Jɔɔŋ 19:9 - WƖA TENIŊ

⁹ Ŋɩɩ nɛ ʋ bɩra mɩɩra jʋʋ kuoru dɩa-la tʋɔŋ a pɩɛsɛ Yesu, “Nɩɩ nɛ ŋ lɩɩ?” Yesu bɩ wɩɩkala bʋla.

Jɔɔŋ 19:9 ပူးပေါင်းရင်းမြစ်များ

AZAAYA 53:7

Ba fa dɔgɩsʋ nɛ, ʋ na hɛɛŋ kɩŋkɛŋ, ama ʋ bɩ ʋ niiŋ suro. Ba fa kɛnʋ a nagɛ pie-bie nɛ a kaa mʋ dɩ ba kpʋ koo a nagɛ piese ba sɩɩ chɛ dɩ ba kɛ ʋ pʋna, ka ʋ tɔrɛ ʋ niiŋ, ʋ bɩ ʋ niiŋ suro.

Matiu 26:63

Yesu tɔrɛ ʋ niiŋ. Ŋɩɩ nɛ Wɩɩsʋllɩ sɩpaalaaraa kʋhɩaŋ bʋla pʋ, “Wɩa-la sɩ weye yɩrɩŋ lɛ, bʋla pɩla, ŋ nɛ ŋaa Kirisito, nɩɩ-la Wɩa sɩ lɩɩsaa? Ŋ nɛ Wɩa Biee?”

Matiu 27:27

Ŋɩɩ nɛ Paalɩt laalɩyuoroo dɔnsʋŋ kɛŋ Yesu kaa jʋʋ Paalɩt kaala tʋɔŋ. Laalɩyuoro-la kʋkaanaa kala ma kʋ pɛ ba lɛ a hilimi.

Luuk 23:9

Ŋɩɩ nɛ Hɛrɔd pɩɛsɛ Yesu wɩaa yʋgɛ, ama ʋ bɩ wɩɩ bʋla.

Jɔɔŋ 18:28

Chʋchʋɔ-fɩɛla ba kɛŋ Yesu lɩɩ Kayafas dɩa lɛ, a kɛnʋ kaa mʋ baal kʋbala dɩa baa yɩrɛ Paalɩt. Paalɩt nɛ fa hɔŋ Rom kuoru-balɩŋ nyuŋ lee-la. Juu tɩŋŋaa bɩ to jʋʋ. Ba bɩ chɛ dɩ ba ŋaa disiniŋ a chei ba kɩsɩŋ lɛ, aŋ wuo dii dɩɩsɩŋ kiele bal gbiele-la kʋdiilee.

Jɔɔŋ 18:33

Paalɩt mɩɩra jʋʋ dɩa aŋ yɩrɛ Yesu a pɩɛsʋ, “Ŋ nɛ ŋaa Juu tɩŋŋaa kuoroo?”

Jɔɔŋ 18:34

Ŋɩɩ nɛ Yesu pɩɛsʋ, “Ŋ tɩtɩa nɛ bʋl wɩɩŋ deeŋ koo nʋʋ nɛ bʋl ŋɩɩ pɩŋ a tɩgɛ mɩ lɛ?”

Jɔɔŋ 18:37

Ŋɩɩ nɛ Paalɩt pɩɛsʋ, “Ŋ saa ŋaa kuoru nɛ koo?” Ŋɩɩ nɛ Yesu bʋl, “Wɩɩ-la ŋ sɩ bʋla ŋaa wʋtɩtɩɩ nɛ. Ba paala lʋlmɛ dɩ mɩ ŋaa kuoru nɛ. Mɩ kʋ tuu dʋnɩa dɩ mɩ dagɛ nɩaa dɩ ba jɩŋ wʋtɩtɩɩ nɛ. Nɩɩ-la kala sɩ cho dɩ ʋ jɩŋ wʋtɩtɩɩ yie jegile nɩɩ mɩ teeŋ nɛ.”

Jɔɔŋ 19:10

Ŋɩɩ nɛ Paalɩt pɩɛsʋ, “Ŋ tɔrɛ ŋ niiŋ nɛɛ? Ŋ bɩ jɩŋ mɩ kɛŋ doluŋ dɩ mɩ joŋuŋ ta, a bɩra kɛŋ doluŋ dɩ mɩ leŋ dɩ ba kpaasɩŋ daagɛsɛ nyuŋ?”

Jɔɔŋ 19:8

Fawʋllʋŋ fa paala kɛŋ Paalɩt nɛ. Ʋ sɩ nɩa arɩ ba bʋl ŋɩɩ, fawʋllʋŋ wasa kɛnʋ.

Jɔɔŋ 8:14

Ŋɩɩ nɛ Yesu bʋla pɩba, “Dɩ mɩ tɩtɩa nɛ ŋaa mɩ pɛ-naara ma, wɩɩ-la mɩ sɩ bʋla ŋaa wʋtɩtɩɩ nɛ, bɛɛ wɩaa mɩ jɩŋ lee-la mɩ sɩ lɩa nɛ, a jɩŋ lee-la mɩ sɩ jaŋ mʋ. Ama ma-na bɩ lee-la mɩ sɩ lɩa jɩŋ, a bɩra bɩ lee-la mɩ sɩ jaŋ mʋ ma jɩŋ.

Fɩlɩpa Nɩaa 1:28

Má sɩ́ leŋe dɩ fawʋllʋŋ kɛmma a mʋ tɩgɛ ma dʋndɔŋŋɔɔ lɛ. Ma kɛŋ nyuduoŋ bʋa na-kala ŋɩɩ jaŋ leŋ dɩ ba chaasa jɩŋ arɩ ba jaŋ lɛl, ama Wɩa jaŋ laa ma-na ta.

SƖPAALAARAA 13:6

Ŋɩɩ nɛ haal-la mʋ bʋla pɩ ʋ bala, “Wɩa nʋʋ kʋbala nɛ kɔ mɩ teeŋ. Ʋ nagɛ Wɩa tɩndaarʋ nɛ, ʋ nagɩsɩŋ kɛŋ fawʋllʋŋ woruŋ. Mɩ bɩ ʋ pɩɛsa-na lee-la ʋ sɩ lɩa, ʋ ma bɩ ʋ yɩrɩŋ daga pɩmɛ.