Jɔɔŋ 2:11 - WƖA TENIŊ

¹¹ Yesu sɩ ŋaa lɩɩŋ bɩrɩmɛ sɩnɩŋ Kena lɛ Galilii tinteeŋ nɛ ŋaa ʋ wʋmagɩl bumbuŋ ʋ sɩ ŋaa. Nɩmɛ nɛ ʋ dagɛ ŋɩɩ Wɩa doluŋ sɩ hɛ ʋ lɛ. Ʋ harɩ-tooroo sɩ na ŋɩɩ, ba laa ʋ wɩaa dii.

Jɔɔŋ 2:11 ပူးပေါင်းရင်းမြစ်များ

1 KUOROO 17:24

Ŋɩɩ nɛ haal-la bʋla pɩ Ɩlaaja, “Mɩ jɩma lɛɛlɛ ŋ sɛnɛ ŋaa Wɩa tɩntɩnnʋ nɛ. Wɩalɩŋ kala ŋ sɩ bʋla sɛnɛ lɩɩ La TƖƖNA teeŋ nɛ.”

WƖA YƖƖLAA 72:19

Má dɛnnɛ ʋ yɩrɩ-balɩŋ a kaa mʋ wuu, a leŋ dɩ ʋ tʋla su dʋnɩa kala. Amɩɩ, Amɩɩ.

WƖA YƖƖLAA 96:3

Má heele bʋl ʋ ballɩŋ wɩaa arɩ tɩntɩŋ-duoru-la ʋ sɩ tɩma a pɩ tinteyee nɩaa kala.

MOSIS KƐŊ IZIRAL TƖŊŊAA LƖƖ 14:31

Iziral tɩŋŋaa sɩ na tɩntɩŋ-duoru-la La TƖƖNA sɩ tɩma Ijipiti tɩŋŋaa lɛ, ŋɩɩ nɛ nɩalɩŋ laa Wɩa arɩ ʋ tɩntɩnna Mosis wɩaa dii.

MOSIS KƐŊ IZIRAL TƖŊŊAA LƖƖ 4:9

Dɩ wʋmagɩlaa deemba balɩa nɛ ba bɩ laa dii koo a bɩ ŋ teeŋ jegile, ŋaa lɩɩŋ fuo-la ba sɩɩ yɩrɛ Naayɩl lɛ a bɩsa ta tintee-hɩlɩŋ lɛ, ʋ jaŋ bɩrɩmɛ chalɩŋ.”

TƖƖCHA 9:7

Ŋɩɩ wɩaa, dii kɩaa arɩ tʋɔtɔrʋŋ, a nyʋa kɩaa a nɩɩ sɩma, bɛɛ wɩaa Wɩa sɩ cho dɩ ŋ ŋaa wɩɩ-la nɛ ŋɩɩ lɛɛlɛ.

AZAAYA 40:5

Ŋɩɩ lɛ nɛ La TƖƖNA jaŋ dagɛ ʋ tʋla dɩ nuhuobiinee kala naʋ. La TƖƖNA tɩtɩa nɛ bʋla.”

MALAKAƖ 2:2

Dɩ ma nɛ bɩ jegile nɩɩ, a bɩ ma tʋɔŋ kɛnɛ dɩ ma zilmi, mɩ jaŋ joŋ ŋmɩaŋ hɛ ma lɛ a kɛŋ wʋzɔmɔ-la mɩ fa sɩ ŋaa pɩma kaa bɩrɩmɛ ŋmɩaŋ, dɩ ʋ dii ma kala. Wʋtɩtɩɩ, mɩ paala daŋa ŋmɩɛsa hɛ ma lɛ nɛ, bɛɛ wɩaa ma bɩ ma tʋɔŋ kɛnɛ dɩ ma zilmi.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 1:17

Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.

Jɔɔŋ 1:43

Ʋ taŋ sɩ pʋla, Yesu sii dɩ ʋ mʋ Galilii tinteeŋ. Ŋɩɩ nɛ ʋ na Fɩlɩp a bʋla pʋ, “Kʋ to mɩ harɩŋ.” Ŋɩɩ nɛ Fɩlɩp to ʋ harɩŋ.

Jɔɔŋ 1:50

Ŋɩɩ nɛ Yesu pɩɛsʋ, “Mɩ sɩ bʋla arɩ mɩ naŋ dɩ ŋ hɔŋ tutogo bʋbʋɔŋ nɛ tɩɩ, ŋ laa mɩ wɩaa dii koo? Ŋ jaŋ na wʋkpuŋkperisiŋ a kɩɩ ŋ-la.”

