Jɔɔŋ 3:15 - WƖA TENIŊ

¹⁵ dɩ nʋʋkala sɩ laa mɩ wɩaa dii wuo kɛŋ mɩɩsɩ-la sɩ bɩ dɛrɛ.

Jɔɔŋ 3:15 ပူးပေါင်းရင်းမြစ်များ

AZAAYA 11:10

Tapʋlɩɩ-la nɛ yie, kuoru-la sɩ jaŋ lɩɩ Jesi gentine lɛ jaŋ chɩŋ a nagɛ tuuta nɩaa teeŋ, tinteyee jaŋ kɔ ʋ teeŋ a zilu.

AZAAYA 45:22

Má mɩɩra kɔ mɩ teeŋ dɩ mɩ laama ta, ma nɩalɩŋ kala sɩ hɛ dʋnɩa lɛ, bɛɛ wɩaa, mɩ dʋndʋŋa nɛ Wɩa, Wɩa dɔŋ bɩra tuo.

NAMBABA 21:9

Ŋɩɩ nɛ Mosis kɛŋ kɔlɩɩŋ libi dɩmɩŋ a joŋo mɛrɛ daaterige lɛ a joŋo pɛ. Dɩ dɩma-la kʋŋ nɛ dɩŋ nɩalɩŋ dɔŋɔ, ʋ yie wʋla beŋ kɔlɩɩŋ dɩŋ-la nɛ a duori.

Matiu 18:10

Ŋɩɩ nɛ Yesu bɩra sɩ, “Má fɩɛlɛ ma sɩaa a sɩ́ bee gʋʋnɛ hambiisiŋ deemba kʋŋkala. Mɩ bʋlaa pɩma, Wɩa ta ʋ tɩndaaraa nɛ dɩ ba bibemba. Ba hɛ Wɩa-jaŋ bʋa na-kala lɛ, mɩ Nyɩmma sɩ hɛ lee-la. [

Matiu 25:46

Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”

Maak 16:16

Nɩɩ-la kala sɩ laa mɩ wɩaa dii a leŋ ba fou Wɩɩchʋɔlɛ lɩɩŋ, Wɩa jaŋ laaʋ ta, ama nɩɩ-la kala sɩ bɩ mɩ wɩaa laa dii, Wɩa jaŋ joŋ cheeriŋ pʋ.

Luuk 19:10

bɛɛ wɩaa mɩ-na Nuhuobiine Bie kɔ dɩ mɩ chɛ a laa nɩalɩŋ sɩ lɛlɛ nɛ a ta.”

Jɔɔŋ 1:12

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Jɔɔŋ 16:33

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

Jɔɔŋ 20:31

Ama mɩ ŋmʋnsɛ wɩaa deemba dɩ ma wuo laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa aŋ pɛ ŋaa Wɩa Bie ma. Dɩ ma nɛ laa wɩaa deemba dii, ma jaŋ kɛŋ mɩɩsɩŋ ʋ yɩrɩŋ lɛ.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 3:36

Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

Jɔɔŋ 5:24

Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Jɔɔŋ 6:40

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Jɔɔŋ 6:47

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ.

Tɩntɩŋŋaa 13:41

‘Ma nɩalɩŋ sɩɩ mɔŋ Wɩa, má bee na tɩntɩmɩɩ-la mɩ sɩ jaŋ tɩŋ ma mɩɩsɩŋ bʋa lɛ. Dɩ nʋʋ nɛ bʋla pɩma, ma bɩ jaŋ laa dii dɩ ʋ sɛnɛ ŋaa wʋtɩtɩɩ. Ʋ jaŋ ŋaama wʋkpuŋkpere a leŋ dɩ ma sʋʋ.’ ”

Tɩntɩŋŋaa 8:36

Ba fa sɩ joŋ wombii-la a mʋmʋ, ba mʋ yi lee kʋbala dɩ ʋ kɛŋ lɩɩŋ. Ŋɩɩ nɛ baal-la bʋla pɩ Fɩlɩp, “Na lɩɩŋ nɛ ŋ-la. Bɛɛ nɛ jaŋ kɛrɛmɛ dɩ ŋ sɩ́ mɩ Wɩɩchʋɔlɛ lɩɩŋ fo?”

