Jɔɔŋ 18:8 - WƖA TENIŊ

⁸ Yesu bʋla pɩba, “Mɩ laa sɩpaaŋ bʋla pɩma arɩ mɩ nɛ ŋ-la. Dɩ ma nɩɩ chɛmɛ, má leŋ mɩ harɩ-tooroo deemba-na viiri.”

Jɔɔŋ 18:8 ပူးပေါင်းရင်းမြစ်များ

AZAAYA 53:6

La kala nagɛ piesee sɩ yeŋŋe nɛ, la kʋŋkala joŋ ʋ tɩtɩa wombiiŋ. Hɛɛ-la la kala fa sɩ jaŋ na a tɩŋ la wʋbɔŋŋɔɔ wɩaa, La TƖƖNA mɩɩra joŋo daŋ ʋ lɛ nɛ.

Matiu 26:56

Ama wɩɩŋ deeŋ kala ŋaa dɩ wɩalɩŋ Wɩa wʋlaabʋllaa sɩ ŋmʋnsa kʋ ŋaa wʋtɩtɩɩ nɛ.” Ŋɩɩ nɛ Yesu harɩ-tooro-la kala vɩaʋ aŋ fá.

Jɔɔŋ 10:28

Ŋɩɩ nɛ mɩ pɩba mɩɩsɩ-la sɩ bɩ dɛrɛ, ba bɩ jaŋ kɔ dɩ ba sʋba. Nʋʋ ma saa bɩ jaŋ wuo kɛmba kaa laa mɩ nɩsɩŋ lɛ da.

Jɔɔŋ 13:1

Ʋ fa ka tapʋl-bala nɛ, ka dɩ Juu tɩŋŋaa dɩɩsɩŋ kiele bal gbiele-la yi. Yesu jɩma arɩ bʋa-la lɛ sɩ maga dɩ ʋ lɩɩ dʋnɩa deeŋ lɛ a mʋ ʋ Nyɩmma teeŋ yie nɛ. Ʋ cho nɩalɩŋ sɩɩ to ʋ harɩŋ nɛ dʋnɩa deeŋ lɛ. Bʋa deeŋ lɛ nɛ ʋ chaasa dagɛ chono-la kɩŋkɛŋ ʋ sɩ kɛnɛ arɩ ʋ harɩ-tooroo.

Jɔɔŋ 13:36

Ŋɩɩ nɛ Saamɔŋ Pɩɩta pɩɛsɛ Yesu, “Mɩ Tɩɩna, nɩɩ nɛ ŋ mʋmʋ?” Ŋɩɩ nɛ Yesu ma bʋla pʋ, “Lee-la mɩ sɩ jaŋ mʋ, ŋ bɩ jaŋ wuo to mʋ, ama ʋ harɩŋ nɛ ŋ jaŋ wuo to.”

Jɔɔŋ 16:32

Bʋa kʋbala jaŋ yi, ʋ saa paala yi nɛ, ma kala jaŋ pɩsɛ a mʋ ma dɩɩsɩŋ, aŋ ka mɩ dʋndʋŋa. Ama saa, mɩ bɩ jaŋ ŋaa mɩ dʋndʋŋ. Mɩ Nyɩmma hɛ mɩ lɛ nɛ.

Jɔɔŋ 18:7

Ŋɩɩ nɛ Yesu bɩra pɩɛsɛba, “Kʋbɛɛ nɛ maa chɛ?” Ba sɩ, “Yesu sɩ lɩɩ Nazarɛt.”

Jɔɔŋ 18:9

(Ʋ bʋl ŋɩɩ dɩ wɩɩ-la ʋ fa sɩ bʋla, dɩ ʋ sɛnɛ ŋaa wʋtɩtɩɩ nɛ. Ʋ fa sɩ, “Nɩalɩŋ kala Wɩa sɩ lɩɩsa pɩmɛ, ba kʋŋkala bɩ lɛlɛ).”

1 Kɔrɩntɩ Nɩaa 10:13

Dɩ Sɩtaanɩ nɛ kʋ magɩsɛ nʋʋ, ʋ maga dɩ ʋ jɩŋ arɩ ŋɩɩ tɩtɩa nɛ Sɩtaanɩ yie mɩmagɩsɛ nʋʋkala. Ama Wɩa kɛŋ wʋtɩtɩɩ nɛ, ʋ bɩ jaŋ sɛɩ dɩ Sɩtaanɩ magɩsɛma a kieli ŋɩɩ ma sɩ jaŋ wuo ŋaa a chɩŋ wɩalɩŋ ma sɩ laa dii lɛ. Bʋa-la Sɩtaanɩ sɩɩ magɩsɛma, Wɩa jaŋ pɩma doluŋ dɩ ma wuo nyalɩmɛ. Ʋ jaŋ dagɛma wombii-la ma sɩ jaŋ to a lɩɩ wɩɩ-la lɛ.

2 Kɔrɩntɩ Nɩaa 12:9

Ŋɩɩ nɛ Wɩa bʋla pɩmɛ, “Mɩ zile yʋga kɩŋkɛŋ ŋ teeŋ, dɩ ŋ nɛ bɩ doluŋ kɛnɛ ŋɩɩ nɛ mɩ doluŋ yie faasa tɩŋ ŋ lɛ.” Ŋɩɩ wɩaa mɩ tʋɔŋ tɔrɔ nɛ, mɩ jaŋ bigisi mɩ tɩtɩa lɛ a tɩŋ mɩ sɩ bɩ doluŋ kɛnɛ wɩaa, dɩ Kirisito dol-la wuo hɛ mɩ lɛ a tɩtɩŋ.

Ɛfɛsɩs Nɩaa 5:25

Baalaa, má cho ma haalaa, arɩ Kirisito sɩ cho nɩalɩŋ sɩ laa Wɩa wɩaa dii aa hilimi ŋɩɩ, ʋ sʋʋ ba wɩaa,

1 Pɩɩta 5:7

Wɩɩ-la kala sɩɩ walɩmɛma, má joŋo hɛ Wɩa nɩsɩŋ lɛ, bɛɛ wɩaa ʋ nɩɩ bemma.