Jɔɔŋ 10:41

Nɩaa yʋga a kɔ ʋ teeŋ. Ba sɩ dɩ Jɔɔŋ fa bɩ wʋmagɩl kala ŋaa, ama wɩalɩŋ kala ʋ fa sɩ bʋla a tɩgɛ baala deeŋ lɛ ŋaa wʋtɩtɩɩ nɛ.

Jɔɔŋ 11:15

Yesu sɩ, “A tɩŋ ma wɩaa mɩ tʋɔŋ tɔrɔ arɩ bʋa-la lɛ Lazarɔs sɩ sʋba mɩ tuo lee-la. Ŋɩɩ lɛ nɛ ma jaŋ to a wuo laa mɩ wɩaa dii. Má leŋ dɩ la mʋ ʋ teeŋ.”

Jɔɔŋ 11:47

Ŋɩɩ nɛ Farisii tɩmma-la arɩ Wɩɩsʋllɩ sɩpaalaaraa kʋhɩasɩŋ arɩ nɩaa dɔnsʋŋ sɩ yie hilime vʋvʋʋrɛ wɩaa bʋl, “Bɛɛ nɛ la jaŋ ŋaa? Má na wʋmagɩla-la kala baala deeŋ sɩɩ ŋaa nɛ.

Jɔɔŋ 12:18

Nɩ-daŋ ma sɩ nɩa arɩ Yesu ŋaa wʋmagɩlɩŋ deeŋ, ba kala lɩɩ dɩ ba chemu.

Jɔɔŋ 12:37

Ʋ sɩ ŋaa wʋmagɩla-la kala ba na, arɩ ŋɩɩ kala, ba ha bɩ ʋ wɩaa laa dii.

Jɔɔŋ 12:41

Azaaya fa na ŋɩɩ Yesu fa sɩ jaŋ kɛŋ doluŋ nɛ, ŋɩɩ nɛ tɩɩ ʋ bʋl ŋɩɩ.

Jɔɔŋ 14:13

Kʋŋ na-kala ma sɩ pɩɛsa chɩchɛ mɩ yɩrɩŋ lɛ, mɩ jaŋ joŋo pɩma. Mɩ jaŋ ŋaa ŋɩɩ dɩ nɩaa wuo to mɩ lɛ a leŋ dɩ mɩ Nyɩmma yɩrɩŋ yɩrɛ.

Jɔɔŋ 16:27

bɛɛ wɩaa mɩ Nyɩmma tɩtɩa ma choma nɛ. Ma chomi nɛ a laa mɩ wɩaa dii arɩ mɩ lɩɩ ʋ teeŋ nɛ. Ŋɩɩ nɛ tɩɩ ʋ ma choma.

Jɔɔŋ 16:30

Lɛɛlɛ la jɩma dɩ ŋ jɩŋ wɩɩ-wɩɩkala nɛ, ŋ bɩ chɛ dɩ nʋʋkala pɩɛsɩŋ wɩɩkala. Wɩɩŋ deeŋ nɛ leŋe la jɩŋ arɩ ŋ lɩɩ Wɩa teeŋ nɛ.”

Jɔɔŋ 2:1

Tapʋlaa balɩa sɩ bala, baa chɛ dɩ ba gbieli hajaarɩ gbiele taŋ kʋbala lɛ baa yɩrɛ Kena, a hɛ Galilii tinteeŋ lɛ. Yesu naaŋ ma fa hɛ nɩmɛ.

Jɔɔŋ 2:23

Yesu fa sɩ hɛ Jerusalɛm lɛ, dɩɩsɩŋ kiele bal gbiele-la lɛ, nɩaa yʋga a laa ʋ wɩaa dii a tɩŋ ba sɩ na wʋmagɩla-la ʋ sɩɩ ŋaa.

Jɔɔŋ 3:2

Tɩtaŋ kʋbala ʋ sii kɔ Yesu teeŋ a bʋl, “Kʋhɩaŋ, la jɩma arɩ ŋ nɛ ŋaa Nɩɩ-la Wɩa sɩ ta dɩ ŋ dagɛ nɩaa. Nʋʋkala bɩ jaŋ wuo ŋaa wʋmagɩla-la ŋ sɩɩ ŋaa, see dɩ Wɩa pɛ tɩɩna lɛ.”

Jɔɔŋ 4:3

Yesu sɩ nɩa dɩ baa bʋl ŋɩɩ, ʋ sii lɩɩ Judiya tinteeŋ lɛ a mɩɩra mʋ Galilii tinteeŋ.

