Jɔɔŋ 3:16 - WƖA TENIŊ

¹⁶ Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 3:16 ပူးပေါင်းရင်းမြစ်များ

WƖAA DƖ-SUOMUŊ 22:12

Ŋɩɩ nɛ Wɩa tɩndaarʋ-la bʋla pʋ, “Sɩ́ bile wɩɩkala ŋaa. Lɛɛlɛ mɩ jɩma ŋ fá Wɩa nɛ a laaʋ dii, bɛɛ wɩaa ŋ bɩ ʋ nii-la vɩa ʋ sɩ sɩ ŋ kɛŋ ŋ bii-bala-la kpʋ a nyɩga pʋ.”

WƖAA DƖ-SUOMUŊ 22:2

Ŋɩɩ nɛ Wɩa bʋl, “Kɛŋ Aɩzɩk ŋ bii-bala-la ŋ sɩ cho, a mʋ lee-la ba sɩɩ yɩrɛ Moria. Kpʋʋ peel-la nyuŋ mɩ sɩ jaŋ dagɩŋ a ŋaa kʋnyɩgaa Wɩɩsʋlʋŋ pɩmɛ.”

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

Matiu 9:13

Má mʋ a beŋ Wɩa teniŋ tʋɔŋ a na wɩɩ-la ba sɩ ŋmʋnsa bʋbʋɔŋ. Ba ŋmʋnsa arɩ Wɩa sɩ, ‘Mɩ cho dɩ ma fɩfá nɩaa nenige nɛ a kɩɩ ma sɩ kpʋ pʋsʋŋ pɩpɩmɛ.’ Mɩ kɔ dɩ mɩ yɩrɛ wʋbɔŋ ŋaaraa nɛ dɩ ba leŋ ba wʋbɔŋŋɔɔ, nɩalɩŋ sɩ kɛŋ tʋɔpʋla mɩ sɩpaaŋ dee.”

Maak 12:6

Nɩɩ-la sɩ ka, ʋ bii-chooluŋ nɛ ŋɩɩ. Ŋɩɩ harɩŋ lɛ nɛ ʋ tɩmʋ. Ʋ bɩɩna dɩ ʋ bile nɛ mʋa, ba jaŋ zilu. Ʋ ma bɩra mʋ.

Luuk 2:14

“Má leŋ dɩ la dɛnnɛ Wɩa sɩ hɛ Wɩa-jaŋ lɛ. Nɩalɩŋ nyuŋ Wɩa tʋɔŋ sɩ tɔrɔ tinteeŋ lɛ jaŋ na fɩɛlɩŋ.”

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 10:28

Ŋɩɩ nɛ mɩ pɩba mɩɩsɩ-la sɩ bɩ dɛrɛ, ba bɩ jaŋ kɔ dɩ ba sʋba. Nʋʋ ma saa bɩ jaŋ wuo kɛmba kaa laa mɩ nɩsɩŋ lɛ da.

Jɔɔŋ 3:15

dɩ nʋʋkala sɩ laa mɩ wɩaa dii wuo kɛŋ mɩɩsɩ-la sɩ bɩ dɛrɛ.

Jɔɔŋ 3:18

Nʋʋ na-kala sɩ laa Yesu wɩaa dii, ʋ bɩ jaŋ dii ʋ tɩɩna sarɩya a joŋ cheeriŋ pʋ, ama nɩɩ-la kala sɩ bɩ ʋ wɩaa laa dii, ʋ paala dii ʋ tɩɩna sarɩya a joŋ cheeriŋ pʋ nɛ, bɛɛ wɩaa ʋ bɩ Wɩa Bii-bala-la wɩaa laa dii.

Jɔɔŋ 3:36

Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

Jɔɔŋ 6:40

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Rom Tɩŋŋaa 5:10

La dɩ Wɩa faa yuo dɔŋɔ nɛ. Ama ʋ leŋe la ŋaa sɩma nɛ a tɩŋ ʋ Bie sɩ sʋba wɩaa. La dɩ ʋ sɩ ŋaa sɩma ŋɩɩ, ʋ jaŋ to Kirisito mɩɩsɩŋ lɛ a laala ta.

Rom Tɩŋŋaa 5:8

Ama ŋɩɩ Wɩa sɩ daga arɩ ʋ chola nɛ ŋ-la: Bʋa-la lɛ la ha sɩ ŋaa wʋbɔŋ ŋaaraa nɛ Kirisito sʋʋ la wɩaa.

Rom Tɩŋŋaa 8:32

Wɩa paala bɩ ʋ tɩtɩa Bie kaa laa nɩaa teeŋ. Ʋ joŋu hɛ nɩaa nɩsɩŋ lɛ nɛ dɩ ba kpʋʋ a tɩŋ la wɩaa. Ʋ sɩ wuo ŋaa ŋ-la, ma bɩ jɩŋ arɩ ʋ jaŋ wuo chaasa joŋ kʋŋkala ma pɛ pɩla koo?

Ɛfɛsɩs Nɩaa 2:4

Ama Wɩa chola nɛ kɩŋkɛŋ, a faasa fɩfá la nenige,

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

Taatɩs 3:4

Ama la Laataara Wɩa dagɛ ŋɩɩ ʋ sɩ kɛŋ zile arɩ ŋɩɩ ʋ sɩ cho nɩaa nɛ,

Hiburu TƖŊŊAA 2:9

La na arɩ Wɩa fa leŋe Wɩa tɩndaaraa nɛ kɩɩ Yesu mʋa. Ama lɛɛlɛ Wɩa zilu nɛ a leŋ ʋ kɛŋ doluŋ arɩ yɩrɩŋ, bɛɛ wɩaa ʋ na hɛɛŋ nɛ a sʋʋ. Wɩa lahɔrɩmɔ lɛ nɛ ʋ fa ŋaa ŋɩɩ, dɩ ʋ wuo laa nuhuobiinee kala nyuŋ a sʋʋ.

1 Jɔɔŋ 3:1

Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.

1 Jɔɔŋ 4:19

Wɩa nɛ laa sɩpaaŋ chola. Ŋɩɩ nɛ tɩɩ la ma wuo cho Wɩa arɩ nɩaa.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.