɩ zɔɔ-balɩa a pɩ dɔŋɔ dɩ ʋ bibeŋ, a joŋ warɩpʋla bʋɩ mahɩŋ banɛsɛ a pɩ dɔŋɔ ma, aŋ joŋ warɩpʋla bʋɩ mahɩŋ balɩa a pɩ dɔŋɔ ma. Ŋɩɩ nɛ ka ʋ vɛŋ ʋ wombii-la.

Maak 13:34

Ʋ nagɛ baala sɩ sie a chɩchɛ ʋ vɛŋ wombiiŋ nɛ. Dɩ ʋ nɩɩ chɛ ʋ lɩɩ dɩa lɛ, ʋ jaŋ dagɛ ʋ tɩntɩnnaa ba tɩntɩŋŋaa aŋ bʋla pɩ nɩɩ-la sɩɩ pɔ ʋ dɩa ma dɩ ʋ pɔ woruŋ dɩ ʋ mɩɩra kɔ.

Jɔɔŋ 10:41

Nɩaa yʋga a kɔ ʋ teeŋ. Ba sɩ dɩ Jɔɔŋ fa bɩ wʋmagɩl kala ŋaa, ama wɩalɩŋ kala ʋ fa sɩ bʋla a tɩgɛ baala deeŋ lɛ ŋaa wʋtɩtɩɩ nɛ.

Jɔɔŋ 6:65

Ŋɩɩ nɛ Yesu bɩra bʋl, “Wɩɩŋ deeŋ wɩaa nɛ tɩɩ mɩ bʋla pɩma arɩ nʋʋkala bɩ jaŋ wuo kɔ mɩ teeŋ, see dɩ mɩ Nyɩmma pɩ ʋ tɩɩna wombiiŋ.”

Rom Tɩŋŋaa 1:5

Ʋ lahɔrɩmɔ lɛ Wɩa leŋe mɩ ŋaa ʋ nanzɔɔ nɛ a bʋl ʋ wʋzɔmɔ-la wɩaa a pɩ dʋnɩa nɩaa kala, dɩ ba laa dii a to Yesu niiŋ a wuo zil ʋ yɩrɩŋ.

Rom Tɩŋŋaa 12:6

Wɩa pɩla kʋŋkala doluŋ nɛ dɩ la kaa tɩŋ tɩntɩŋ dabaŋ dabamba. Ʋ saa lɩɩ ŋɩɩ lɛ Wɩa sɩ dii zile la lɛ nɛ. Dɩ Wɩa nɛ pɩ nʋʋ doluŋ dɩ ʋ wuo bʋl ʋ wɩaa pɩpɩ nɩaa ʋ Dɩŋ-zɔmʋŋ doluŋ lɛ, má leŋ dɩ ʋ magɛ laa diine-la Wɩa sɩ joŋo pʋ lɛ.

1 Kɔrɩntɩ Nɩaa 1:1

Mɩ-na Pɔɔl, arɩ la naambie Sɔsɩtɛnɩs nɛ ŋmʋnsɛ teniŋ deeŋ pɩpɩma. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Yesu Kirisito nanzɔɔ.

1 Kɔrɩntɩ Nɩaa 12:11

Tɩntɩŋ-dosunuŋ deemba kala lɩɩ Wɩa Dɩŋ-zɔŋ-la teeŋ nɛ. Ʋ tɩtɩa tʋɔtɔrʋŋ lɛ nɛ ʋ to a joŋ kʋ-dosunuŋ deemba a pɩ nʋʋkala arɩ ŋɩɩ ʋ sɩ cho.

1 Kɔrɩntɩ Nɩaa 15:10

Ama Wɩa dii zile mɩ lɛ woruŋ. Ʋ nɛ leŋe mɩ ŋaa nʋʋ lɛɛlɛ, ʋ zile ma bɩ pɛɩ ŋaa, ama mɩ nɛ faasa tɩŋ kɩŋkɛŋ, a kɩɩ ba kala. Mɩ tɩtɩa doluŋ lɛ dee mɩ wuo tɩtɩŋ, ama Wɩa dol-la ʋ sɩ joŋo pɩmɛ nɛ tɩɩ.

1 Kɔrɩntɩ Nɩaa 3:5

Kʋbɛɛ nɛ Apɔlɔs? Kʋbɛɛ nɛ Pɔɔl? La ŋaa Wɩa tɩntɩnnaa nɛ. La nɛ bʋl Wɩa wɩaa pɩma ma laa dii. La kʋŋkala tɩŋ tɩntɩmɩɩ-la La Tɩɩna Wɩa sɩ joŋo pɩla dɩ la tɩŋ nɛ.

1 Kɔrɩntɩ Nɩaa 4:7

Kʋbɛɛ nɛ ŋaa ma yʋga kɩɩ ma dɔnsʋŋ? Wɩa dee bɩ kɩalɩŋ ma sɩ kɛnɛ joŋo pɩmaa? Dɩ Wɩa nɛ saa joŋo pɩma, bɛɛ nɛ tɩɩ ma bibigisi ma tɩtɩa lɛ arɩ ʋ dee bɩ joŋo pɩma?

Galiisia Nɩaa 1:1

Mɩ-na Pɔɔl sɩ ŋaa Yesu Kirisito nanzɔɔ nɛ ŋmʋnsɛ teniŋ deeŋ aa pɩ ma nɩalɩŋ sɩ laa Yesu wɩaa dii aa hilimi Galiisia tinteeŋ lɛ. Yesu Kirisito arɩ ʋ Nyɩmma Wɩa sɩ chɩsʋ sʋʋŋ lɛ nɛ lɩɩsɛmɛ a tɩmmɛ, nuhuobiinee dee bɩ mɩ lɩɩsa.

Ɛfɛsɩs Nɩaa 1:1

Mɩ-na Pɔɔl nɛ ŋmʋnsɛ teniŋ deeŋ a pɩpɩ ma Wɩa nɩalɩŋ sɩ hɛ Ɛfɛsɩs lɛ a laa Yesu Kirisito dii arɩ wʋtɩtɩɩ. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ.

1 Timoti 2:7

Ŋɩɩ nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ a wuo heele bʋl wɩaa deemba a pɩ nɩalɩŋ sɩ bɩ Juu tɩŋŋaa ŋaa, aŋ pɛ dagɛba dɩ ba laa wɩalɩŋ dii a jɩŋ wʋtɩtɩɩ. Wʋtɩtɩɩ nɛ mɩɩ bʋl, mɩ bɩ wɩaa nyɩa.

Jeems 1:17

Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.