Jɔɔŋ 18:1 - WƖA TENIŊ

¹ Yesu sɩ sʋl Wɩa dɛrɛ, ʋ dɩ ʋ harɩ-tooroo sii kieli fuonaa kʋbala baa yɩrɛ Kɩdɩrɔŋ. Lee kʋbala nɛ fa hɛ nɩmɛ ba chɔnsɛ olif tɩɩsɩŋ. Ŋɩɩ nɛ Yesu arɩ ʋ harɩ-tooroo jʋʋ lee-la.

Jɔɔŋ 18:1 ပူးပေါင်းရင်းမြစ်များ

WƖAA DƖ-SUOMUŊ 2:15

La TƖƖNA Wɩa joŋ baal-la hɛ ŋmaŋkaa-la tʋɔŋ nɛ Ɛdɩŋ tinteeŋ lɛ dɩ ʋ pɛrɛ aŋ bibeŋ ʋ nyuŋ.

WƖAA DƖ-SUOMUŊ 3:23

Ŋɩɩ nɛ La TƖƖNA Wɩa kiri Adam arɩ ʋ haala ta ŋmaŋkaa-la sɩ hɛ Ɛdɩŋ tinteeŋ lɛ, dɩ Adam lɩɩ pɩpɛrɛ tintee-la Wɩa sɩ lɔgɔ mɛʋ lɛ.

2 SAMƲƐL 15:23

Nɩalɩŋ kala sɩ hɛ Jerusalɛm lɛ fa faasa ŋmoo niiŋ nɛ bʋa-la lɛ, Devit arɩ ʋ nɩaa sɩɩ lɩɩ. Ŋɩɩ nɛ kuoro mʋ chol Kɩdɩrɔŋ fuonaa-la, ba kala tʋʋlɛ tintee-hɩlɩŋ dɩɩrɩŋ a mʋmʋ.

1 KUOROO 15:13

Asa nahɩma Maaka nɛ fa paala ŋaa haalaa kuoro ʋ kaa laa, a tɩŋ ʋ sɩ pɛ veŋ-haal-la ba sɩɩ yɩrɛ Asɩra daaŋ a kpʋkpaarɛ. Ŋɩɩ nɛ Asa keri daa-la lo a kaa mʋ Kɩdɩrɔŋ fuonaaŋ a nyɩgɛ.

1 KUOROO 2:37

Dɩ ŋ nɛ maachie sie a chol Kɩdɩrɔŋ fuonaa-la, tapʋlɩɩ-la ba jaŋ kpʋŋ. Dɩ ŋ nɛ sʋba, ŋ tɩtɩa nɛ chɛ ŋ sʋʋŋ.”

2 KUOROO 23:12

Josaaya ŋmoo vʋɩyaa korunu-la Juda tinteeŋ kuoroo sɩ saa lo, kɩalɩŋ sɩ hɛ lusuŋ nyuŋ a kpagɛ Ahas lusuŋ-nyuŋ dɩa. Ʋ bɩra ŋmoo korunu-la Manasɛ fa sɩ saa bil Wɩa dɩa kaalɩsɩŋ balɩa-la lɛ. Ʋ ŋmoo ba kala yɛrɛ muno muno a paa yuo hɛ Kɩdɩrɔŋ fuonaaŋ lɛ.

2 KUOROO 23:4

Ŋɩɩ nɛ kuoro bʋla pɩ Hɩlɩkaaya, Wɩɩsʋllɩ sɩpaalaaraa nɩhɩaŋ-la arɩ nɩalɩŋ sɩɩ tɩgɛ ʋ lɛ arɩ nɩalɩŋ sɩɩ pɔ Wɩa dɩa boiŋ niiŋ dɩ ba paa kɩalɩŋ kala sɩ hɛ Wɩa dɩɩ-bal-la lɛ ba kaa kpʋkpaarɛ vesi-la ba sɩɩ yɩrɛ Baal arɩ Asɩra arɩ chɛnwʋlaa a kaa kʋ lɩɩ. Ba paa kʋ lɩɩ, ʋ kɛmba kaa lɩɩ Jerusalɛm lɛ a kaa mʋ Kɩdɩrɔŋ fuonaaŋ sɩ hɛ ʋ harɩŋ, a nyɩgɛba nɩmɛ, a paa ba tʋɔrʋŋ kaa mʋ taŋ-la ba sɩɩ yɩrɛ Bɛtɛl.

2 KUOROO 23:6

Ʋ jʋʋ joŋ veŋ-haal-la ba sɩɩ yɩrɛ Asɩra daaŋ sɩ hɛ Wɩa dɩɩ-bal-la lɛ a kaa mʋ Kɩdɩrɔŋ fuonaa-la sɩ hɛ Jerusalɛm harɩŋ a nyɩgɛ, a paa nɔŋ ba bɩɩ ʋ joŋo mɩsɛ ba sʋʋnʋŋ dɩ-huguŋ.

2 IZIRAL TƖŊŊAA NAABARƖŊ 15:16

Kuoro Asa nahɩma Maaka nɛ fa paala ŋaa haalaa kuoro ʋ kaa laa, a tɩŋ ʋ sɩ pɛ veŋ-haal-la ba sɩɩ yɩrɛ Asɩra daaŋ a kpʋkpaarɛ. Ŋɩɩ nɛ Asa keri daa-la lo a bori ʋ kala a kaa mʋ Kɩdɩrɔŋ fuonaaŋ a nyɩgɛ.

