Jɔɔŋ 2:21 - WƖA TENIŊ

²¹ Ama Yesu sɩ bʋl Wɩa dɩɩ-bal-la wɩaa ŋɩɩ, ʋ tɩtɩa yaraa wɩaa nɛ ʋ bʋbʋl ŋɩɩ.

Jɔɔŋ 2:21 ပူးပေါင်းရင်းမြစ်များ

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 2:22

Bʋa-la lɛ ʋ sɩ sii sʋʋŋ lɛ nɛ ʋ harɩ-tooroo liise yi wɩɩ-la ʋ fa sɩ bʋla lɛ. Ŋɩɩ nɛ ba laa wɩalɩŋ ba fa sɩ ŋmʋnsa Wɩa teniŋ tʋɔŋ dii, a laa wɩalɩŋ ma Yesu sɩ bʋla dii.

1 Kɔrɩntɩ Nɩaa 3:16

Ma bɩ jɩŋ arɩ ma ŋaa Wɩa dɩa nɛ Wɩa Dɩŋ-zɔŋ-la jʋjʋʋ?

1 Kɔrɩntɩ Nɩaa 6:19

Ma bɩ jɩŋ arɩ ma yaraa ŋaa Wɩa Dɩŋ-zɔŋ-la ʋ sɩ joŋo pɩma dɩa nɛɛ? Ma dee bɩ ma tɩtɩa tɩɩ. Wɩa nɛ tɩɩma.

2 Kɔrɩntɩ Nɩaa 6:16

La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

Koloosi Nɩaa 1:19

Wɩa cho dɩ Yesu nagɛ ʋ-na Wɩa nagɩsɩŋ kala nɛ.

Koloosi Nɩaa 2:9

Wɩa nagɩsɩŋ kala hɛ Yesu nuhuobiiŋ yara-la lɛ nɛ.

Hiburu TƖŊŊAA 8:2

Wɩa dɩ-zɔŋ-la lee-la sɩ chaasa zɔŋ lɛ nɛ ʋ hɛ a tɩtɩŋ. Wɩa dɩa tɩtɩa nɛ ŋɩɩ. Lee-la nuhuobiine dee bɩ saa. La Tɩɩna Wɩa nɛ saa.