Jɔɔŋ 18:20 - WƖA TENIŊ

²⁰ Yesu bʋl, “Wɩalɩŋ kala mɩ sɩ bʋla, mɩ yie chɩŋ nɩ-daŋ tʋɔŋ nɛ a bʋl. Mɩ yie chaasa chɩŋ Wɩɩchʋɔlɛ dɩɩsɩŋ tʋɔŋ nɛ arɩ Wɩa dɩɩ-balɩŋ tʋɔŋ, lee-la Juu tɩŋŋaa kala sɩ yie kʋ hilimi a bʋl. Mɩ ha bɩ wɩɩkala lʋara bʋl.

Jɔɔŋ 18:20 ပူးပေါင်းရင်းမြစ်များ

WƖA YƖƖLAA 22:22

Ŋɩɩ nɛ mɩ jaŋ bʋl wɩalɩŋ ŋ sɩ ŋaa a pɩ mɩ naambiiriŋ, a dɛnnɩŋ nɩalɩŋ sɩɩ hilimu ŋ yɩrɩŋ lɛ ma tʋɔŋ.

WƖA YƖƖLAA 40:9

La Tɩɩna, dɩ ŋ nɩaa nɛ yʋga a hilimi ŋ yɩrɩŋ lɛ, mɩ yie bʋl ŋ tʋɔpʋla wɩaa pɩba nɛ, ŋ jɩma mɩ bɩ mɩ niiŋ ka tɔrɛ.

AZAAYA 45:19

Mɩ bɩ wɩaa lʋara bʋl koo a ŋaa wɩaa birimiŋ tʋɔŋ. Mɩ bɩra bɩ bʋla pɩ Jekɔb doho nɩaa dɩ ba nɛ tomi ŋɩɩ jaŋ ŋaa pɛɩ. Mɩ nɛ ma TƖƖNA, mɩ yie bʋl wʋtɩtɩɩ nɛ, a dagɛ wɩɩ-la sɩ maga.

AZAAYA 48:16

Má kʋ kpagɛmɛ a nɩɩ wɩɩŋ deeŋ: Faafaa kala mɩ bɩ lʋara bʋl wɩaa, mɩ heele nɛ. Bʋa-la ma lɛ wɩalɩŋ sɩɩ ŋaa, mɩ fa hɛ nɩmɛ nɛ.” Lɛɛlɛ ma TƖƖNA Wɩɩjarɩbakɔ joŋ ʋ Dɩma hɛ mɩ-na Azaaya lɛ nɛ, aŋ tɩmmɛ.

Matiu 24:26

Má bee na, dɩ nɩaa nɛ bʋla pɩma arɩ nɩɩ-la Wɩa sɩ lɩɩsa nɛ hɛ tintee-hɩlɩŋ tʋɔŋ, má sɩ́ nɩmɛ mʋ, koo dɩ ba nɛ bʋla pɩma arɩ ʋ nɛ faa daha, má sɩ́ laa dii,

Matiu 26:55

Ŋɩɩ nɛ Yesu pɩɛsɛ nɩ-daŋ-la, “Mɩ ŋaa wʋcheeru nɛ ma sii kɛŋ tokobiee arɩ toŋguloo a kʋkɔ dɩ ma kɛmmɛɛ? Tapʋlɩɩ kala nɛ mɩ yie hɔŋ Wɩa dɩa lɛ a dɩdagɛ nɩaa, aŋ ka ma bɩ walɩma dɩ ma kɛmmɛ nɩmɛ.

Matiu 26:65

Yesu sɩ bʋl ŋɩɩ, Wɩɩsʋllɩ sɩpaalaaraa kʋhɩaŋ kɛŋ ʋ gɛnnɩŋ kɩɛsɛ aŋ bʋl, “Ŋ chei Wɩa yɩrɩŋ. Ʋ bɩ maga dɩ la bɩra chɛ dansɩaba. Ma kala bɩ nɩa ʋ sɩ chei Wɩa yɩrɩŋ ŋɩɩ?

Matiu 4:23

Ŋɩɩ nɛ Yesu gɔllɛ Galilii tinteeŋ kala a dɩdagɛ nɩaa ba Wɩɩchʋɔlɛ dɩɩsɩŋ lɛ a bʋbʋl Wɩa wʋzɔmɔ-la wɩaa arɩ Wɩa kuorii-la wɩaa a pɩ nɩaa aŋ pɛ vɩvaarɛ nɩaa nyanyal dosunuŋ kala.

Matiu 9:35

Ŋɩɩ nɛ Yesu sii gɔllɛ tabalaa arɩ tabiisiŋ kala a dagɛ nɩaa Wɩɩchʋɔlɛ dɩɩsɩŋ lɛ a bʋl Wɩa wʋzɔmɔ-la a tɩgɛ Wɩa kuorii-la lɛ aŋ pɛ vaarɛ nɩaa nyanyal dosunuŋ.

