Jɔɔŋ 3:2 - WƖA TENIŊ

² Tɩtaŋ kʋbala ʋ sii kɔ Yesu teeŋ a bʋl, “Kʋhɩaŋ, la jɩma arɩ ŋ nɛ ŋaa Nɩɩ-la Wɩa sɩ ta dɩ ŋ dagɛ nɩaa. Nʋʋkala bɩ jaŋ wuo ŋaa wʋmagɩla-la ŋ sɩɩ ŋaa, see dɩ Wɩa pɛ tɩɩna lɛ.”

Jɔɔŋ 3:2 ပူးပေါင်းရင်းမြစ်များ

1 KUOROO 17:24

Ŋɩɩ nɛ haal-la bʋla pɩ Ɩlaaja, “Mɩ jɩma lɛɛlɛ ŋ sɛnɛ ŋaa Wɩa tɩntɩnnʋ nɛ. Wɩalɩŋ kala ŋ sɩ bʋla sɛnɛ lɩɩ La TƖƖNA teeŋ nɛ.”

AZAAYA 51:7

Ma nɩalɩŋ sɩ jɩŋ wʋtɩtɩɩ, a joŋ mɩ wombii-la mɩ sɩ bile dɩ ba tuto wɩaa hɛ ma nyuŋ lɛ, má jegile nɩɩ mɩ teeŋ. Dɩ nɩaa nɛ ŋaa wɩaa a jʋjʋʋ ma lɛ koo a tʋtʋʋsɛma, má sɩ́ leŋe dɩ fawʋllʋŋ kɛmma.

JƐRƖMAAYA 38:16

Ŋɩɩ nɛ kuoro Zedikaaya lʋara ŋmɩɛsa pɩ Jɛrɩmaaya: “Mɩ ŋmɩɛsɛ La TƖƖNA sɩ weye, Nɩɩ-la sɩɩ pɩla wiese, mɩ bɩ jaŋ kpʋŋ koo a joŋuŋ hɛ nɩalɩŋ sɩɩ chɛ ba lɩɩsɛ ŋ mɩɩsɩŋ nɩsɩŋ lɛ.”

Matiu 22:16

Ŋɩɩ nɛ ba tɩŋ ba harɩ-tooroo dɔnsʋŋ arɩ Hɛrɔd ma harɩ-tooroo dɔnsʋŋ dɩ ba mʋ Yesu teeŋ. Ŋɩɩ nɛ ba kɔ ʋ teeŋ a pɩɛsʋ, “La kʋhɩaŋ, la jɩma dɩ ŋ kɛŋ wʋtɩtɩɩ nɛ a dɩdagɛ Wɩa tonuŋ wombii-tɩtɩɩ-la. Ŋ sɩpaaŋ tuo nʋʋ lɛ. Ŋ bɩ nɩbal sɩɩ ka fá.

Matiu 23:7

Ba yie chɩchɛ dɩ nɩaa chʋchʋɔlɛba aŋ zizilba nɩaa tʋɔŋ aŋ yɩyɩrɛba kerichiba.

Matiu 23:8

Ama ma-na sɩ́ leŋe dɩ nɩaa kɛmma kaa yɩrɛ kerichiba. Ma kala ŋaa naambiiri nɛ. Ma kala kerichi ŋaa kʋbala nɛ.

Maak 12:14

Ba kɔ ʋ teeŋ a bʋla pʋ, “La Kʋhɩaŋ, la jɩma dɩ ŋ kɛŋ wʋtɩtɩɩ nɛ. Ŋ sɩpaa tuo nʋʋ lɛ. Ŋ bɩ nɩbal sɩɩŋ ka fá. Ŋŋ dagɛ Wɩa wombii-tɩtɩɩ-la nɛ. Ʋ ŋaa wombiiŋ nɛ dɩ la tiŋ lampoo a pɩ Rom tinteeŋ kuoru-balɩŋ ba sɩɩ yɩrɛ Siiza koo ʋ bɩ wombii ŋaa?