Jɔɔŋ 4:46

Yesu bɩra mɩɩra mʋ lee-la ba sɩɩ yɩrɛ Kena a hɛ Galilii tinteeŋ lɛ, lee-la ʋ fa sɩ kɛŋ lɩɩŋ bɩrɩmɛ sɩnɩŋ. Dɩ tɩntɩnnɩ-hɩaŋ kʋbala fa hɛ taŋ kʋbala lɛ baa yɩrɛ Kapɛnam, ʋ bie fa wʋwɩɩlɛ.

Jɔɔŋ 4:54

Wʋmagɩlɛ lɩamɩŋ nɛ ŋɩɩ Yesu fa sɩ ŋaa, ʋ sɩ bɩra lɩɩ Judiya kɔ Galilii tinteeŋ.

Jɔɔŋ 5:23

Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Jɔɔŋ 6:14

Nɩalɩŋ sɩ hɛ nɩmɛ a na Yesu sɩ ŋaa wʋmagɩlɩŋ deeŋ, ba bʋl, “Wʋtɩtɩɩ, baala deeŋ nɛ sɛnɛ ŋaa Wɩa wʋlaabʋllʋ-la ba sɩ sɩ ʋ jaŋ kɔ dʋnɩa.”

Jɔɔŋ 6:2

Nɩaa yʋga a tuto ʋ harɩŋ, bɛɛ wɩaa ba fa na ʋ sɩ ŋaa wʋmagɩla-la a vaarɛ nyanyal tɩŋŋaa nɛ.

Jɔɔŋ 6:26

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, maa chɛmɛ a tɩŋ boroboro-la ma sɩ dii vɔgɛ wɩaa nɛ, ama wʋmagɩla-la ma sɩ na dɩ mɩ ŋaa wɩaa dee.

Jɔɔŋ 6:30

Ŋɩɩ nɛ ba pɩɛsʋ, “Wʋmagɩl bɛɛ nɛ ŋ jaŋ ŋaa dɩ la na a laa ŋ wɩaa dii? Wʋbɛɛ nɛ ŋ jaŋ ŋaa?

Jɔɔŋ 7:31

Ama nɩaa yʋga nɩ-daŋ-la tʋɔŋ a laa ʋ wɩaa dii aa pɩɛsɛ, “Ma bɩɩna dɩ Kirisito, Nɩɩ-la Wɩa sɩ jaŋ lɩɩsɛ nɛ kɔ, ʋ jaŋ ŋaa wʋmagɩlaa kɩɩ baala deeŋ?”

Jɔɔŋ 9:16

Ŋɩɩ nɛ Farisii tɩŋŋaa dɔnsʋŋ bʋl, “Wɩa dee bɩ baala deeŋ tɩma, bɛɛ wɩaa ʋ bɩ la chɛ-wiesii-la kɩsɩŋ lɛ ka to.” Ŋɩɩ nɛ dɔnsʋŋ ma sɩ, “Ɛɛ nɛ nʋʋ sɩ ŋaa wʋbɔŋ ŋaarʋ jaŋ wuo ŋaa wʋmagɩlaa deemba?” Ŋɩɩ nɛ ba kpaa balɩa.

2 Kɔrɩntɩ Nɩaa 3:18

La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.

2 Kɔrɩntɩ Nɩaa 4:17

La teeŋ hɛɛ-la la sɩɩ na bɩ yʋgɛ aŋ bɩra bɩ jaŋ dieni maa. Hɛɛ-la dagɛla wombii-la la sɩ jaŋ to a laa yɩrɩŋ nɛ Wɩa teeŋ. Yɩrɩ-la jaŋ ŋaa yɩrɩ-bal. Yɩrɩ-bal-la la sɩ jaŋ laa jaŋ kɩɩ hɛɛ-la la sɩɩ na. La jaŋ kɛŋ yɩrɩ-balɩŋ deeŋ deeŋ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

MOSIS BƖRA WULLI WƖA WOMBIIŊ 5:24

a bʋl, “La TƖƖNA Wɩa kɛŋ ʋ doluŋ arɩ ʋ tʋla dagɛla nɛ, la nɩɩ ʋ yikoro ma nyiŋ-la tʋɔŋ. Jɩnɩŋ la jɩma arɩ Wɩa arɩ nuhuobiine jaŋ wuo bʋl wɩaa, ka dɩ tɩɩna ha kɛŋ mɩɩsɩŋ.

1 Jɔɔŋ 5:13

Mɩ ŋmʋnsɛ wɩɩŋ deeŋ pɩpɩma dɩ ma nɩalɩŋ sɩ laa Wɩa Bie wɩaa dii ma wuo jɩŋ arɩ ma kɛŋ mɩɩsɩ-la sɩ bɩ dɛrɛ nɛ.