Jɔɔŋ 19:11 - WƖA TENIŊ

¹¹ Ŋɩɩ nɛ Yesu bʋla pʋ, “Dɩ Wɩa nɛ fa bɩŋ doluŋ pa, ŋ fa bɩ jaŋ kɛŋ dol kala mɩ lɛ. Ama nɩɩ-la sɩ jommi hɛ ŋ nɩsɩŋ lɛ nɛ kɛŋ cheeriŋ a kɩɩŋ, ʋ wʋbɔmʋŋ nɛ bɩ magɩa kɛnɛ.”

Jɔɔŋ 19:11 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:11

La TƖƖNA, ŋ nɛ yʋga kɩɩ kʋŋkala, a kɛŋ doluŋ, arɩ tʋla arɩ yɩrɩŋ. Ŋ nɛ tɩɩ kʋŋkala sɩ hɛ tinteeŋ arɩ wɩa-nyuŋ, La TƖƖNA, ŋ nɛ kuoro. Ŋ nɛ kɩɩ kʋŋkala.

WƖA YƖƖLAA 39:9

Mɩ tɔrɛ mɩ niiŋ nɛ, mɩ bɩ wɩɩ bʋla, bɛɛ wɩaa ŋ nɛ ŋaa mɩɩ na hɛɛŋ deeŋ.

WƖA YƖƖLAA 62:11

Wɩa bʋl wʋbala nɛ ka mɩ nɩɩ wɩaa balɩa: Ʋ sɩ doluŋ kala ŋaa ʋ-na Wɩa kʋŋ nɛ,

JEMBIEE 3:37

Kʋbɛɛ nɛ jaŋ wuo bʋl wɩɩ, aŋ leŋ dɩ wɩɩ-la ŋaa dɩ La TƖƖNA bɩ wombiiŋ pa?

DANƖƐL 4:17

Wɩɩ-la Wɩa tɩndaaraa sɩ heele bʋl nɛ ŋɩɩ, dɩ nɩalɩŋ sɩ kɛŋ mɩɩsɩŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, a jaŋ wuo jomba pɩ nɩɩ-la kala ʋ sɩ cho dɩ ʋ bibeŋ. Ʋ jaŋ wuo paala jomba pɩ nɩbiisiŋ dɩ ba bibeŋ.’

DANƖƐL 4:25

Ba jaŋ kiriŋ dɩ ŋ lɩɩ nɩaa tʋɔŋ a mʋ guoli baga kɩaa tʋɔŋ. Ŋ jaŋ dii yaŋ a nagɛ nɛŋ, dɩ nyalɩŋ nyala hɛ ŋ lɛ jɩsɩŋ balɩpɛ. Ŋɩɩ nɛ ŋ jaŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, ʋ jaŋ wuo joŋo pɩ nɩɩ-la kala ʋ sɩ cho.

DANƖƐL 4:32

Mɩ jaŋ kiriŋ dɩ ŋ lɩɩ nɩaa tʋɔŋ a mʋ guoli baga kɩaa tʋɔŋ. Ŋ jaŋ dii yaŋ a nagɛ nɛŋ jɩsɩŋ balɩpɛ. Ŋɩɩ nɛ ŋ jaŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ. Ʋ jaŋ wuo joŋo pɩ nɩɩ-la kala ʋ sɩ cho.”

DANƖƐL 4:35

Dʋnɩa nɩaa kala bɩ kɩa ŋaa ʋ sɩpaaŋ. Ʋ nɛ kɛŋ doluŋ dɩ ʋ ŋaa wɩɩ-la kala ʋ sɩɩ chɛ Wɩa tɩndaaraa arɩ nuhuobiinee kala lɛ. Nʋʋkala bɩ jaŋ wuo pɔ dɩ ʋ sɩ́ wɩɩ ŋaa koo a pɩɛsʋ: Wʋbɛɛ nɛ ŋ ŋaa ŋ-la?

DANƖƐL 5:21

Ba kiru ta, ʋ lɩɩ nɩaa tʋɔŋ, ʋ tʋɔbɩɩnaa nagɛ pʋna kɩaa, ʋ guoli kosuŋ tʋɔŋ a dii yaŋ a nagɛ nɛŋ. Nyalɩŋ nyala hɛ ʋ lɛ halɩɩ, a mʋ yi bʋa-la lɛ ʋ sɩ kʋ jɩŋ, dɩ Wɩa sɩ kɩɩ kʋŋkala nɛ kɛŋ doluŋ nuhuobiinee kuoruŋ nyuŋ, a jaŋ wuo jomba pɩ nɩɩ-la kala ʋ sɩ cho.

Matiu 26:65

Yesu sɩ bʋl ŋɩɩ, Wɩɩsʋllɩ sɩpaalaaraa kʋhɩaŋ kɛŋ ʋ gɛnnɩŋ kɩɛsɛ aŋ bʋl, “Ŋ chei Wɩa yɩrɩŋ. Ʋ bɩ maga dɩ la bɩra chɛ dansɩaba. Ma kala bɩ nɩa ʋ sɩ chei Wɩa yɩrɩŋ ŋɩɩ?

Matiu 27:2

Ba kɛnʋ vɔɔ a kaa mʋ Paalɩt teeŋ. Ʋ nɛ fa hɔŋ Rom kuoru-balɩŋ nyuŋ Judiya tinteeŋ lɛ.

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Maak 14:44

Zɛmbɛ tɩɩna-la fa pɩ nɩalɩŋ magɩl nɛ, “Nɩɩ-la mɩ sɩ mʋ guori, ʋ nɛ ŋɩɩ. Má kɛnʋ.”

