Jɔɔŋ 3:18 - WƖA TENIŊ

¹⁸ Nʋʋ na-kala sɩ laa Yesu wɩaa dii, ʋ bɩ jaŋ dii ʋ tɩɩna sarɩya a joŋ cheeriŋ pʋ, ama nɩɩ-la kala sɩ bɩ ʋ wɩaa laa dii, ʋ paala dii ʋ tɩɩna sarɩya a joŋ cheeriŋ pʋ nɛ, bɛɛ wɩaa ʋ bɩ Wɩa Bii-bala-la wɩaa laa dii.

Jɔɔŋ 3:18 ပူးပေါင်းရင်းမြစ်များ

Maak 16:16

Nɩɩ-la kala sɩ laa mɩ wɩaa dii a leŋ ba fou Wɩɩchʋɔlɛ lɩɩŋ, Wɩa jaŋ laaʋ ta, ama nɩɩ-la kala sɩ bɩ mɩ wɩaa laa dii, Wɩa jaŋ joŋ cheeriŋ pʋ.

Jɔɔŋ 1:12

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 20:31

Ama mɩ ŋmʋnsɛ wɩaa deemba dɩ ma wuo laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa aŋ pɛ ŋaa Wɩa Bie ma. Dɩ ma nɛ laa wɩaa deemba dii, ma jaŋ kɛŋ mɩɩsɩŋ ʋ yɩrɩŋ lɛ.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 3:36

Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

Jɔɔŋ 5:24

Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.

Jɔɔŋ 6:40

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Jɔɔŋ 6:47

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ.

Rom Tɩŋŋaa 5:1

Ŋɩɩ wɩaa, la sɩ laa Wɩa dii ŋɩɩ, Wɩa leŋe la ŋaa tʋɔpʋl tɩmma nɛ ʋ sɩpaaŋ. Wɩa to La Tɩɩna Yesu Kirisito lɛ nɛ a leŋ la ŋaa sɩma.

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

Rom Tɩŋŋaa 8:34

Kʋbɛɛ ma nɛ bɩra jaŋ wuo dii ba sarɩya a dɔgɩsɛba? Kirisito sʋba nɛ, aŋ bɩra sii sʋʋŋ lɛ a kɛŋ mɩɩsɩŋ a hɔŋ Wɩa nadiiŋ, nɩduoŋ dɩhɔnʋŋ, a sʋl Wɩa pɩpɩla.

Hiburu TƖŊŊAA 12:25

Má jegile nɩɩ wɩalɩŋ Yesu sɩɩ bʋl. Má sɩ́ ba vɩa arɩ Iziral tɩŋŋaa sɩ vɩa wɩalɩŋ Mosis fa sɩ bʋla pɩba, Wɩa dɔgɩsɛba ŋɩɩ. Ŋɩɩ wɩaa, dɩ la nɛ vɩa wɩalɩŋ Yesu Kirisito sɩ bʋla, Wɩa jaŋ dɔgɩsɛla a kɩɩ ŋɩɩ ʋ sɩ dɔgɩsɛ Iziral tɩŋŋaa.

Hiburu TƖŊŊAA 2:3

Ŋɩɩ wɩaa dɩ la nɛ vɩa wʋbalɩŋ deeŋ Wɩa sɩ ŋaa dɩ ʋ laala ta, ɛɛ nɛ la jaŋ ŋaa a fori? La Tɩɩna Yesu nɛ laa sɩpaaŋ bʋl wɩɩ-la, nɩalɩŋ ma sɩ nɩɩ wɩɩ-la bʋla pɩla arɩ wʋtɩtɩɩ nɛ.

Hiburu TƖŊŊAA 3:19

La na arɩ ba sɩ bɩ Wɩa wɩaa laa dii nɛ tɩɩ ba bɩ wuo jʋʋ tintee-la Wɩa fa sɩɩ chɛ dɩ ʋ joŋo pɩba.

1 Jɔɔŋ 3:23

Wɩɩ-la ʋ sɩ daga nɛ: dɩ la laa ʋ Bie Yesu Kirisito wɩaa dii a cho dɔŋɔ, arɩ ŋɩɩ ʋ sɩ dagɛla.

1 Jɔɔŋ 4:9

Ŋ-la nɛ Wɩa dagɛla arɩ ʋ chola nɛ: Ʋ joŋ ʋ Bii-bala dɩ ʋ kʋ tuu dʋnɩa, dɩ la to ʋ lɛ a kɛŋ mɩɩsɩ-la sɩ bɩ dɛrɛ.

1 Jɔɔŋ 5:10

Nɩɩ-la kala sɩ laa Wɩa Bie wɩaa dii, ʋ tɩɩna jɩma ʋ tʋɔŋ lɛ arɩ wɩalɩŋ Wɩa sɩ bʋla a tɩgɛ ʋ lɛ ŋaa wʋtɩtɩɩ nɛ. Ama nɩɩ-la kala sɩ bɩ Wɩa laa dii, ʋ kɛŋ Wɩa yɩyɩrɛ wʋnyɩɛrʋ nɛ, bɛɛ wɩaa ʋ bɩ wɩɩ-la ʋ sɩ bʋla a tɩgɛ ʋ Bie lɛ laa dii.

1 Jɔɔŋ 5:12

Nɩɩ-la kala sɩ hɛ Wɩa Bie teeŋ kɛŋ mɩɩsɩ-la nɛ. Nɩɩ-la kala ma sɩ bɩ Wɩa bile teeŋ hɛ, ʋ ma bɩ mɩɩsɩ-la kɛnɛ.