Jɔɔŋ 2:4 - WƖA TENIŊ

⁴ Ŋɩɩ nɛ Yesu bʋla pʋ, “Ʋ bɩ maga dɩ ŋ dagɛmɛ wɩɩ-la mɩ sɩ jaŋ ŋaa. Bʋa-la lɛ mɩ sɩ jaŋ tɩŋ tɩntɩŋŋaa ha bɩ yie.”

Jɔɔŋ 2:4 ပူးပေါင်းရင်းမြစ်များ

2 SAMƲƐL 16:10

Ama kuoro Devit sɩ, “Ŋ wɩɩ tuo wɩɩŋ deeŋ lɛ, dɩ La TƖƖNA nɛ sɩ Sɩmɛɩ tʋʋsɛmɛ, kʋbɛɛ nɛ kaŋ dɩ ŋ bʋl ʋ sɩ́ ŋɩɩ ŋaa?”

2 SAMƲƐL 19:22

Devit bʋl, “Ma-na Zeruya biiriŋ, ma wɩɩ tuo wɩɩŋ deeŋ lɛ. Sɩ́ wɩaa lɔgɔ hɛ mɩ lɛ. Jɩnɩŋ ʋ maga dɩ la kpʋ nʋʋ nɛ Iziral lɛɛ? Ŋ bɩɩna mɩ bɩ jɩŋ arɩ mɩ nɛ bɩra ŋaa Iziral kuoro jɩnɩŋ?”

1 KUOROO 17:18

Haal-la pɩɛsɛ Ɩlaaja, “Wɩa wʋlaabʋllʋ, bɛɛ nɛ ŋ ŋaa mɩ lɛ ŋ-la? Ŋ kɔ dɩ ŋ kpʋ mɩ nanʋala nɛ a liisimi mɩ wʋbɔŋŋɔɔ wɩaa?”

TƖƖCHA 3:1

Wɩɩ na-kala kɛŋ ʋ bʋa nɛ, wɩɩ na-kala sɩɩ ŋaa dʋnɩa lɛ kɛŋ bʋa-la sɩ maga dɩ ʋ ŋaa nɛ:

Matiu 15:28

Ŋɩɩ nɛ Yesu bʋla pʋ, “Ŋ ŋaa haal sɩ laa Wɩa dii kɩŋkɛŋ nɛ. Wɩɩ-la ŋ sɩɩ chɛ, mɩ jaŋ ŋaa pɩŋ.” Bʋa-la tɩtɩa lɛ ʋ tolo-la duori.

Matiu 8:29

Ba sɩ na Yesu, ba guu ŋmoo niiŋ a pɩɛsʋ, “Bɛɛ nɛ ŋ chɩchɛ dɩ ŋ ŋaa la lɛ Wɩa Bii? Ŋ kɔ dɩ ŋ dɔgɩsɛla nɛɛ, ka bʋa-la ha bɩ yiee?”

Luuk 2:49

Ŋɩɩ nɛ ʋ pɩɛsɛba, “Bɛɛ nɛ tɩɩ ma gɔllɔɔ chɛmɛ? Ma bɩ jɩŋ arɩ mɩ jaŋ hɛ mɩ Nyɩmma dɩa lɛɛ?”

Jɔɔŋ 12:23

Yesu bʋla pɩba, “Bʋa-la lɛɛlɛ kpaga nɛ dɩ mɩ-na Nuhuobiine Bie laa yɩrɩŋ.

Jɔɔŋ 13:1

Ʋ fa ka tapʋl-bala nɛ, ka dɩ Juu tɩŋŋaa dɩɩsɩŋ kiele bal gbiele-la yi. Yesu jɩma arɩ bʋa-la lɛ sɩ maga dɩ ʋ lɩɩ dʋnɩa deeŋ lɛ a mʋ ʋ Nyɩmma teeŋ yie nɛ. Ʋ cho nɩalɩŋ sɩɩ to ʋ harɩŋ nɛ dʋnɩa deeŋ lɛ. Bʋa deeŋ lɛ nɛ ʋ chaasa dagɛ chono-la kɩŋkɛŋ ʋ sɩ kɛnɛ arɩ ʋ harɩ-tooroo.

