Jɔɔŋ 19:30 - WƖA TENIŊ

³⁰ Ŋɩɩ nɛ Yesu nyʋa sɩŋ-la aŋ bʋl, “Wɩɩkala dɛrɛ nɛ,” aŋ kɛŋ ʋ nyuŋ chugili a sʋʋ.

Jɔɔŋ 19:30 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

WƖA YƖƖLAA 22:15

Mɩ doluŋ kala nɛ dɛrɛ a nagɛ pupoiŋ sɩ yɛrɛ. Mɩ nandelimiŋ ma hɩl a mɛrɛ mɩ tilimiŋ lɛ. Ŋ-na Wɩa nɛ lemmi ta dɩ mɩ sʋʋ kʋŋkɔlʋŋ lɛ.

AZAAYA 53:10

La TƖƖNA chonuŋ lɛ nɛ ʋ dɔgɩsʋ, a leŋ ʋ na hɛɛŋ. Ʋ sʋʋŋ ŋaa Wɩɩsʋlɩɩ nɛ sɩ leŋe La TƖƖNA joŋ la wʋbɔŋŋɔɔ chɛ la. Ʋ mɩɩsɩŋ jaŋ duomi. Ʋ jaŋ na ʋ doho nɩaa. Ʋ lɛ nɛ La TƖƖNA jaŋ to a ŋaa wɩalɩŋ kala ʋ sɩ cho.

AZAAYA 53:12

Ŋɩɩ wɩaa, mɩ jaŋ pʋʋ dɩhɔnʋŋ nɩbalaa tʋɔŋ, ʋ jaŋ laa yɩrɩŋ aŋ kɛŋ doluŋ ma. Bɛɛ wɩaa ʋ joŋ ʋ mɩɩsɩŋ ta nɛ a sʋʋ, a nagɛ ʋ ma ŋaa nɩbɔŋ nɛ. Ʋ nɛ laa nɩaa wʋbɔŋŋɔɔ kala chʋŋ a na hɛɛŋ, aŋ sʋl Wɩa dɩ ʋ joŋo chɛba.

DANƖƐL 9:24

Jɩsɩŋ zɔɔ-banɛsɛ arɩ mahɩŋ banɛsɛ arɩ fii nɛ Wɩa lɩɩsɛ dɩ ʋ kaa ŋaa dɩ ŋ nɩaa arɩ tabal-la sɩ bɩ disiniŋ kɛnɛ wʋbɔŋŋɔɔ dɛrɛ, a giri nɩbɔŋ wɩaa ta, aŋ leŋ dɩ ba kɛŋ tʋɔpʋla deeŋ deeŋ a kaa kɔ tapʋlɩɩ-la Wɩa sɩ jaŋ lɩɩsɛ ʋ dɩɩ-bal-la sɩ chaasa zɔŋ a bɩ disiniŋ kɛnɛ, a leŋ dɩ wɩalɩŋ ŋ sɩ na duosoo tʋɔŋ arɩ wɩalɩŋ ba sɩ bʋla Wɩa doluŋ lɛ kʋ ŋaa wʋtɩtɩɩ.

DANƖƐL 9:26

Jɩsɩŋ zɔɔ-banɛsɛ arɩ mahɩŋ banɛsɛ arɩ batori-la harɩŋ lɛ, ba jaŋ kpʋ sɩpaalaarʋ-la ba sɩ lɩɩsa arɩ ʋ kʋŋkala ta. Sɩpaalaara dɔŋɔ ma arɩ ʋ laalɩyuoroo jaŋ kʋ lɩɩ a chei tabal-la arɩ Wɩa dɩɩ-balɩŋ, a nagɛ lɩɩŋ sɩ pɛllɛ paa nɩaa. Laalɩŋ arɩ leriŋ cheyiŋ ha jaŋ hɛ nɩmɛ a kaa mʋ dɩdɛrɩŋ arɩ ŋɩɩ Wɩa sɩ daga.

ZƐKARƖYA 13:7

La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

Matiu 20:28

Mɩ-na Nuhuobiine Bie, mɩ bɩ kɔ dɩ mɩ chɛ nɩaa dɩ ba tɩma pɩmɛ, mɩ kɔ dɩ mɩ tɩma pɩba nɛ a sʋʋ a laa nɩ-daŋ mɩɩsɩŋ pɩba.”

Matiu 27:50

Ŋɩɩ nɛ Yesu faasa yel aŋ wiesi ʋ wiesi katɩɩ.

Matiu 3:15

Ŋɩɩ nɛ Yesu bʋl, “Ŋaa ŋɩɩ mɩ sɩ bʋla pɩŋ. Ŋ-la nɛ la jaŋ wuo to a ŋaa wɩɩ-la kala Wɩa sɩ cho.” Ŋɩɩ nɛ Jɔɔŋ sɛɩ a fou Wɩɩchʋɔlɛ lɩɩŋ.

Maak 15:37

Ŋɩɩ nɛ Yesu faasa ŋmoo niiŋ, aŋ wiesi ʋ wiesi katɩɩ.

Luuk 22:37

Ŋɩɩ nɛ ba ŋmʋnsɛ Wɩa teniŋ tʋɔŋ. Ba bʋla arɩ ba jaŋ kɛnʋ pɛ wʋbɔŋ ŋɩŋaaraa lɛ. Wɩaa deemba ba ŋmʋnsa a tɩgɛ mɩ lɛ nɛ. Ba kala jaŋ ŋaa mɩ lɛ, bɛɛ wɩaa wɩalɩŋ kala ba sɩ ŋmʋnsa a tɩgɛ mɩ lɛ, ba kala jaŋ sɛnɛ ŋaa a dɛrɛ.”

