Jɔɔŋ 3:13 - WƖA TENIŊ

¹³ Nʋʋkala ha bɩ Wɩa-jaŋ jɩla, see mɩ-na Nuhuobiine Bie sɩ lɩɩ nɩmɛ kʋ tuu.

Jɔɔŋ 3:13 ပူးပေါင်းရင်းမြစ်များ

NAMAGABA 30:4

Kʋbɛɛ nɛ jɩl Wɩa-jaŋ aŋ kʋ tuu? Kʋbɛɛ nɛ wuo kɛŋ peliŋ gulimi ʋ nɩsɩŋ lɛ? Kʋbɛɛ nɛ wuo kɛŋ ʋ gɛrɩŋ a vɔɔ lɩɩŋ? Kʋbɛɛ nɛ bil dʋnɩa dɩdɛrɩŋ lee-la kala ʋ chɩŋ kpaŋ kpaŋ? Ʋ yɩrɩŋ nɛ bɛɛ, ʋ bie yɩrɩŋ nɛ bɛɛ? Dɩ ma nɛ jɩma, má dagɛmɛ.

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Matiu 8:20

Ŋɩɩ nɛ Yesu bʋla pʋ, “Jolluŋ kɛŋ bʋɔsʋŋ nɛ a jʋjʋʋ, diibiisiŋ ma kɛŋ dɛllɩŋ a jʋjʋʋ, ama mɩ-na Nuhuobiine Bie bɩ dɩpɩnɩŋ kɛnɛ dɩ mɩ pɩna wiesi.”

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 13:3

Yesu fa jɩma arɩ ʋ Nyɩmma joŋ kʋŋkala doluŋ hɛ ʋ nɩsɩŋ lɛ nɛ. Ʋ jɩma ʋ lɩɩ Wɩa teeŋ nɛ, a bɩra jɩŋ arɩ ʋ jaŋ mɩɩra mʋ Wɩa teeŋ.

Jɔɔŋ 17:5

Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.

Jɔɔŋ 3:12

Mɩ bʋl dʋnɩa wɩaa nɛ pɩpɩŋ, ka ŋ bɩ laa dii. Ɛɛ nɛ saa ŋ jaŋ wuo laa dii dɩ mɩ nɛ bʋl Wɩa-jaŋ wɩaa pɩŋ?

Jɔɔŋ 3:31

Nɩɩ-la sɩ lɩɩ Wɩa-jaŋ nɛ kɩɩ kʋŋkala. Nɩɩ-la sɩ lɩɩ tinteeŋ ŋaa tinteeŋ kʋŋ nɛ aa bʋl tinteeŋ wɩaa. Ama nɩɩ-la sɩ lɩɩ Wɩa-jaŋ nɛ kɩɩ kʋŋkala.

Jɔɔŋ 6:33

Boroboro-la Wɩa sɩ ta, ʋ lɩɩ Wɩa-jaŋ nɛ a kʋ tuu. Ʋ nɛ pɩ dʋnɩa nɩaa mɩɩsɩŋ.”

Jɔɔŋ 6:38

bɛɛ wɩaa mɩ lɩɩ Wɩa-jaŋ kʋ tuu dɩ mɩ ŋaa wɩalɩŋ nɩɩ-la sɩ tɩmmɛ sɩɩ chɛ nɛ, mɩ tɩtɩa tʋɔtɔrɛ wɩaa dee.

Jɔɔŋ 6:42

Ŋɩɩ nɛ ba pɩɛsɛ: “Baala deeŋ dee Josɛf bie Yesu? La jɩŋ ʋ nyɩmma arɩ ʋ naaŋ kala nɛ. Ɛɛ nɛ saa lɛɛlɛ ʋ sɩ dɩ ʋ lɩɩ Wɩa-jaŋ nɛ a kʋ tuu?”

Jɔɔŋ 6:46

Ʋ ŋɩɩ ma saa bɩ nagɛ arɩ nʋʋkala na mɩ Nyɩmma Wɩa nɛ, see mɩ-na Nɩɩ-la sɩ lɩɩ Wɩa teeŋ. Mɩ dʋndʋŋa nɛ naʋ.

Jɔɔŋ 6:51

Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

Jɔɔŋ 6:62

Ka dɩ ma nɛ saa fa na mɩ-na Nuhuobiine Bie dɩ mɩ mɩɩraa mʋ lee-la mɩ sɩ lɩa?

Jɔɔŋ 8:42

Ŋɩɩ nɛ Yesu bʋla pɩba, “Dɩ Wɩa nɛ sɛnɛ fa ŋaa ma Nyɩmma, ma fa jaŋ chomi, bɛɛ wɩaa, Wɩa teeŋ nɛ mɩ lɩɩ a kɔ daha. Mɩ tɩtɩa doluŋ lɛ dee mɩ kɔ. Ʋ nɛ tɩmmɛ.

Tɩntɩŋŋaa 2:34

Devit tɩtɩa fa bɩ Wɩa-jaŋ jɩla, ama aŋ bʋla tɩgɛ Yesu lɛ, “La Tɩɩna bʋla pɩ mɩ Tɩɩna: Hɔŋ mɩ nadiiŋ, nɩduoŋ dɩhɔnʋŋ,

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

Rom Tɩŋŋaa 10:6

Wɩalɩŋ ba sɩ bʋla Wɩa teniŋ tʋɔŋ a tɩgɛ nɩalɩŋ sɩ kɛŋ tʋɔpʋla Wɩa sɩpaaŋ a tɩŋ ba sɩ laa Wɩa dii nɛ ŋ-la: Ba sɩ, “Má sɩ́ ma tʋɔŋ lɛ bɩɩnʋ a pɩɛsɛ, ‘Kʋbɛɛ nɛ jaŋ jɩl Wɩa-jaŋ [a kɛŋ Kirisito kaa kʋ tuu]?’

1 Kɔrɩntɩ Nɩaa 15:47

Nuhuobiiŋ bumbuŋ-la, dʋnɩa tɩarɩŋ nɛ Wɩa lɔgɛ mɛʋ. Nɩɩ-la sɩ to harɩŋ kɔ-na lɩɩ Wɩa-jaŋ nɛ.

Ɛfɛsɩs Nɩaa 1:23

Nɩalɩŋ sɩ laa Yesu wɩaa dii aa hilimi nɛ ŋaa Yesu yaraa. Nɩalɩŋ nɛ leŋe Kirisito ŋaa nɩ-piliŋ, ʋ ma leŋ kʋŋkala ŋaa kʋpiliŋ wɩɩkala lɛ.

MOSIS BƖRA WULLI WƖA WOMBIIŊ 30:12

Ba bɩra bɩ wɩa-nyuŋ ma nɛ hɛ, ma sɩ jaŋ bʋl, ‘Kʋbɛɛ nɛ jaŋ jɩla kaa kʋ tuu a bʋl dɩ la nɩɩ a kaa tɩŋ?’