Jɔɔŋ 18:12 - WƖA TENIŊ

¹² Ŋɩɩ nɛ laalɩyuoroo arɩ ba kʋhɩaŋ arɩ nɩalɩŋ sɩɩ pɔ Wɩa dɩɩ-balɩŋ kɛŋ Yesu a vɔbʋ.

Jɔɔŋ 18:12 ပူးပေါင်းရင်းမြစ်များ

WƖAA DƖ-SUOMUŊ 22:9

Ba sɩ mʋ yi lee-la Wɩa sɩ daga, ŋɩɩ nɛ Abɩraham saa Wɩɩsʋllɩ koruŋ a paa daasɩ-la daŋ ʋ nyuŋ aŋ vɔɔ ʋ bie Aɩzɩk a joŋo daŋ Wɩɩsʋlʋŋ koru-la arɩ daasɩ-la nyuŋ.

WƖAA DƖ-SUOMUŊ 40:3

a kɛmba kaa mʋ tɔ ʋ nɩtɔɔrɩ dɩa-la lɛ Josɛf sɩ hɛ.

WƖA YƖƖLAA 118:27

La Tɩɩna nɛ Wɩa, ʋ leŋe ʋ pʋlʋmʋŋ chaana hɛ la lɛ nɛ. La jaŋ kori abɛ pɩpaarɩŋ a pʋɔla mʋ ʋ koru-la teeŋ.

Matiu 26:57

Ŋɩɩ nɛ nɩalɩŋ sɩ kɛŋ Yesu, kɛnʋ kaa mʋ Kayafas dɩa. Ʋ nɛ fa ŋaa Wɩɩsʋllɩ sɩpaalaaraa kʋhɩaŋ. Dɩ Wɩa teniŋ kerichiba arɩ ba taŋ kʋhɩasɩŋ kala hilimi nɩmɛ.

Matiu 27:2

Ba kɛnʋ vɔɔ a kaa mʋ Paalɩt teeŋ. Ʋ nɛ fa hɔŋ Rom kuoru-balɩŋ nyuŋ Judiya tinteeŋ lɛ.

Matiu 27:27

Ŋɩɩ nɛ Paalɩt laalɩyuoroo dɔnsʋŋ kɛŋ Yesu kaa jʋʋ Paalɩt kaala tʋɔŋ. Laalɩyuoro-la kʋkaanaa kala ma kʋ pɛ ba lɛ a hilimi.

Maak 14:53

Ba kɛŋ Yesu a kaa mʋ Wɩɩsʋllɩ sɩpaalaaraa kʋhɩaŋ teeŋ. Ba kɔ nɩmɛ dɩ Wɩɩsʋllɩ sɩpaalaaraa kʋhɩasɩŋ arɩ ba Wɩɩchʋɔlɛ hɩasɩŋ arɩ Wɩa teniŋ kerichiba kala hilime.

Maak 15:1

Ŋɩɩ nɛ chʋchʋɔ-fɩɛla, Wɩɩsʋllɩ sɩpaalaaraa kʋhɩasɩŋ arɩ ba taŋ kʋhɩasɩŋ arɩ Wɩa teniŋ kerichiba arɩ nɩalɩŋ kala sɩ yie hilimi a vʋvʋʋrɛ wɩaa, ba kala kʋ hilimi a vʋʋrɛ. Ba kɛŋ Yesu a vɔɔ a kɛnʋ kaa mʋ Paalɩt teeŋ.

Luuk 22:54

Ŋɩɩ nɛ ba kɛŋ Yesu a kaa mʋ Wɩɩsʋllɩ sɩpaalaara kʋhɩaŋ dɩa, ka Pɩɩta daa tuto ba harɩŋ.

Jɔɔŋ 18:3

Ŋɩɩ nɛ Judas kɛŋ laalɩyuoroo dɔnsʋŋ arɩ nɩalɩŋ sɩɩ pɔ Wɩa dɩɩ-balɩŋ, Wɩɩsʋllɩ sɩpaalaaraa kʋhɩasɩŋ arɩ Farisii tɩŋŋaa dɩ ba mʋ kɛŋ Yesu. Ba mʋ lee-la Yesu sɩ hɛ. Ba fa kori chaanaa, kapɩlaa arɩ nyiniŋ arɩ ba ba-kɩaa nɛ.

Tɩntɩŋŋaa 10:1

Baal kʋbala nɛ fa hɛ Sɩzarɩya lɛ, ʋ yɩrɩŋ nɛ Kɔnɩɩlɩas. Ʋ fa ŋaa laalɩyuoro-la ba sɩ kaa kpaa zɔlɔ zɔlɔ ba dɔŋɔ kʋhɩaŋ nɛ, laalɩyuoro-la ba sɩ kaa yɩrɛ Ɩtalɩ laalɩyuoroo.

Tɩntɩŋŋaa 21:31

Ba sɩɩ walɩmɛ dɩ ba kpʋʋ, Rom laalɩyuoroo kʋhɩaŋ nɩɩ arɩ yuosuŋ sii Jerusalɛm kala lɛ.

Tɩntɩŋŋaa 21:37

Ba sɩ jɩl lusuŋ chol-la a chɩchɛ dɩ ba jʋʋ dɩa-la, ŋɩɩ nɛ Pɔɔl sʋl laalɩyuori-hɩaŋ-la, “Leŋ dɩ mɩ bʋl wɩɩ pɩŋ.” Ŋɩɩ nɛ laalɩyuori-hɩaŋ-la pɩɛsɛ Pɔɔl, “Ŋɩɩ-na ŋ nɩɩ Giriik wʋbʋlʋŋ nɛɛ?

Tɩntɩŋŋaa 23:10

Ŋɩɩ nɛ ba kɛŋ wɩɩ-la faasa lɛrɛ, leriŋ kala hosi. Fawʋllʋŋ kɛŋ laalɩyuoroo kʋhɩaŋ-la arɩ ba jaŋ kɛŋ Pɔɔl lɛrɛ pʋɔsɛ. Ŋɩɩ nɛ ʋ ŋaa ʋ laalɩyuoroo jʋʋ nɩalɩŋ tʋɔŋ a lorigo laaʋ nɩalɩŋ teeŋ, a kɛnʋ kaa mʋ laalɩyuoroo dɩɩ-duo-la.

SƖPAALAARAA 16:21

Ŋɩɩ nɛ Fɩlɩsɩtɩa tɩmma-la kɛnʋ, a kɔrɩgɔ chaarɛ ʋ sɩaa aŋ kɛnʋ mʋ tɔ dɩa taŋ-la ba sɩɩ yɩrɛ Gaza lɛ, a kɛŋ kɔlɩɩŋ chɔrʋmɔɔ vɔbʋ aŋ leŋ ʋ nʋnɔŋ munuŋ dansarɩka-la lɛ.