Rom Tɩŋŋaa 5:21

Wʋbɔŋŋɔɔ sɩ kɛŋ doluŋ a laa dʋnɩa nɩaa tɩɩ ŋɩɩ, ŋɩɩ nɛ kɛŋ sʋʋŋ kaa kɔ. Ŋɩɩ tɩtɩa nɛ Wɩa lahɔrɩmɔ-la ma to tʋɔpʋla-la Wɩa sɩ leŋe la kɛŋ lɛ a yuo dii dʋnɩa. Ŋɩɩ leŋ la to La Tɩɩna Yesu Kirisito lɛ a kɛŋ mɩɩsɩ-la sɩ bɩ dɛrɛ.

1 Kɔrɩntɩ Nɩaa 1:18

La bʋla arɩ Kirisito sʋʋ daagɛsɛ nyuŋ, ŋɩɩ bɩ bʋbʋɔ kɛnɛ nɩalɩŋ sɩ lɛlɛ teeŋ. Ama la nɩalɩŋ Wɩa sɩ laa ta, wɩalɩŋ nɛ ŋaa Wɩa doluŋ la teeŋ.

2 Kɔrɩntɩ Nɩaa 4:3

Ama dɩ Wɩa wʋzɔmɔ-la la sɩɩ bʋl nɛ faa, nɩalɩŋ sɩ lɛlɛ teeŋ nɛ ba faa.

Galiisia Nɩaa 2:16

La jɩma arɩ nʋʋ nɩɩ to wɩalɩŋ Mosis fa sɩ bile dɩ nɩaa tuto, ʋ ŋɩɩ bɩ jaŋ wuo leŋ dɩ tɩɩna ŋaa tʋɔpʋl tɩɩna Wɩa sɩpaaŋ. Ama dɩ nʋʋ nɛ laa Yesu Kirisito wɩaa dii, ʋ dʋndʋŋa nɛ jaŋ wuo leŋ dɩ ʋ tɩɩna ŋaa tʋɔpʋl tɩɩna Wɩa teeŋ. Ŋɩɩ tɩtɩa nɛ la ma laa Yesu Kirisito wɩaa dii, dɩ Wɩa leŋ dɩ la ŋaa tʋɔpʋl tɩmma ʋ teeŋ, a tɩŋ ŋɩɩ la sɩ laa Kirisito dii. Dɩ nʋʋ nɩɩ to wɩalɩŋ Mosis sɩ bile, ʋ ŋɩɩ bɩ jaŋ wuo leŋ dɩ ʋ kɛŋ tʋɔpʋla Wɩa teeŋ.

Galiisia Nɩaa 2:20

Mɩ dɩ Kirisito kala nɛ ba kpaasa mɛrɛ daagɛsɛ nyuŋ. Mɩɩsɩ-la mɩ sɩ kɛnɛ, ʋ bɩ mɩ teeŋ lɩa, ʋ lɩɩ Kirisito teeŋ nɛ. Mɩ sɩ laa Wɩa Bie wɩaa dii nɛ tɩɩ mɩ wuo kɛŋ mɩɩsɩŋ deeŋ mɩ sɩ kɛnɛ dʋnɩa deeŋ lɛ. Wɩa Bie Yesu nɛ chomi, a joŋ ʋ mɩɩsɩŋ a yɔɔ sʋʋŋ mɩ wɩaa.

Hiburu TƖŊŊAA 10:39

Ama la-na tuo nɩalɩŋ sɩ vɩa Wɩa ʋ cheiba. La ŋaa nɩa sɩ laa Wɩa dii nɛ ʋ laala ta.

Hiburu TƖŊŊAA 7:25

Ŋɩɩ wɩaa, ʋ jaŋ wuo laa nɩalɩŋ sɩ to ʋ lɛ a kɔ Wɩa teeŋ ta. Ʋ jaŋ wuo laaba ta, bɛɛ wɩaa ʋ jaŋ hɛ nɩmɛ bʋa na-kala a sʋl Wɩa pɩpɩba.

1 Jɔɔŋ 2:25

Wɩɩ-la Kirisito tɩtɩa sɩ bʋla dɩ ʋ jaŋ ŋaa pɩla nɛ ŋ-la: Ʋ sɩ ʋ jaŋ joŋ mɩɩsɩ-la sɩ bɩ dɛrɛ a pɩla.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.