Jɔɔŋ 21:5 - WƖA TENIŊ

⁵ Ŋɩɩ nɛ Yesu pɩɛsɛba, “Mɩ nandɔsʋŋ, ma kɛsɛ chenfilee nɛɛ?” Ŋɩɩ nɛ ba bʋl, “Aɩ, la bɩ kʋŋkala na.”

Jɔɔŋ 21:5 ပူးပေါင်းရင်းမြစ်များ

1 KUOROO 19:6

Ɩlaaja sii bene golli lee-la, a na boroboro ba sɩ wasa nyiŋ-halaa lɛ arɩ loŋ arɩ lɩɩŋ dɩ ba chɩŋ ʋ nyuŋ. Ʋ joŋ kɩalɩŋ dii a nyʋa lɩɩ-la aŋ bɩra tuu pɩŋ.

WƖA YƖƖLAA 37:3

Laa La Tɩɩna dii a ŋɩŋaa wʋzɔŋŋɔɔ a hɔŋ tintee-la lɛ. Dɩ ŋ nɛ ŋaa ŋɩɩ, ŋ jaŋ hɔŋ sɔm.

Matiu 14:15

Dɩdaanɩŋ kʋ yi, ʋ harɩ-tooroo kɔ ʋ teeŋ a bʋla pʋ, “Taŋ bire nɛ. Leriŋ deeŋ ŋaa gɩrɩŋ nɛ. Ta nɩalɩŋ dɩ ba mʋ tasɩ-la sɩ kpagɛ daha a yɔɔ kʋdiilee a dii.”

Maak 8:7

Dɩ ba kɛŋ chenfil-biisiŋ ma mʋa. Ʋ joŋ ba ma a lɔllɛ Wɩa aŋ ŋaa ʋ harɩ-tooroo laa kpaa nɩalɩŋ.

Fɩlɩpa Nɩaa 4:19

Wɩa-la mɩ sɩ tɩmaa pa kɛŋ kʋŋkala nɛ, ʋ jaŋ to Yesu Kirisito lɛ a pɩma kʋŋkala ma sɩɩ chɛ a yʋgɛ.

Hiburu TƖŊŊAA 13:5

Má sɩ́ faasa cho moribiee kɩŋkɛŋ. Kɩalɩŋ ma sɩ kɛnɛ, má leŋ dɩ ma sɩɩŋ suba. Ŋ-la nɛ Wɩa bʋl ʋ teniŋ tʋɔŋ. Ʋ sɩ, “Mɩ bɩ jaŋ vɩama ta. Mɩ bɩ jaŋ kɔ dɩ mɩ lɩɩ ma harɩŋ.”

1 Jɔɔŋ 2:13

Mɩ nyɩmmaba ma, ma jɩŋ Nɩɩ-la fa sɩ hɛ nɩmɛ bumbuŋ kala nɛ. Ŋɩɩ nɛ tɩɩ mɩ ŋmʋnsa pɩpɩ ma ma. Ma bapʋɔsaa ma, ma lɛɛlɛ yuo dii Sɩtaanɩ nɛ, ŋɩɩ nɛ tɩɩ mɩ ŋmʋnsa pɩpɩ ma ma. Mɩ biiriŋ, ma ma jɩŋ la Nyɩmma Wɩa nɛ, ŋɩɩ nɛ tɩɩ mɩ ŋmʋnsa pɩpɩ ma ma.

1 Jɔɔŋ 2:18

Mɩ biiriŋ, dʋnɩa dɩdɛrɩŋ kpaga nɛ. Ma nɩa arɩ Kirisito dʋndɔŋ-balɩŋ jaŋ kɔ. Bʋa deeŋ lɛ Kirisito dʋndɔŋŋɔɔ paala yʋgɛ nɛ a kɔ. Ŋɩɩ wɩaa, la jɩma arɩ dʋnɩa dɩdɛrɩŋ kpaga nɛ.