Jɔɔŋ 2:25 - WƖA TENIŊ

²⁵ Ʋ fa bɩ maga dɩ nʋʋkala bɩra bʋl nuhuobiinee wɩaa pʋ, bɛɛ wɩaa ʋ jɩŋ nuhuobiinee tʋɔŋ wʋkɛnɩŋ kala nɛ.

Jɔɔŋ 2:25 ပူးပေါင်းရင်းမြစ်များ

1 KUOROO 8:39

ŋ hɛ ŋ jaŋ lɛ nɛ, jegile nɩɩ a joŋ ʋ wʋbɔŋŋɔɔ chɛʋ aŋ pɛ ʋ lɛ. Ŋ jɩŋ nʋʋkala tʋɔbɩɩnaa arɩ ʋ mɛlɛ sɩ nagɛ ŋɩɩ nɛ. Ŋaa ŋɩɩ sɩ maga dɩ ŋ ŋaa nʋʋkala lɛ.

AZAAYA 11:3

Ʋ tʋɔtɔrʋŋ nɛ dɩ ʋ tuto La TƖƖNA niiŋ. Wɩalɩŋ ʋ sɩ na koo ʋ sɩ nɩa dee ʋ jaŋ kaa dii nɩaa sarɩya.

Matiu 9:4

Ama Yesu jɩŋ wɩɩ-la ba fa sɩɩ bɩɩnʋ a pɩɛsɛba, “Bɛɛ nɛ tɩɩ maa bɩɩnɛ wʋbɔmʋŋ deeŋ?

Jɔɔŋ 1:42

Ʋ kɛŋ Saamɔŋ kaa kɔ Yesu teeŋ. Ŋɩɩ nɛ Yesu benu aŋ bʋla pʋ, “Ŋ nɛ Jɔɔŋ bie Saamɔŋ. Ama lɛɛlɛ ba jaŋ yɩyɩrɩŋ Sefas.” Sefas arɩ Pɩɩta fa ŋaa yɩrɩ-bala nɛ, ʋ bʋbʋɔŋ nɛ bʋŋ.

Jɔɔŋ 1:47

Yesu sɩ na Natanɩal dɩ ʋʋ kɔ ʋ teeŋ, ʋ bʋl, “Nɩa deeŋ ŋaa Iziral tɩɩna tɩtɩɩ nɛ. Ʋ kɛŋ wʋtɩtɩɩ.”

Jɔɔŋ 13:11

Yesu paala jɩŋ nɩɩ-la sɩɩ chɛ dɩ ʋ joŋu yallɛ nɛ. Ŋɩɩ nɛ tɩɩ ʋ bʋl dɩ ba kala tʋɔŋ dee bɩ pʋlla ŋɩɩ.

Jɔɔŋ 6:61

Ba bɩ wɩɩkala bʋla, ka Yesu jɩŋ arɩ ʋ harɩ-tooro-la ka gʋrɩmɛ wɩaa nɛ a tɩŋ wɩalɩŋ ʋ sɩ bʋla. Ŋɩɩ nɛ ʋ pɩɛsɛba, “Wɩɩŋ deeŋ leŋe ma na baanɩŋ nɛɛ?

Jɔɔŋ 6:64

Ama ma dɔnsʋŋ bɩ mɩ wɩaa laa dii.” Bumbuŋ kala Yesu fa jɩŋ nɩalɩŋ sɩ bɩ ʋ wɩaa laa dii nɛ arɩ nɩɩ-la sɩ jaŋ joŋu yallɛ.

MOSIS BƖRA WULLI WƖA WOMBIIŊ 31:21

Dɩ wʋlɔrʋnʋŋ arɩ wʋwalɩmaa nɛ jʋʋba, yɩɩlɩŋ deeŋ nɛ jaŋ liliisiba, bɛɛ wɩaa ba dɩ ba doho nɩaa kala bɩ jaŋ yʋ yɩɩl-la. Mɩ paala jɩŋ ba tʋɔbɩɩnaa kala nɛ aŋ-na kɛmba kaa kɔ tintee-la mɩ sɩ hɛ niiŋ dɩ mɩ joŋo pɩba.”