Jɔɔŋ 18:4 - WƖA TENIŊ

⁴ Yesu jɩŋ wɩɩ-la kala fa sɩ jaŋ ŋaa ʋ lɛ nɛ. Ŋɩɩ nɛ ʋ mʋ chemba a pɩɛsɛba, “Kʋbɛɛ nɛ maa chɛ?”

Jɔɔŋ 18:4 ပူးပေါင်းရင်းမြစ်များ

1 KUOROO 18:10

Ŋ TƖƖNA Wɩa sɩ weye wɩaa, tintee koo kuoru kala lee tuo mɩ nɩhɩaŋ sɩ bɩ nɩaa tɩma ba mʋ chɩchɛŋ. Dɩ tintee koo kuoru kala lee nɩaa nɛ sɩ ba bɩŋ na, ʋ yie leŋ ba ŋmɩɛsɛ nɛ arɩ ba sɛnɛ bɩŋ na,

NƐHƖMAAYA 6:11

Ama mɩ bʋla pʋ, “Bɛɛ nɛ tɩɩ mɩ-na baala sɩ magɛ ŋ-la jaŋ fá fɩfaa? Bɛɛ nɛ tɩɩ mɩ jaŋ jʋʋ faa Wɩa dɩɩ-balɩŋ lɛ dɩ mɩ laa mɩ mɩɩsɩŋ? Mɩ bɩ mʋ.”

WƖA YƖƖLAA 27:3

Laalɩyuoroo jaŋ wuo gollimi, ama fawʋllʋŋ bɩ jaŋ kɛmmɛ. Laalɩŋ ma jaŋ wuo sii mɩ nyuŋ, ama mɩ jaŋ laaŋ dii.

WƖA YƖƖLAA 3:6

Mɩ bɩ mɩ dʋndɔŋŋɔɔ bʋɩ fiiba-la sɩ gollo chumi ka fá.

NAMAGABA 28:1

Nɩbɔmʋŋ yie fá nɛ dɩ nʋʋ bɩ ʋ kire, ama tʋɔpʋl tɩɩna-na kɛŋ nyuduoŋ a nagɛ naachigiŋ nɛ.

Matiu 16:21

A suomi bʋa-la lɛ Yesu chaasa bʋla pɩ ʋ harɩ-tooroo a bʋl, “Ʋ maga dɩ mɩ mʋ Jerusalɛm a na hɛɛŋ woruŋ Juu tɩŋŋaa nɩhɩasɩŋ arɩ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba nɩsɩŋ lɛ. Ba jaŋ kpʋmɛ, ama mɩ jaŋ sii sʋʋŋ lɛ tapʋlaa batori chɛɛŋ.”

Matiu 26:2

tapʋlaa balɩa nɛ ka, ka dɩ dɩɩsɩŋ kiele bal gbiele-la yi. Bʋa-la lɛ ba jaŋ kɛŋ mɩ-na Nuhuobiine Bie a jommi hɛ nɩaa nɩsɩŋ lɛ dɩ ba kpaasɛmɛ daagɛsɛ nyuŋ.”

Matiu 26:21

Ba sɩɩ dii kɩalɩŋ ŋɩɩ, Yesu bʋla pɩba, “Wʋtɩtɩɩ nɛ mɩ bʋlaa pɩma, ma dɔŋɔ jaŋ jommi yallɛ.”

Matiu 26:31

Ŋɩɩ nɛ Yesu bʋla pɩba, “Tɩtaŋɩŋ deeŋ tɩtɩa ma kala jaŋ fá viiri a tɩŋ mɩ wɩaa. Ba ŋmʋnsɛ Wɩa teniŋ tʋɔŋ dɩ ba jaŋ kpʋ pie-daara, aŋ ka piesee fá pɩsɛ.