Luuk 23:46

Ŋɩɩ nɛ ka Yesu faasa yɩrɛ a bʋl, “Mɩ Nyɩmma, mɩ joŋ mɩ tɩtɩa a hɛ ŋ nɩsɩŋ lɛ.” Ʋ bʋl ŋɩɩ nɛ aŋ wiesi ʋ wiesi katɩɩ aŋ sʋʋ.

Jɔɔŋ 10:11

Yesu bɩra bʋl, “Mɩ nɛ ŋaa pie-daarɩ-zɔmʋŋ. Pie-daarɩ-zɔmʋŋ yie joŋ ʋ mɩɩsɩŋ yɔɔ sʋʋŋ nɛ ʋ piesee wɩaa.

Jɔɔŋ 10:18

Nʋʋkala dee bɩ leŋe mɩ joŋ mɩ mɩɩsɩŋ yɔɔ sʋʋŋ, mɩ tɩtɩa tʋɔtɔrʋŋ lɛ nɛ. Mɩ kɛŋ doluŋ dɩ mɩ joŋ mɩ mɩɩsɩŋ a yɔɔ sʋʋŋ, a bɩra kɛŋ doluŋ dɩ mɩ laa mɩ mɩɩsɩŋ ma. Wɩɩ-la mɩ Nyɩmma sɩ sɩ mɩ ŋaa nɛ ŋɩɩ.”

Jɔɔŋ 17:4

Mɩ leŋe ŋ laa yɩrɩŋ nɛ tinteeŋ deeŋ lɛ. Mɩ tɩŋ tɩntɩmɩɩ-la dɛrɛ nɛ, tɩntɩmɩɩ-la ŋ sɩ joŋo pɩmɛ dɩ mɩ tɩŋ.

Jɔɔŋ 19:28

Yesu jɩma arɩ lɛɛlɛ wɩɩwɩɩ kala dɛrɛ nɛ, ka dɩ ʋ wuo leŋ dɩ wɩalɩŋ ba sɩ ŋmʋnsa Wɩa teniŋ tʋɔŋ, dɩ ba kʋ ŋaa wʋtɩtɩɩ. Ŋɩɩ nɛ ʋ bʋl, “Lɩɩ-nyʋasʋŋ nɛ kɛmmɛ.”

Jɔɔŋ 4:34

Yesu bʋla pɩba, “Mɩ kʋdiilee nɛ dɩ mɩ to nɩɩ-la sɩ tɩmmɛ niiŋ, a tɩŋ tɩntɩmɩɩ-la ʋ sɩ pɩmɛ dɛrɛ.

Rom Tɩŋŋaa 10:4

Kirisito nɛ ŋaa wɩalɩŋ kala Mosis fa sɩ ŋmʋnsa bil dɩ nɩaa tuto dɩdɛrɩŋ. Nɩɩ-la kala sɩ laa ʋ wɩaa dii jaŋ kɛŋ tʋɔpʋla Wɩa sɩpaaŋ.

Rom Tɩŋŋaa 3:25

Wɩa leŋe Yesu Kirisito sʋʋ nɛ a joŋ ʋ chalɩŋ jaasɛ la wʋbɔŋŋɔɔ wɩaa, dɩ nɩɩ-la kala sɩ laa Yesu wɩaa dii, Wɩa jaŋ joŋ ʋ wʋbɔŋŋɔɔ chɛʋ. Wɩa ŋaa ŋɩɩ a dagɛ arɩ ʋ kɛŋ wʋtɩtɩɩ nɛ. Faafaa ʋ kɛŋ kenyiri nɛ, a bee kieli nuhuobiinee wʋbɔŋŋɔɔ a bɩ ba dɔgʋsɔ.

1 Kɔrɩntɩ Nɩaa 5:7

Má joŋ sɩ-bʋrʋ-bɩnɩɩ-la sɩ ŋaa wʋbɔŋ a ta. Dɩ ma nɛ ŋaa ŋɩɩ, ma jaŋ wuo ŋaa tʋɔpʋl tɩmma, a wuo nagɛ boroboro muŋ-falɩɩ-la ba ha sɩ bɩ sɩbʋrʋŋ hɛ. Ma saa jɩma arɩ ma bɩ wʋbɔŋ kɛnɛ. La kɛŋ la tɩtɩa hɛ dɔŋɔ dɩ la gbieli dɩɩsɩŋ kiele bal gbiele-la nɛ. Kirisito nɛ ŋaa Pie-bie-la ba sɩ kpʋa dɩ la kaa dii la dɩɩsɩŋ kiele bal gbiele-la.

Fɩlɩpa Nɩaa 2:8

Ʋ kɛŋ ʋ tɩtɩa muuri nɛ, a to Wɩa niiŋ a mʋ yi bʋa-la lɛ ʋ sɩ sʋba. Ba paala kpaasʋ mɛrɛ daagɛsɛ nyuŋ nɛ ʋ sʋʋ.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

Hiburu TƖŊŊAA 9:22

Wʋtɩtɩɩ, wɩalɩŋ Mosis sɩ ŋmʋnsa bil dɩ nɩaa tuto tʋɔŋ, chalɩŋ nɛ ba yie kaa pɩɩsɛ kɩaa jesiŋ kala disiniŋ ta. Dɩ ba nɛ bɩ kʋŋ chalɩŋ lɩɩsa, Wɩa bɩ jaŋ wuo joŋ nʋʋkala wʋbɔŋŋɔɔ a chɛʋ.