Jɔɔŋ 21:2 - WƖA TENIŊ

² Saamɔŋ Pɩɩta arɩ Tɔmas, nɩɩ-la ba fa sɩ kaa yɩrɛ daalɩarɩŋ ma, arɩ Natanɩal fa sɩ lɩɩ taŋ kʋbala baa yɩrɛ Kena a hɛ Galilii tinteeŋ. Zebidi biiriŋ balɩa ma fa hɛ nɩmɛ, arɩ Yesu harɩ-tooroo balɩa ma dɔnsʋŋ.

Jɔɔŋ 21:2 ပူးပေါင်းရင်းမြစ်များ

Matiu 10:3

Ʋ bɩra lɩɩsɛ Fɩlɩp, arɩ Batolomi, arɩ Tɔmas, arɩ Matiu lampoo laarʋ-la, arɩ Alɩfɩyas nanʋala Jeems, arɩ Tadɩyas,

Maak 1:19

Ʋ joŋ ŋɩɩ baa mʋ, dɩ baalaa balɩa nɛ ŋɩɩ. Baa yɩrɛ Jeems arɩ Jɔɔŋ. Ba fa ŋaa Zebidi biiriŋ nɛ. Ba hɔŋ ba lɩɩŋ daboro lɛ a tʋtɔ ba jómba bʋɔsʋŋ.

Luuk 5:10

Saamɔŋ nandɔnsʋŋ Jeems arɩ Jɔɔŋ ma fa hɛ nɩmɛ. Ba fa ŋaa Zebidi biiriŋ nɛ. Wɩalɩŋ ba sɩ na ma ŋaaba wʋkpuŋkpere. Ŋɩɩ nɛ Yesu bʋla pɩ Saamɔŋ, “Sɩ́ fawʋllʋŋ fá. A suomi jɩnɩŋ, ŋ jaŋ chɛ kɩkɛsɛ nɩaa arɩ ŋ sɩɩ kɛsɛ chenfilee ŋɩɩ.”

Jɔɔŋ 1:45

Ŋɩɩ nɛ Fɩlɩp na Natanɩal a bʋla pʋ, “Nɩɩ-la wɩaa Mosis fa sɩ ŋmʋnsa wombie-la Wɩa sɩ bile dɩ la tuto tʋɔŋ, la naʋ nɛ. Wɩa wʋlaabʋllaa ma fa bʋl ʋ wɩaa nɛ. Ʋ nɛ Yesu, Josɛf nanʋala a lɩɩ Nazarɛt.”

Jɔɔŋ 11:16

Yesu harɩ-tooroo tʋɔŋ dɔŋɔ yɩrɩŋ nɛ fa Tɔmas. Ba kɛnʋ yɩyɩrɛ daalɩarɩŋ ma nɛ, bɛɛ wɩaa ba fa ŋaa daalɩarɩŋ nɛ. Ŋɩɩ nɛ ʋ bʋla pɩ ʋ dɔnsʋŋ tɩmma-la, “Má leŋ dɩ la kala to Yesu harɩŋ, dɩ ʋ nɛ ŋaa sʋʋ ma, dɩ la kala sʋʋ.”

Jɔɔŋ 2:1

Tapʋlaa balɩa sɩ bala, baa chɛ dɩ ba gbieli hajaarɩ gbiele taŋ kʋbala lɛ baa yɩrɛ Kena, a hɛ Galilii tinteeŋ lɛ. Yesu naaŋ ma fa hɛ nɩmɛ.

Jɔɔŋ 2:11

Yesu sɩ ŋaa lɩɩŋ bɩrɩmɛ sɩnɩŋ Kena lɛ Galilii tinteeŋ nɛ ŋaa ʋ wʋmagɩl bumbuŋ ʋ sɩ ŋaa. Nɩmɛ nɛ ʋ dagɛ ŋɩɩ Wɩa doluŋ sɩ hɛ ʋ lɛ. Ʋ harɩ-tooroo sɩ na ŋɩɩ, ba laa ʋ wɩaa dii.

Jɔɔŋ 20:28

Ŋɩɩ nɛ Tɔmas yɩrʋ a bʋl, “Mɩ Tɩɩna, ŋ nɛ mɩ Wɩa.”

Jɔɔŋ 4:46

Yesu bɩra mɩɩra mʋ lee-la ba sɩɩ yɩrɛ Kena a hɛ Galilii tinteeŋ lɛ, lee-la ʋ fa sɩ kɛŋ lɩɩŋ bɩrɩmɛ sɩnɩŋ. Dɩ tɩntɩnnɩ-hɩaŋ kʋbala fa hɛ taŋ kʋbala lɛ baa yɩrɛ Kapɛnam, ʋ bie fa wʋwɩɩlɛ.

JOSUA 19:28

Bʋa-la bɩra to Abɩdɔŋ, Rehob, Hamɔŋ arɩ Kana, a joŋ ŋɩɩ deeŋ deeŋ a mʋ yi Sɩdɔŋ balɩŋ.