Luuk 24:44

Ŋɩɩ nɛ ʋ bʋla pɩba, “Mɩ fa sɩ hɛ ma teeŋ, mɩ bʋla pɩma arɩ wɩɩ-na kala ba fa sɩ ŋmʋnsa a tɩgɛ mɩ lɛ jaŋ kʋ ŋaa wʋtɩtɩɩ: Wɩalɩŋ Mosis fa sɩ ŋmʋnsa bil dɩ nɩaa tuto arɩ wɩalɩŋ Wɩa wʋlaabʋllaa fa sɩ ŋmʋnsa, arɩ Wɩa teniŋ sɛmɛ dɔŋɔ ba sɩɩ yɩrɛ Wɩa yɩɩlaa tʋɔŋ.”

Jɔɔŋ 13:1

Ʋ fa ka tapʋl-bala nɛ, ka dɩ Juu tɩŋŋaa dɩɩsɩŋ kiele bal gbiele-la yi. Yesu jɩma arɩ bʋa-la lɛ sɩ maga dɩ ʋ lɩɩ dʋnɩa deeŋ lɛ a mʋ ʋ Nyɩmma teeŋ yie nɛ. Ʋ cho nɩalɩŋ sɩɩ to ʋ harɩŋ nɛ dʋnɩa deeŋ lɛ. Bʋa deeŋ lɛ nɛ ʋ chaasa dagɛ chono-la kɩŋkɛŋ ʋ sɩ kɛnɛ arɩ ʋ harɩ-tooroo.

Jɔɔŋ 13:11

Yesu paala jɩŋ nɩɩ-la sɩɩ chɛ dɩ ʋ joŋu yallɛ nɛ. Ŋɩɩ nɛ tɩɩ ʋ bʋl dɩ ba kala tʋɔŋ dee bɩ pʋlla ŋɩɩ.

Jɔɔŋ 18:5

Ŋɩɩ nɛ ba sɩ, “Yesu sɩ lɩɩ Nazarɛt nɛ la chɩchɛ.” Ŋɩɩ nɛ ʋ bʋla pɩba, “Mɩ nɛ ŋ-la.” Judas, nɩɩ-la fa sɩ jaŋ joŋu yallɛ, ʋ ma fa hɛ ba tʋɔŋ nɛ.

Jɔɔŋ 18:7

Ŋɩɩ nɛ Yesu bɩra pɩɛsɛba, “Kʋbɛɛ nɛ maa chɛ?” Ba sɩ, “Yesu sɩ lɩɩ Nazarɛt.”

Jɔɔŋ 19:28

Yesu jɩma arɩ lɛɛlɛ wɩɩwɩɩ kala dɛrɛ nɛ, ka dɩ ʋ wuo leŋ dɩ wɩalɩŋ ba sɩ ŋmʋnsa Wɩa teniŋ tʋɔŋ, dɩ ba kʋ ŋaa wʋtɩtɩɩ. Ŋɩɩ nɛ ʋ bʋl, “Lɩɩ-nyʋasʋŋ nɛ kɛmmɛ.”

Jɔɔŋ 6:64

Ama ma dɔnsʋŋ bɩ mɩ wɩaa laa dii.” Bumbuŋ kala Yesu fa jɩŋ nɩalɩŋ sɩ bɩ ʋ wɩaa laa dii nɛ arɩ nɩɩ-la sɩ jaŋ joŋu yallɛ.

Tɩntɩŋŋaa 2:28

Ŋ dagɛmɛ wombie-la mɩ sɩ jaŋ to a kɛŋ mɩɩsɩŋ nɛ. Ŋ jaŋ leŋ dɩ mɩ kɛŋ tʋɔtɔrʋŋ ŋ sɩpaaŋ.’ ”

1 Pɩɩta 4:1

A tɩŋ Kirisito tɩtɩa sɩ na hɛɛŋ ŋɩɩ, má kɛŋ ma tɩtɩa woruŋ dɩ ma na hɛɛ-la doho ʋ sɩ na, bɛɛ wɩaa nɩɩ-la kala sɩ na hɛɛŋ, ʋ leŋ wʋbɔŋŋɔɔ nɛ.