Jɔɔŋ 20:22 - WƖA TENIŊ

²² Ʋ sɩ bʋl ŋɩɩ dɛrɛ, ʋ wiese hɛ ba lɛ aŋ bʋl, “Má laa Wɩa Dɩŋ-zɔmʋŋ dɩ ʋ hɛ ma lɛ.

Jɔɔŋ 20:22 ပူးပေါင်းရင်းမြစ်များ

WƖAA DƖ-SUOMUŊ 2:7

La TƖƖNA Wɩa lɔgɛ tɩɛrɩŋ nɛ a mɛ nuhuobiine aŋ wiese hɛ ʋ mɩɩ-boiŋ lɛ, ʋ kɛŋ mɩɩsɩŋ a wei.

JOB 33:4

Wɩa Dɩma nɛ ʋ kaa ŋaamɛ. La TƖƖNA doluŋ kala Tɩɩna nɛ wiese hɛ mɩ lɛ, mɩ kɛŋ mɩɩsɩŋ.

WƖA YƖƖLAA 33:6

La Tɩɩna wʋbʋlaa lɛ nɛ wɩa-nyuŋ to a hɛ nɩmɛ. Ʋ wʋbʋlaa nɛ ŋaa kɩalɩŋ kala hɛ nɩmɛ.

ƐZƖKƖƐL 37:9

Ŋɩɩ nɛ ʋ bʋla pɩmɛ, “Bʋl wɩaa mɩ doluŋ lɛ a pɩ wiese. Bʋla pɩ wiese arɩ mɩ-na ma TƖƖNA Wɩɩjarɩbakɔ sɩ ʋ lɩɩ dʋnɩa loŋgorunuŋ banɛsɛ a kʋ jʋʋ nɩsʋʋnʋŋ deemba a leŋ dɩ ba bɩra kɛŋ mɩɩsɩŋ.”

Jɔɔŋ 14:16

Dɩ ma nɩɩ ŋaa ŋɩɩ, mɩ jaŋ sʋl mɩ Nyɩmma dɩ ʋ joŋ ʋ Dɩŋ-zɔmʋŋ pɩma, dɩ ʋ pɩpɛ ma lɛ. Ʋ jaŋ hɛ ma teeŋ a kaa mʋ wuu.

Jɔɔŋ 15:26

Ama mɩ jaŋ leŋ dɩ Wɩa Dɩŋ-zɔmʋŋ lɩɩ mɩ Nyɩmma teeŋ a kʋ tuu hɛ ma lɛ. Ʋ jaŋ pɛ ma lɛ a dagɛma wʋtɩtɩɩ. Ʋ nɛ jaŋ bʋl mɩ wɩaa pɩma.

Jɔɔŋ 16:7

Ama wʋtɩtɩɩ nɛ mɩ bʋlaa pɩma ŋ-la: Mɩ sɩɩ mʋ ŋɩɩ, ʋ jaŋ zɔmɔ pɩma. Dɩ mɩ nɛ bɩ mʋa, Wɩa Dɩŋ-zɔmʋŋ sɩ jaŋ kɔ a pɛ ma lɛ bɩ jaŋ kɔ. Ama dɩ mɩ nɛ mʋa, mɩ jaŋ leŋ dɩ ʋ kɔ.

Jɔɔŋ 20:21

Ŋɩɩ nɛ Yesu bɩra bʋla pɩba, “Ma jaŋ hɔŋ arɩ fɩɛlɩŋ. Mɩ Nyɩmma sɩ tɩmmɛ ŋɩɩ, ŋɩɩ tɩtɩa nɛ mɩ maa timma.”

Jɔɔŋ 20:23

Dɩ ma nɛ joŋ nʋʋ wʋbɔŋŋɔɔ a chɛʋ, ʋ bɩra bɩ wʋbɔŋ kɛnɛ. Dɩ ma nɛ bɩra bɩ nʋʋ wʋbɔŋŋɔɔ joŋo chɛʋ, ʋ ha kɛŋ ʋ wʋbɔŋŋɔɔ nɛ.”

Jɔɔŋ 7:39

Yesu bʋl wɩaa deemba a tɩgɛ Wɩa Dɩŋ-zɔmʋŋ ʋ sɩ jaŋ joŋo hɛ nɩalɩŋ sɩ laa ʋ wɩaa dii lɛ nɛ. Bʋa-la lɛ dɩ ʋ ha bɩ Wɩa Dɩŋ-zɔŋ-la joŋo hɛ ba lɛ, bɛɛ wɩaa ʋ ha bɩ sʋʋŋ lɛ sie dɩ ʋ laa yɩrɩŋ.

Tɩntɩŋŋaa 10:47

“Wɩa sɩ joŋ ʋ Dɩŋ-zɔmʋŋ pɩla ŋɩɩ, ŋɩɩ nɛ ʋ joŋo pɩ nɩaa deemba ma. Bɛɛ nɛ jaŋ wuo tɔ nɩaa deemba dɩ ba sɩ́ Wɩɩchʋɔlɛ lɩɩŋ fo?”

Tɩntɩŋŋaa 19:2

Ŋɩɩ nɛ Pɔɔl pɩɛsɛba, “Wɩa joŋ ʋ Dɩŋ-zɔmʋŋ hɛ ma lɛ nɛɛ bʋa-la lɛ ma sɩ laa Yesu wɩaa dii?” Ŋɩɩ nɛ ba sɩ, “Aɩ, la ha bɩ Wɩa Dɩŋ-zɔmʋŋ wɩaa nɩa.”

Tɩntɩŋŋaa 2:38

Ŋɩɩ nɛ Pɩɩta bʋla pɩba, “Má bɩrɩma lɩɩ ma wʋbɔŋŋɔɔ lɛ, aŋ leŋ dɩ ba foma Wɩɩchʋɔlɛ lɩɩŋ Yesu Kirisito yɩrɩŋ lɛ, dɩ Wɩa joŋ ma wʋbɔŋŋɔɔ chɛma, aŋ joŋ ʋ Dɩŋ-zɔmʋŋ dii zile ma lɛ.

Tɩntɩŋŋaa 2:4

Ba sɩ togili nʋʋkala lɛ ŋɩɩ, Wɩa Dɩŋ-zɔmʋŋ hɛba kala lɛ, a pɩba doluŋ ba suomo bʋbʋl yikori dosunuŋ.

Tɩntɩŋŋaa 4:8

Ŋɩɩ nɛ Wɩa dɩ Dɩŋ-zɔmʋŋ hɛ Pɩɩta lɛ woruŋ, ʋ bʋla pɩba, “Ma sɩpaalaaraa deemba arɩ ma Juu tɩŋŋaa kʋhɩasɩŋ,

Tɩntɩŋŋaa 8:15

Ba mʋ a chʋɔlɛ Wɩa pɩba dɩ Wɩa joŋ ʋ Dɩŋ-zɔmʋŋ pɩba,

Galiisia Nɩaa 3:2

Má leŋ dɩ mɩ pɩɛsɛma wɩɩŋ deeŋ: Wɩa sɩ joŋ ʋ Dɩŋ-zɔmʋŋ dii zile ma lɛ, ʋ ŋaa ŋɩɩ a tɩŋ ma sɩɩ to wɩalɩŋ Mosis fa sɩ bile dɩ nɩaa tuto nɛ, koo a tɩŋ ma sɩ nɩɩ Wɩa wʋzɔmɔ-la a laaba dii nɛ tɩɩ?