Jɔɔŋ 2:22 - WƖA TENIŊ

²² Bʋa-la lɛ ʋ sɩ sii sʋʋŋ lɛ nɛ ʋ harɩ-tooroo liise yi wɩɩ-la ʋ fa sɩ bʋla lɛ. Ŋɩɩ nɛ ba laa wɩalɩŋ ba fa sɩ ŋmʋnsa Wɩa teniŋ tʋɔŋ dii, a laa wɩalɩŋ ma Yesu sɩ bʋla dii.

Jɔɔŋ 2:22 ပူးပေါင်းရင်းမြစ်များ

WƖA YƖƖLAA 16:10

Mɩ nɛ ŋaa nɩɩ-la ŋ sɩ lɩɩsa, ŋ bɩ jaŋ leŋ dɩ mɩ ka bʋa tʋɔŋ, koo a mʋ lɛlɛɛ-jaŋ.

Luuk 24:26

Ma bɩ jɩŋ arɩ ʋ maga dɩ Nɩɩ-la Wɩa sɩ lɩɩsa, na hɛɛŋ nɛ aŋ-na jʋʋ ʋ kuorii-la tʋɔŋ a laa yɩrɩŋ?”

Luuk 24:44

Ŋɩɩ nɛ ʋ bʋla pɩba, “Mɩ fa sɩ hɛ ma teeŋ, mɩ bʋla pɩma arɩ wɩɩ-na kala ba fa sɩ ŋmʋnsa a tɩgɛ mɩ lɛ jaŋ kʋ ŋaa wʋtɩtɩɩ: Wɩalɩŋ Mosis fa sɩ ŋmʋnsa bil dɩ nɩaa tuto arɩ wɩalɩŋ Wɩa wʋlaabʋllaa fa sɩ ŋmʋnsa, arɩ Wɩa teniŋ sɛmɛ dɔŋɔ ba sɩɩ yɩrɛ Wɩa yɩɩlaa tʋɔŋ.”

Jɔɔŋ 12:16

Yesu harɩ-tooroo fa bɩ wɩɩ-la bʋbʋɔŋ jɩŋ, ama Yesu sɩ sʋba aŋ sii sʋʋŋ lɛ a laa yɩrɩŋ ŋɩɩ, bʋa-la lɛ nɛ ba liisi arɩ wɩalɩŋ ba sɩ ŋmʋnsa a tɩgɛ ʋ lɛ nɛ, ba sɛnɛ ŋaa ʋ lɛ ŋɩɩ.

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 16:4

Mɩ bʋl wɩaa deemba kala pɩpɩma dɩ bʋa-la nɛ kʋ yi dɩ wɩaa deemba ŋɩŋaa, ma jaŋ liisi arɩ mɩ bʋla pɩma. Mɩ dɩ ma kala fa sɩɩ to dɔŋɔ, ŋɩɩ nɛ tɩɩ mɩ bɩ wɩaa deemba bʋla pɩma.

Jɔɔŋ 2:11

Yesu sɩ ŋaa lɩɩŋ bɩrɩmɛ sɩnɩŋ Kena lɛ Galilii tinteeŋ nɛ ŋaa ʋ wʋmagɩl bumbuŋ ʋ sɩ ŋaa. Nɩmɛ nɛ ʋ dagɛ ŋɩɩ Wɩa doluŋ sɩ hɛ ʋ lɛ. Ʋ harɩ-tooroo sɩ na ŋɩɩ, ba laa ʋ wɩaa dii.

Jɔɔŋ 2:17

Ʋ harɩ-tooroo liisi wɩɩ-la ba sɩ ŋmʋnsa Wɩa teniŋ tʋɔŋ a bʋl, “Wɩa dɩa wɩaa ka diimi nɛ woruŋ a nagɛ nyiniŋ.”

Jɔɔŋ 2:2

Ba fa yɩrɛ Yesu arɩ ʋ harɩ-tooroo ma hajaarɩ gbiele-la leriŋ nɛ.

Tɩntɩŋŋaa 11:16

Ŋɩɩ nɛ mɩ liisi wɩɩ-la La Tɩɩna Yesu fa sɩ bʋla. Ʋ fa sɩ, ‘Jɔɔŋ sɩɩ fo nɩaa Wɩɩchʋɔlɛ lɩɩŋ, lɩɩŋ dʋndʋŋa nɛ ʋ kaa fo. Ama mɩ-na jaŋ joŋ mɩ Dɩŋ-zɔmʋŋ a hɛ ma lɛ.’

Tɩntɩŋŋaa 13:33

Lɛɛlɛ ʋ ŋaa wɩɩ-la pɩla nɛ, la nɩalɩŋ sɩ ŋaa ba doho nɩaa. Wɩa chɩsɛ Yesu sʋʋŋ lɛ nɛ ʋ kɛŋ mɩɩsɩŋ. Ba fa ŋmʋnsɛ ŋɩɩ nɛ Wɩa teniŋ sɛmɛ dɔŋɔ lɛ ba sɩɩ yɩrɛ Wɩa yɩɩlaa teniŋ tʋɔŋ. Ba ŋmʋnsa a tɩgɛ Yesu lɛ a bʋl, ‘Ŋ ŋaa mɩ Bii nɛ. Mɩ nɛ lʋlʋŋ jɩnɩŋ.’