Jɔɔŋ 20:9 - WƖA TENIŊ

⁹ Ama ba bɩ wɩɩ-la ba fa sɩ ŋmʋnsa Wɩa teniŋ tʋɔŋ bʋbʋɔŋ jɩŋ arɩ ʋ maga dɩ Yesu sii sʋʋŋ lɛ nɛ.

Jɔɔŋ 20:9 ပူးပေါင်းရင်းမြစ်များ

WƖA YƖƖLAA 16:10

Mɩ nɛ ŋaa nɩɩ-la ŋ sɩ lɩɩsa, ŋ bɩ jaŋ leŋ dɩ mɩ ka bʋa tʋɔŋ, koo a mʋ lɛlɛɛ-jaŋ.

WƖA YƖƖLAA 22:15

Mɩ doluŋ kala nɛ dɛrɛ a nagɛ pupoiŋ sɩ yɛrɛ. Mɩ nandelimiŋ ma hɩl a mɛrɛ mɩ tilimiŋ lɛ. Ŋ-na Wɩa nɛ lemmi ta dɩ mɩ sʋʋ kʋŋkɔlʋŋ lɛ.

AZAAYA 25:8

La TƖƖNA Wɩɩjarɩbakɔ jaŋ giri sʋʋŋ ta a kaa mʋ wuu, aŋ fɩɩsɛ nʋʋkala sɩlɩɩrɩŋ ta. Hɩɩsɩ-la kala ʋ nɩaa fa sɩ die dʋnɩa lɛ, ʋ jaŋ lɩɩsʋ ta. La TƖƖNA nɛ bʋla.

AZAAYA 26:19

Ama la laa dii arɩ ŋ nɩalɩŋ sɩ sʋba jaŋ sii a kɛŋ mɩɩsɩŋ, nɩalɩŋ kala sɩ hɛ bʋa tʋɔŋ jaŋ sii a yɩɩ yɩɩlaa arɩ tʋɔtɔrʋŋ. A nagɛ nyalɩŋ sɩ yie nyal a leŋ leriŋ fɩɛlɛ ŋɩɩ, ŋɩɩ nɛ nɩalɩŋ sɩ sʋba jaŋ sii sʋʋŋ lɛ a na fɩɛlɩŋ.

HOSIA 13:14

Mɩ time laaba dɩ sʋʋŋ sɩ́ ba wuoo? Mɩ laaba ta sʋʋŋ nɩsɩŋ lɛ? Sʋʋŋ, nɩɩ nɛ ŋ huoŋ hɛ? Lɛlɛɛ-jaŋ, nɩɩ nɛ ŋ huo-la sɩɩ chei nɩaa hɛ? Mɩ bɩ jaŋ fá ba nenige.

Matiu 22:29

Ŋɩɩ nɛ Yesu bʋla pɩba, “Ma bɩ Wɩa teniŋ jɩŋ. Ma bɩ Wɩa doluŋ jɩŋ. Ŋɩɩ nɛ tɩɩ ma yeŋŋi.

Luuk 24:26

Ma bɩ jɩŋ arɩ ʋ maga dɩ Nɩɩ-la Wɩa sɩ lɩɩsa, na hɛɛŋ nɛ aŋ-na jʋʋ ʋ kuorii-la tʋɔŋ a laa yɩrɩŋ?”

Luuk 9:45

Ama ʋ harɩ-tooro-la bɩ wɩɩ-la ʋ sɩ bʋla bʋbʋɔŋ jɩŋ. Ʋ ŋaa wʋfaalɩɩ nɛ ba teeŋ. Ŋɩɩ nɛ tɩɩ ba bɩ ʋ bʋbʋɔŋ wuo jɩŋ. Ama ba fɩfá fawʋllʋŋ dɩ ba pɩɛsɛ wɩɩ-la bʋbʋɔŋ.

Jɔɔŋ 2:22

Bʋa-la lɛ ʋ sɩ sii sʋʋŋ lɛ nɛ ʋ harɩ-tooroo liise yi wɩɩ-la ʋ fa sɩ bʋla lɛ. Ŋɩɩ nɛ ba laa wɩalɩŋ ba fa sɩ ŋmʋnsa Wɩa teniŋ tʋɔŋ dii, a laa wɩalɩŋ ma Yesu sɩ bʋla dii.

Tɩntɩŋŋaa 17:3

Ʋ karɩmɛ Wɩa teniŋ aŋ dagɛba arɩ Kirisito, Nɩɩ-la Wɩa sɩ lɩɩsa maga dɩ ʋ na hɛɛŋ a sʋʋ aŋ sii sʋʋŋ lɛ. Pɔɔl bɩra sɩ, “Yesu deeŋ wɩaa ʋ sɩ bʋlaa pɩma nɛ ŋaa Kirisito.”

Tɩntɩŋŋaa 2:24

Ama Wɩa chɩsʋ sʋʋŋ lɛ nɛ, a lɩɩsɛ hɛɛ-la ʋ sɩ na bʋa-la lɛ ʋ sɩɩ sʋʋ. Sʋʋŋ fa bɩ ʋ wuo kaa bibil.

1 Kɔrɩntɩ Nɩaa 15:4

Ʋ sɩ sʋʋ ŋɩɩ, ba joŋu hugi, ka ʋ sii sʋʋŋ lɛ tapʋlaa batori chɛɛŋ, arɩ ba sɩ ŋmʋnsɛ ŋɩɩ Wɩa teniŋ tʋɔŋ.