Jɔɔŋ 1:38

Yesu mɩɩra daasɛ, dɩ baa to ʋ harɩŋ. Ʋ pɩɛsɛba, “Bɛɛ kʋŋ nɛ maa chɛ?” Ŋɩɩ nɛ ba ma pɩɛsʋ, “La kʋhɩaŋ, nɩɩ lɛ nɛ ŋ jʋjʋʋ?”

Jɔɔŋ 10:38

Ama dɩ mɩ nɩɩ tɩŋ mɩ Nyɩmma tɩntɩŋŋaa, má laa mɩ wɩaa dii a tɩŋ tɩntɩmɩɩ-la mɩ sɩɩ tɩŋ wɩaa, arɩ ma sɩ́ bɩ wɩalɩŋ mɩ sɩ bʋla pɩma laa dii kala. Ŋɩɩ lɛ nɛ ma jaŋ wuo to jɩŋ a laa dii arɩ mɩ Nyɩmma hɛ mɩ lɛ nɛ, mɩ ma hɛ ʋ lɛ.”

Jɔɔŋ 12:37

Ʋ sɩ ŋaa wʋmagɩla-la kala ba na, arɩ ŋɩɩ kala, ba ha bɩ ʋ wɩaa laa dii.

Jɔɔŋ 14:10

Ŋ bɩ laa dii arɩ mɩ hɛ mɩ Nyɩmma lɛ nɛ, mɩ Nyɩmma ma hɛ mɩ lɛɛ? Wɩalɩŋ kala mɩ sɩ yie bʋlaa pɩma, mɩ tɩtɩa doluŋ lɛ dee mɩɩ bʋl. Wɩalɩŋ ma mɩ sɩɩ ŋaa, mɩ Nyɩmma sɩ hɛ mɩ lɛ nɩɩ ŋaa ŋɩɩ.

Jɔɔŋ 15:24

Wɩalɩŋ kala mɩ sɩ ŋaa, nʋʋkala bɩ ba ŋaa. Dɩ mɩ nɛ fa bɩ ba ŋaa dɩ ba na, ba fa bɩ jaŋ chei wɩɩkala. Ama ba na ba kala nɛ aŋ ha bɛrɛ mɩ dɩ mɩ Nyɩmma kala.

Jɔɔŋ 2:11

Yesu sɩ ŋaa lɩɩŋ bɩrɩmɛ sɩnɩŋ Kena lɛ Galilii tinteeŋ nɛ ŋaa ʋ wʋmagɩl bumbuŋ ʋ sɩ ŋaa. Nɩmɛ nɛ ʋ dagɛ ŋɩɩ Wɩa doluŋ sɩ hɛ ʋ lɛ. Ʋ harɩ-tooroo sɩ na ŋɩɩ, ba laa ʋ wɩaa dii.

Jɔɔŋ 20:16

Ŋɩɩ nɛ Yesu yɩrʋ a bʋl, “Mɛɛrɩ.” Ŋɩɩ nɛ ʋ mɩɩra daasɛ aŋ bʋl arɩ Hiburu yikoro, “Raboni!” (Raboni bʋbʋɔŋ nɛ kʋhɩaŋ.)

Jɔɔŋ 3:26

Ba mʋ Jɔɔŋ teeŋ a pɩɛsʋ, “La kʋhɩaŋ, ŋ liisi baal-la fa sɩ hɛ Jɔdaŋ fuo-la sɛmɛ dɔŋɔ wɩaa nɛ, nɩɩ-la wɩaa ŋ sɩ bʋla? Lɛɛlɛ ʋ maa fo nɩaa Wɩɩchʋɔlɛ lɩɩŋ nɛ, nɩaa kala mʋmʋ ʋ teeŋ.”

Jɔɔŋ 4:31

Bʋa-la lɛ dɩ Yesu harɩ-tooroo ka sʋlʋ, “La kʋhɩaŋ, laa kɩaa dii.”

