Jɔɔŋ 19:6 - WƖA TENIŊ

⁶ Wɩɩsʋllɩ sɩpaalaaraa kʋhɩasɩŋ arɩ nɩalɩŋ sɩɩ pɔ Wɩa dɩɩ-balɩŋ sɩ naʋ, ba kpɩa goŋ a bʋl, “Leŋ dɩ ba kpaasʋ daagɛsɛ nyuŋ, leŋ dɩ ba kpaasʋ daagɛsɛ nyuŋ.” Ŋɩɩ nɛ Paalɩt bʋla pɩba, “Má tɩtɩa kɛnʋ kpaasɛ daagɛsɛ nyuŋ. Mɩ-na bɩ wɩɩ-la ʋ sɩ cheye na.”

Jɔɔŋ 19:6 ပူးပေါင်းရင်းမြစ်များ

Matiu 26:58

Pɩɩta daa tuto ba harɩŋ a to jʋʋ Wɩɩsʋllɩ sɩpaalaaraa kʋhɩaŋ kaala. Ʋ jʋʋ kaala-la a mʋ hɔŋ nɩalɩŋ sɩɩ pɔ kaala-la teeŋ dɩ ʋ na wɩɩ-la sɩ jaŋ ŋaa Yesu lɛ.

Matiu 27:22

Ŋɩɩ nɛ Paalɩt pɩɛsɛ nɩalɩŋ, “Aŋ ka Yesu ba sɩɩ yɩrɛ Kirisito, bɛɛ nɛ ma sɩ mɩ ŋaa ʋ lɛ?” Ba kala bʋl, “Leŋ dɩ ba kpaasʋ mɛrɛ daagɛsɛ nyuŋ.”

Matiu 27:24

Ŋɩɩ nɛ Paalɩt na arɩ goŋ-la yʋga kɩŋkɛŋ, arɩ yuosuŋ jaŋ jʋʋ. Ŋɩɩ wɩaa ʋ bɩ wɩɩkala wuo ŋaa. Dɩ lɩɩŋ chɩŋ ʋ sɛmɛ, ʋ ŋaa a sɔŋ ʋ nɩsaa nɩalɩŋ sɩpaaŋ aŋ bʋl, “Mɩ nɩsɩŋ tuo baala deeŋ sʋʋŋ lɛ. Ʋ hɛ ma teeŋ.”

Luuk 23:4

Ŋɩɩ nɛ Paalɩt bʋla pɩ Wɩɩsʋllɩ sɩpaalaaraa kʋhɩasɩŋ arɩ nɩ-daŋ-la kala sɩ hilime, “Mɩ bɩ wɩɩ-la baala deeŋ sɩ ŋaa chei na a magɛ dɩ ba kpʋʋ.”

Jɔɔŋ 18:3

Ŋɩɩ nɛ Judas kɛŋ laalɩyuoroo dɔnsʋŋ arɩ nɩalɩŋ sɩɩ pɔ Wɩa dɩɩ-balɩŋ, Wɩɩsʋllɩ sɩpaalaaraa kʋhɩasɩŋ arɩ Farisii tɩŋŋaa dɩ ba mʋ kɛŋ Yesu. Ba mʋ lee-la Yesu sɩ hɛ. Ba fa kori chaanaa, kapɩlaa arɩ nyiniŋ arɩ ba ba-kɩaa nɛ.

Jɔɔŋ 18:31

Ŋɩɩ nɛ Paalɩt bʋla pɩba, “Má kɛnʋ kaa mʋ to ma tɩtɩa wombiiŋ lɛ a dii ʋ sarɩya.” Ŋɩɩ nɛ ba bʋla pʋ, “La bɩ wombiiŋ kɛnɛ dɩ la kpʋ nʋʋkala.”

Jɔɔŋ 18:38

Ŋɩɩ nɛ Paalɩt pɩɛsʋ, “Wʋtɩtɩɩ nɛ bɛɛ?” Ŋɩɩ nɛ Paalɩt mɩɩra lɩɩ dɩ-jalɩŋ Juu tɩmma-la teeŋ a bʋla pɩba, “Mɩ bɩ wɩɩ-la baala deeŋ sɩ cheye na.

Jɔɔŋ 19:15

Ŋɩɩ nɛ ba faasa kpɩa goŋ a bʋl, “Leŋ dɩ ba kɛnʋ kaa mʋ kpaasɛ daagɛsɛ nyuŋ.” Ŋɩɩ nɛ Paalɩt pɩɛsɛba, “Maa chɛ dɩ mɩ kpaasɛ ma kuoro daagɛsɛ nyuŋ nɛɛ?” Ŋɩɩ nɛ Wɩɩsʋllɩ sɩpaalaaraa kʋhɩasɩŋ bʋl, “La bɩ kuoru kala kɛnɛ a pɛ Siiza lɛ.”

Jɔɔŋ 19:4

Ŋɩɩ nɛ Paalɩt bɩra mɩɩra lɩɩ nɩalɩŋ teeŋ a bʋla pɩba, “Má bee na, mɩ kɛnʋ kaa kʋʋ lɩɩ ma teeŋ nɛ dɩ ma jɩŋ arɩ mɩ-na bɩ wɩɩkala na ʋ sɩ ŋaa chei.”

Tɩntɩŋŋaa 2:23

Wɩa jɩma nɛ aŋ leŋ Yesu jʋʋ ma nɩsɩŋ. Ma nɛ leŋe wʋbɔŋ ŋaaraa kpaasʋ mɛrɛ daagɛsɛ nyuŋ ʋ sʋʋ.

Tɩntɩŋŋaa 7:52

Wɩa wʋlaabʋllaa kʋŋkala tuo ma naabalɩmaba sɩ bɩ naasɩŋ to dɔgɩsɛ. Ba fa paala kpʋ nɩalɩŋ sɩ laa sɩpaaŋ bʋl dɩ Wɩa tʋɔpʋl Tɩɩna jaŋ kɔ nɛ. Ʋ nɛ lɛɛlɛ ma joŋo yallɛ ba kpʋ ŋɩɩ.