Jɔɔŋ 2:3

Ba sɩɩ gbieli gbiele-la ŋɩɩ, ba nyʋnyʋa tɩɩnɛnɛɛ sɩnɩŋ. Sɩŋ-la sɩ dɛrɛ, Yesu naaŋ bʋla pʋ dɩ sɩŋ-la dɛrɛ nɛ.

Jɔɔŋ 20:13

Ŋɩɩ nɛ ba pɩɛsʋ, “Haal, bɛɛ nɛ tɩɩ ŋ yiyel?” Ŋɩɩ nɛ ʋ bʋl, “Ba joŋ mɩ Tɩɩna Yesu kaa lɛl nɛ. Mɩ bɩ jɩŋ ba sɩ joŋu kaa mʋ bil lee-la.”

Jɔɔŋ 20:15

Ŋɩɩ nɛ Yesu ma pɩɛsɛ Mɛɛrɩ, “Bɛɛ nɛ tɩɩ ŋ yiyel? Kʋbɛɛ nɛ ŋ chɩchɛ?” Mɛɛrɩ fa bɩɩna baal-la sɩɩ beŋ ŋmaŋkaa-la nɛ. Ŋɩɩ nɛ ʋ pɩɛsʋ, “Kʋhɩaŋ, dɩ ŋ nɛ joŋo, dagɛmɛ lee-la ŋ sɩ kaa mʋ bil, dɩ mɩ mʋ joŋ.”

Jɔɔŋ 7:30

Ŋɩɩ nɛ ba chɩchɛ dɩ ba kɛnʋ, ama nʋʋkala nɩsɩŋ bɩ ʋ dige, bɛɛ wɩaa bʋa-la lɛ ʋ sɩ jaŋ sʋʋ ha bɩ yie.

Jɔɔŋ 7:6

Ŋɩɩ nɛ Yesu bʋla pɩba, “Bʋa-la sɩ jaŋ yi dɩ mɩ mʋ gbiele-la, ʋ ha bɩ yie. Ma-na teeŋ bʋa na-kala maga nɛ.

Jɔɔŋ 7:8

Má-na lɩɩ mʋ gbiele-la, mɩ-na ha bɩ mʋ, bɛɛ wɩaa bʋa-la sɩ jaŋ yi dɩ mɩ mʋ ha bɩ yie.”

Jɔɔŋ 8:20

Yesu bʋl wɩaa deemba kala bʋa-la lɛ ʋ sɩɩ dagɛ nɩaa Wɩa dɩɩ-bal-la lɛ nɛ, lee-la ba sɩ yie joŋ Wɩɩsʋlʋŋ kɩaa bil. Ka nʋʋkala bɩ ʋ kɛnɛ, bɛɛ wɩaa bʋa-la lɛ ba sɩ jaŋ kɛnʋ ha bɩ yie.

2 Kɔrɩntɩ Nɩaa 5:16

Ŋɩɩ wɩaa, a lɩɩ jɩnɩŋ kaa mʋmʋ la bɩ chɛ la beŋ nɩaa arɩ dʋnɩa nɩaa sɩɩ beŋ nɩaa ŋɩɩ. Bʋa kʋbala lɛ, la faa beŋ Kirisito ŋɩɩ nɛ, ama lɛɛlɛ la bɩra bɩ ʋ beŋ arɩ la fa sɩɩ benu ŋɩɩ.

MOSIS BƖRA WULLI WƖA WOMBIIŊ 33:9

Ba bɩ leŋe, ba nyɩmmaba arɩ ba naamba, ba naambiiriŋ arɩ ba biiriŋ wɩaa chɩlba a magɛ ŋ wɩalɩŋ ŋ sɩ daga. Ba sɛɩ ŋ niiŋ wɩaa nɛ a to nii-la ma ŋ sɩ bile ŋ dɩ ba pɛgɛ.