Luuk 22:53

Mɩ dɩ ma kala nɛ fa hɛ Wɩa dɩɩ-bal-la lɛ tapʋlɩɩ kala, aŋ ka ma bɩ walɩma dɩ ma kɛmmɛ nɩmɛ. Ama bʋa deeŋ lɛ nɛ birimiŋ tɩɩna Sɩtaanɩ pɩma doluŋ ma wuo kɔ dɩ ma kɛmmɛ.”

Jɔɔŋ 18:13

Ba laa sɩpaaŋ kɛnʋ kaa mʋ Anas teeŋ nɛ. Anas nɛ fa ŋaa Kayafas hɩɩlɩ-baala. Jɩna-la Kayafas nɛ fa ŋaa Wɩɩsʋllɩ sɩpaalaaraa kʋhɩaŋ.

Jɔɔŋ 18:3

Ŋɩɩ nɛ Judas kɛŋ laalɩyuoroo dɔnsʋŋ arɩ nɩalɩŋ sɩɩ pɔ Wɩa dɩɩ-balɩŋ, Wɩɩsʋllɩ sɩpaalaaraa kʋhɩasɩŋ arɩ Farisii tɩŋŋaa dɩ ba mʋ kɛŋ Yesu. Ba mʋ lee-la Yesu sɩ hɛ. Ba fa kori chaanaa, kapɩlaa arɩ nyiniŋ arɩ ba ba-kɩaa nɛ.

Jɔɔŋ 19:10

Ŋɩɩ nɛ Paalɩt pɩɛsʋ, “Ŋ tɔrɛ ŋ niiŋ nɛɛ? Ŋ bɩ jɩŋ mɩ kɛŋ doluŋ dɩ mɩ joŋuŋ ta, a bɩra kɛŋ doluŋ dɩ mɩ leŋ dɩ ba kpaasɩŋ daagɛsɛ nyuŋ?”

Jɔɔŋ 3:27

Ŋɩɩ nɛ Jɔɔŋ bʋl, “Nʋʋkala bɩ jaŋ wuo kɛŋ kʋŋkala, see dɩ Wɩa joŋo pʋ.

Jɔɔŋ 7:30

Ŋɩɩ nɛ ba chɩchɛ dɩ ba kɛnʋ, ama nʋʋkala nɩsɩŋ bɩ ʋ dige, bɛɛ wɩaa bʋa-la lɛ ʋ sɩ jaŋ sʋʋ ha bɩ yie.

Jɔɔŋ 9:41

Ŋɩɩ nɛ Yesu bʋla pɩba, “Dɩ ma nɛ fa nyʋlɩma a bɩ wʋtɩtɩɩ jɩŋ, ma fa bɩ wɩɩkala cheye. Ama lɛɛlɛ ma sɩ folo bʋl dɩ maa na nɛ a jɩŋ wʋtɩtɩɩ ŋ-la, ŋɩɩ-na ma cheeriŋ ha hɛ ma lɛ nɛ.”

Tɩntɩŋŋaa 2:23

Wɩa jɩma nɛ aŋ leŋ Yesu jʋʋ ma nɩsɩŋ. Ma nɛ leŋe wʋbɔŋ ŋaaraa kpaasʋ mɛrɛ daagɛsɛ nyuŋ ʋ sʋʋ.

Tɩntɩŋŋaa 3:13

Wɩa-la sɩ ŋaa la naabalɩmaba Abɩraham arɩ Aɩzɩk arɩ Jekɔb Wɩa, ʋ nɛ joŋ yɩrɩ-balɩŋ a pɩ ʋ Bie Yesu. Ʋ nɛ ma kaa pa ba dii ʋ sarɩya, aŋ bʋl ma bɩ ʋ jɩŋ Paalɩt sarɩya diire-la sɩpaaŋ. Ʋ faa bɩɩnɛ dɩ ʋ joŋu ta, ka ma bɩ sɛyɛ.

Tɩntɩŋŋaa 4:28

Ba hilime ŋaa wɩalɩŋ kala ŋ sɩ paala jɩŋ ŋ doluŋ arɩ ŋ tʋɔbɩɩnaa lɛ arɩ ba jaŋ ŋaa nɛ.

Rom Tɩŋŋaa 11:36

Bɛɛ wɩaa Wɩa nɛ ŋaa kʋŋkala. Ʋ doluŋ lɛ nɛ kʋŋkala ma hɛ nɩmɛ. Ʋ nɛ tɩɩ kʋŋkala. Má leŋ dɩ Wɩa yɩrɩŋ yɩrɛ a kaa mʋ wuu. Amɩɩ.

Rom Tɩŋŋaa 13:1

Nʋʋkala maga dɩ ʋ tuto ʋ tinteeŋ nɩhɩasɩŋ niiŋ nɛ. Nʋʋkala bɩ tinteeŋ wuo beŋ, see dɩ Wɩa lɩɩsʋ a pʋ doluŋ. Nɩalɩŋ sɩɩ beŋ ma tinteeŋ ŋaa Wɩa nɛ lɩɩsɛba.

Jeems 1:17

Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.

Jeems 4:17

Dɩ nʋʋ nɛ jɩŋ wʋzɔmʋŋ sɩ maga dɩ ʋ ŋaa, ka ʋ vɩa dɩ ʋ ŋaa wɩɩ-la, ŋɩɩ ŋaa wʋbɔŋ nɛ.