Jɔɔŋ 3:11 - WƖA TENIŊ

¹¹ Wʋtɩtɩɩ nɛ mɩ bʋlaa pɩŋ, la yie bʋl wɩɩ-la la sɩ jɩma nɛ, a bʋbʋl wɩɩ-la la sɩ na. Ama ma kʋŋkala bɩ chɛ dɩ ma sɛɩ wɩɩ-la la sɩ bʋla.

Jɔɔŋ 3:11 ပူးပေါင်းရင်းမြစ်များ

AZAAYA 50:2

Bʋa-la lɛ mɩ sɩ kɔ dɩ mɩ laama ta, bɛɛ nɛ tɩɩ ma kʋŋ tuo? Mɩ sɩ yɩra, bɛɛ nɛ tɩɩ ma kʋŋkala bɩ sɛyɛ? Ma bɩɩna mɩ bɩ doluŋ kɛnɛ dɩ mɩ laama ta nɛ koo? Ma bɩɩna mɩ ŋaa nɩpʋgʋ nɛ a bɩ ma wuo laa ta koo? Dɩ mɩ nɛ kpɩa mʋga koo fuonuŋ lɛ, ba kala yie hʋ nɛ a bɩrɩmɛ tintee-hɩlɩŋ, chenfile-la sɩ hɛ ba lɛ kala sʋʋ lɩɩnyʋasʋŋ.

AZAAYA 53:1

Kʋbɛɛ nɛ hɛ nɩmɛ a laa wɩalɩŋ la sɩ bʋla a dii? Kʋbɛɛ nɛ La TƖƖNA kɛŋ ʋ doluŋ dagɛ?

AZAAYA 55:4

Mɩ fa leŋe ʋ ŋaa nɩaa sɩpaalaarʋ nɛ a ŋaa laalɩyuori-hɩaŋ. Ʋ lɛ nɛ mɩ to a dagɛ mɩ doluŋ.

AZAAYA 65:2

Bʋa na-kala mɩ yie kɛŋ mɩ tɩtɩa hɛ dɔŋɔ nɛ a chal nɩsaa, dɩ mɩ laa nɩalɩŋ sɩ bɩ mɩ niiŋ ka to nɩalɩŋ wʋŋaalaa sɩ bɩ zɔŋ a tuto ba tʋɔtɔrɛ wɩaa harɩŋ.

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 23:37

Ma Jerusalɛm nɩaa, ma kpʋ Wɩa wʋlaabʋllaa nɛ, a joŋ tabɩaa yagɛ tɩndaara-la Wɩa sɩ tɩma dɩ ba kɔ ma teeŋ. Naansɩɩŋ yʋga nɛ mɩ fa cho dɩ mɩ chu tɔ ma nɩaa kala arɩ jimiŋ sɩ yie chu tɔ ʋ biiriŋ ŋɩɩ, ka ma bɩ sɛyɛ.

Luuk 10:22

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma ma sɩ naga. Nʋʋkala bɩra bɩ ʋ jɩŋ, see nɩalɩŋ dʋndʋŋa mɩ sɩ cho dɩ mɩ daga.”

Jɔɔŋ 1:11

Ʋ kɔ ʋ tɩtɩa jáŋ, ama ʋ jáŋ nɩaa bɩ ʋ laa.

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 12:49

Wɩalɩŋ mɩ sɩ bʋla, mɩ tɩtɩa doluŋ lɛ dee mɩ bʋl. Mɩ Nyɩmma sɩ tɩmmɛ, ʋ tɩtɩa nɛ dagɛmɛ wɩalɩŋ mɩ sɩ jaŋ bʋl, arɩ ŋɩɩ mɩ sɩ jaŋ bʋlba.

Jɔɔŋ 14:24

Nɩɩ-la sɩ bɩ mɩ cho, ʋ bɩ mɩ niiŋ wɩaa ka to. Wɩalɩŋ ma sɩ nɩa, mɩ tɩtɩa dee bɩ bʋl. Ama mɩ Nyɩmma-la sɩ tɩmmɛ nɛ dagɛmɛ mɩɩ bʋl.

Jɔɔŋ 3:12

Mɩ bʋl dʋnɩa wɩaa nɛ pɩpɩŋ, ka ŋ bɩ laa dii. Ɛɛ nɛ saa ŋ jaŋ wuo laa dii dɩ mɩ nɛ bʋl Wɩa-jaŋ wɩaa pɩŋ?

Jɔɔŋ 3:13

Nʋʋkala ha bɩ Wɩa-jaŋ jɩla, see mɩ-na Nuhuobiine Bie sɩ lɩɩ nɩmɛ kʋ tuu.

Jɔɔŋ 3:3

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 3:5

Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Jɔɔŋ 5:43

Mɩ kɔ mɩ Nyɩmma doluŋ lɛ nɛ, ka ma bɩ mɩ kɛnɛ woruŋ. Dɩ nʋʋ dɔŋ nɛ fa kɔ ʋ tɩtɩa doluŋ lɛ, ʋ nɛ ma fa jaŋ kɛŋ woruŋ.

Jɔɔŋ 7:16

Ŋɩɩ nɛ Yesu bʋla pɩba, “Wɩalɩŋ mɩ sɩɩ dagʋ, mɩ tɩtɩa doluŋ lɛ dee mɩɩ dagɛ. Nɩɩ-la sɩ tɩmmɛ nɛ dagɛmɛ wɩalɩŋ.

Jɔɔŋ 8:14

Ŋɩɩ nɛ Yesu bʋla pɩba, “Dɩ mɩ tɩtɩa nɛ ŋaa mɩ pɛ-naara ma, wɩɩ-la mɩ sɩ bʋla ŋaa wʋtɩtɩɩ nɛ, bɛɛ wɩaa mɩ jɩŋ lee-la mɩ sɩ lɩa nɛ, a jɩŋ lee-la mɩ sɩ jaŋ mʋ. Ama ma-na bɩ lee-la mɩ sɩ lɩa jɩŋ, a bɩra bɩ lee-la mɩ sɩ jaŋ mʋ ma jɩŋ.

Jɔɔŋ 8:26

Mɩ kɛŋ wɩaa yʋgɛ nɛ dɩ mɩ bʋl a tɩgɛ ma lɛ, a wuo to wɩalɩŋ lɛ a joŋ cheeriŋ pɩma. Nɩɩ-la sɩ tɩmmɛ, ʋ sɛnɛ ŋaa wʋtɩtɩɩ Tɩɩna nɛ. Wɩalɩŋ mɩ sɩ nɩa ʋ niiŋ lɛ, ba nɛ mɩ bʋlaa pɩ dʋnɩa nɩaa.”

Jɔɔŋ 8:38

Mɩ-na yie bʋl wɩalɩŋ mɩ Nyɩmma sɩ dagɛmɛ nɛ, ma ma ŋɩŋaa wɩalɩŋ ma nyɩmma sɩ dagɛma dɩ ma ŋɩŋaa.”

Tɩntɩŋŋaa 22:18

mɩ na La Tɩɩna Yesu a nagɛ duosoo tʋɔŋ. Ʋ bʋla pɩmɛ, ‘Sii lɩɩ Jerusalɛm lɛ lɩma, bɛɛ wɩaa nɩalɩŋ sɩ hɛ daha bɩ jaŋ sɛɩ wɩalɩŋ ŋ sɩ jaŋ bʋla pɩba a tɩgɛ mɩ lɛ.’

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 3:14

Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.