Jɔɔŋ 3:12 - WƖA TENIŊ

¹² Mɩ bʋl dʋnɩa wɩaa nɛ pɩpɩŋ, ka ŋ bɩ laa dii. Ɛɛ nɛ saa ŋ jaŋ wuo laa dii dɩ mɩ nɛ bʋl Wɩa-jaŋ wɩaa pɩŋ?

Jɔɔŋ 3:12 ပူးပေါင်းရင်းမြစ်များ

Jɔɔŋ 3:11

Wʋtɩtɩɩ nɛ mɩ bʋlaa pɩŋ, la yie bʋl wɩɩ-la la sɩ jɩma nɛ, a bʋbʋl wɩɩ-la la sɩ na. Ama ma kʋŋkala bɩ chɛ dɩ ma sɛɩ wɩɩ-la la sɩ bʋla.

Jɔɔŋ 3:3

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 3:5

Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Jɔɔŋ 3:8

Peliŋ yie lu mʋmʋ lee-na kala ʋ sɩ cho nɛ. Ŋ nɩnɩɩ ʋ dɔmɔ, ama ŋ bɩ jɩŋ lee-la ʋ sɩ lɩɩ kʋkɔ, koo lee-la ʋ sɩɩ mʋ. Ʋ saa nagɛ ŋɩɩ nɛ nʋʋkala Wɩa sɩ joŋ ʋ Dɩŋ-zɔmʋŋ hɛ lɛ.”

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

Hiburu TƖŊŊAA 5:11

La kɛŋ wɩaa yʋgɛ nɛ dɩ la bʋl a tɩgɛ wɩɩŋ deeŋ lɛ. Ama la bɩ jɩŋ ŋɩɩ la sɩ jaŋ bʋl wɩɩ-la dɩ ma jɩŋ ʋ bʋbʋɔŋ, bɛɛ wɩaa ma dɩgɩlaa yuŋŋie.

1 Jɔɔŋ 4:10

Ŋ-la nɛ chonuŋ nagɛ: Ʋ bɩ naga la nɛ laa sɩpaaŋ cho Wɩa, ama Wɩa nɛ laa sɩpaaŋ chola. Ʋ tɩŋ ʋ Bie ʋ kʋ tuu sʋʋ la wɩaa, dɩ Wɩa joŋ ʋ baanɩŋ ta ʋ fa sɩ kɛnɛ a tɩŋ la wʋbɔŋŋɔɔ wɩaa, a joŋ la wʋbɔŋŋɔɔ chɛla.