Maak 8:32

Ʋ chaasa bʋl wɩɩŋ deeŋ nɛ pɩba. Ŋɩɩ nɛ Pɩɩta kɛnʋ kaa sʋʋsa lɩɩ, a kpɩa ʋ lɛ, arɩ ʋ sɩ́ ŋɩɩ bʋl.

Luuk 21:37

Yesu fa yie hɛ Wɩa dɩɩ-bal-la lɛ wɩɩhɛyɛ arɩ chʋchʋɔŋ kala nɛ a dɩdagɛ nɩaa. Dɩ dɩdaanɩŋ nɛ yie-na kala, ʋ yie mʋ Olif peel-la nyuŋ nɛ a pɩŋ.

Luuk 4:15

Ŋɩɩ nɛ ʋ dagɛ nɩaa Wɩɩchʋɔlɛ dɩɩsɩŋ lɛ. Ba kala bɩbɛsɛ ʋ lɛ.

Jɔɔŋ 18:21

Bɛɛ nɛ saa tɩɩ ŋ pɩɛsɛmɛ? Pɩɛsɛ nɩalɩŋ sɩ nɩɩ wɩalɩŋ mɩ sɩ bʋla. Ba jɩŋ wɩalɩŋ mɩ sɩ bʋla nɛ.”

Jɔɔŋ 6:59

Yesu bʋl wɩaa deemba dɩ ʋ hɛ Kapɛnam tinteeŋ lɛ nɛ a dɩdagɛ nɩaa Wɩɩchʋɔlɛ dɩa lɛ.

Jɔɔŋ 7:14

Gbiele-la sɩ kʋ kpaa magɛ dɔŋɔ, Yesu jʋʋ Wɩa dɩɩ-bal-la a dɩdagɛ nɩaa.

Jɔɔŋ 7:26

Na, ʋ nɛ chɩŋ nɩaa tʋɔŋ ŋɩɩ a bʋbʋl wɩaa, ka nʋʋkala bɩ wɩɩ wuo bʋl, koo nɩhɩasɩ-la lɛɛlɛ jɩma arɩ ʋ nɛ ŋaa Kirisito, Nɩɩ-la Wɩa sɩ lɩɩsa?

Jɔɔŋ 7:28

Yesu sɩɩ dagɛ nɩaa Wɩa dɩɩ-bal-la tʋɔŋ ŋɩɩ, ŋɩɩ nɛ ʋ faasa pɩɛsɛ, “Ma sɛnɛ jɩmmɛ nɛ, a jɩŋ lee-la mɩ sɩ lɩaa? Mɩ bɩ mɩ tɩtɩa doluŋ lɛ nɛ kɔ, nʋʋ nɛ tɩmmɛ. Nɩɩ-la ma saa sɩ tɩmmɛ ŋaa wʋtɩtɩɩ Tɩɩna nɛ, ma bɩ ʋ jɩŋ.

Jɔɔŋ 7:4

Nɩɩ-la sɩɩ chɛ dɩ nɩaa jɩmʋ, ʋ bɩ faa ŋɩŋaa wɩaa. Ŋ sɩɩ ŋaa wɩaa deemba, leŋ dɩ dʋnɩa nɩaa kala na.”

Jɔɔŋ 8:2

Taŋ sɩ pʋla chʋchʋɔ-fɩɛla, ʋ bɩra mɩɩra mʋ a jʋʋ Wɩa dɩɩ-bal-la. Nɩaa kʋ gbaarʋ, ʋ hɔŋ a suomo dɩdagɛba.

Jɔɔŋ 8:26

Mɩ kɛŋ wɩaa yʋgɛ nɛ dɩ mɩ bʋl a tɩgɛ ma lɛ, a wuo to wɩalɩŋ lɛ a joŋ cheeriŋ pɩma. Nɩɩ-la sɩ tɩmmɛ, ʋ sɛnɛ ŋaa wʋtɩtɩɩ Tɩɩna nɛ. Wɩalɩŋ mɩ sɩ nɩa ʋ niiŋ lɛ, ba nɛ mɩ bʋlaa pɩ dʋnɩa nɩaa.”

Tɩntɩŋŋaa 26:26

Kuoro Agɩrɩpa, ŋ jɩŋ wɩaa deemba kala nɛ. Ŋɩɩ nɛ tɩɩ mɩ wuo bʋbʋlba arɩ nyuduoŋ. Mɩ jɩma arɩ wɩaa deemba kʋŋkala tuo ŋ sɩ bɩ jɩŋ. Wɩaa deemba kala sɩ ŋaa, ba bɩ wʋfaalɩa ŋaa.