Jɔɔŋ 5:36

Ama wɩɩŋ dɔŋɔ hɛ nɩmɛ a laa mɩ nyuŋ a bʋbʋl wɩaa, ʋ nɛ kɩɩ Jɔɔŋ. Tɩntɩmɩɩ-la mɩ sɩɩ tɩŋ nɛ ŋɩɩ, tɩntɩmɩɩ-la mɩ Nyɩmma sɩ joŋo pɩmɛ dɩ mɩ tɩŋ. Ŋɩɩ daga arɩ mɩ Nyɩmma nɛ tɩmmɛ.

Jɔɔŋ 6:2

Nɩaa yʋga a tuto ʋ harɩŋ, bɛɛ wɩaa ba fa na ʋ sɩ ŋaa wʋmagɩla-la a vaarɛ nyanyal tɩŋŋaa nɛ.

Jɔɔŋ 7:31

Ama nɩaa yʋga nɩ-daŋ-la tʋɔŋ a laa ʋ wɩaa dii aa pɩɛsɛ, “Ma bɩɩna dɩ Kirisito, Nɩɩ-la Wɩa sɩ jaŋ lɩɩsɛ nɛ kɔ, ʋ jaŋ ŋaa wʋmagɩlaa kɩɩ baala deeŋ?”

Jɔɔŋ 9:16

Ŋɩɩ nɛ Farisii tɩŋŋaa dɔnsʋŋ bʋl, “Wɩa dee bɩ baala deeŋ tɩma, bɛɛ wɩaa ʋ bɩ la chɛ-wiesii-la kɩsɩŋ lɛ ka to.” Ŋɩɩ nɛ dɔnsʋŋ ma sɩ, “Ɛɛ nɛ nʋʋ sɩ ŋaa wʋbɔŋ ŋaarʋ jaŋ wuo ŋaa wʋmagɩlaa deemba?” Ŋɩɩ nɛ ba kpaa balɩa.

Tɩntɩŋŋaa 10:38

Ma nɩɩ Yesu wɩaa nɛ. Wɩa joŋ ʋ Dɩŋ-zɔmʋŋ hɛ ʋ lɛ nɛ a pʋ doluŋ. Ʋ sii mʋ lee-kala, a ŋɩŋaa wʋzɔŋŋɔɔ pɩpɩ nɩaa, aa vaarɛ nɩalɩŋ kala Sɩtaanɩ sɩ nyaga bil. Wɩa fa hɛ ʋ teeŋ, ŋɩɩ nɛ tɩɩ ʋ wuo ŋɩŋaa wɩaa deemba kala.

Tɩntɩŋŋaa 2:22

Ŋɩɩ nɛ Pɩɩta bɩra bʋl, “Iziral tɩmma, má jegile nɩɩ wɩaa deemba mɩ sɩɩ chɛ mɩ bʋla pɩma. Yesu sɩ lɩɩ Nazarɛt nɛ Wɩa lɩɩsa pɩma. Wʋmagɩlaa arɩ wʋkpuŋkperisiŋ Wɩa sɩ to ʋ lɛ ŋaa ma sɩɩŋ lɛ nɛ dagɛ ŋɩɩ. Ma ma jɩma nɛ.

Fɩlɩpa Nɩaa 1:14

Mɩ sɩ hɛ dɩa-la lɛ pɛ la naambiiriŋ dɔnsʋŋ lɛ nɛ ba wasa chɩŋ La Tɩɩna Yesu wɩalɩŋ ba sɩ laa dii lɛ woruŋ, a kɛŋ nyuduoŋ a bʋbʋl Wɩa wɩaa, a bɩ fawʋllʋŋ ka fá.

SƖPAALAARAA 6:27

Ŋɩɩ nɛ Gɩdɩɔŋ kɛŋ ʋ tɩntɩnnaa fii ba ŋaa ŋɩɩ tɩtɩa La TƖƖNA sɩ bʋla pʋ. Ama a tɩŋ ʋ fa sɩɩ fá ʋ dɩa nɩaa arɩ taŋ-la nɩaa wɩaa, ʋ ŋaa wɩɩ-la tɩtaŋɩŋ nɛ, wɩɩhɛyɛ dee ʋ ŋaa.