2 IZIRAL TƖŊŊAA NAABARƖŊ 29:16

Wɩɩsʋllɩ sɩpaalaaraa jʋʋ La TƖƖNA dɩɩ-bal-la tʋɔŋ dɩ ba pɩɩsɛ ʋ disiniŋ ta, a paa kɩalɩŋ kala sɩ kɛŋ disiniŋ, a kaa kʋ lɩɩ a bil Wɩa dɩa kaala-la tʋɔŋ. Levi doho nɩalɩŋ ma bɩra paa kɩalɩŋ lɩɩ La TƖƖNA dɩɩ-bal-la kaala-la tʋɔŋ a kaa mʋ Kɩdɩrɔŋ fuonaaŋ.

2 IZIRAL TƖŊŊAA NAABARƖŊ 30:14

Ŋɩɩ nɛ ba giri vʋɩ-kpaarɛ korunu-la kala sɩ hɛ Jerusalɛm lɛ a pɛ korunu-la nyuŋ ba sɩɩ nyɩgɛ kʋsʋɔrʋsʋŋ, a kaa mʋ yuo hɛ Kɩdɩrɔŋ Fuonaaŋ lɛ.

NƐHƖMAAYA 2:15

Ŋɩɩ nɛ mɩ tuu fuonaa-la tɩtaŋ-la a gɔllɔɔ beŋ jebii-la, a bɩra mɩɩrɛ harɩŋ a to Fuonaaŋ Boi-baal-la mɩ sɩ to kʋ lɩɩ a jʋʋ.

JƐRƖMAAYA 31:40

a kɛŋ fuonaa-la lɛ ba sɩɩ hugi sʋʋnʋŋ aŋ joŋ tʋɔrʋŋ ma tɩta, a pɛ lere-la kala ba sɩ dɩŋa lɛ a mʋ yi Kɩdɩrɔŋ Fuonaaŋ sɩ hɛ wɩɩpɔsʋŋ dɩɩrɩŋ, a kɛŋ ŋɩɩ mʋ yi Janɩŋ Boi-baal-la sɩ hɛ je-gʋnʋŋ lɛ. Leree deemba kala jaŋ ŋaa dɩ-zɔmɔ a pɩ mɩ-na ma TƖƖNA. Ba bɩra bɩ jaŋ kɔ dɩ ba churi tabal-la koo a ŋmobu lo.”

LEVI DOHO NƖAA 2:6

a kaa yɔrɩsɛ a wɛnsɛ nʋʋŋ daŋ, ʋ ŋaa mɩaa Wɩɩsʋlɩɩ nɛ.

Matiu 26:30

Ŋɩɩ nɛ ba yɩɩ Wɩɩchʋɔlɛ yɩɩlɩŋ aŋ sii lɩɩ mʋ peel kʋbala ba sɩɩ yɩrɛ Olif leriŋ.

Matiu 26:36

Ŋɩɩ nɛ Yesu arɩ ʋ harɩ-tooroo mʋ jʋʋ lee kʋbala baa yɩrɛ Gɛtɩsɛmanɩ. Yesu bʋla pɩ ʋ harɩ-tooroo dɩ ba hɔŋ daha, ka ʋ mʋ chʋɔlɛ Wɩa aŋ kɔ.

Maak 14:26

Ŋɩɩ nɛ ba yɩɩ Wɩɩchʋɔlɛ yɩɩlɩŋ a dɛrɛ aŋ sii lɩɩ a mʋ peel kʋbala baa yɩrɛ Olif nyuŋ.

Maak 14:32

Ŋɩɩ nɛ ba mʋ jʋʋ lee kʋbala baa yɩrɛ Gɛtɩsɛmanɩ. Yesu bʋla pɩ ʋ harɩ-tooroo, “Má hɔŋ daha, ka mɩ mʋ chʋɔlɛ Wɩa aŋ kɔ.”

Maak 14:42

Má sii dɩ la mʋ. Nɩɩ-la sɩ jaŋ jommi yallɛ ka kɔ nɛ.”

Jɔɔŋ 14:31

Ama mɩɩ chɛ dɩ dʋnɩa nɩaa jɩŋ arɩ mɩ cho mɩ Nyɩmma nɛ, ŋɩɩ nɛ tɩɩ mɩ ŋɩŋaa wɩalɩŋ kala ʋ sɩ sɩ dɩ mɩ ŋaa. Má kɔ dɩ la mʋ.”

Jɔɔŋ 18:26

Ŋɩɩ nɛ Wɩɩsʋllɩ sɩpaalaaraa kʋhɩaŋ dɩa tɩntɩnnaa dɔŋɔ pɛ ʋ lɛ. Ʋ fa ŋaa nɩɩ-la Pɩɩta sɩ ta dɩgɩlɩŋ keri naambii nɛ. Ʋ pɩɛsʋ, “Mɩ fa bɩ ŋ dɩ baal-la na lee-la ba sɩ chɔnsɛ olif tɩɩsɩŋ?”

Tɩntɩŋŋaa 21:11

Ʋ kɔ la teeŋ a laa Pɔɔl damɛrɛ a kaa vɔɔ ʋ tɩtɩa naasɩŋ arɩ ʋ nɩsaa aŋ bʋl, “Ŋ-la nɛ Wɩa Dɩŋ-zɔmʋŋ bʋl: ‘Juu tɩŋŋaa jaŋ kɛŋ damɛrɛ deeŋ tɩɩna a vɔbʋ ŋ-la Jerusalɛm lɛ, a joŋu hɛ nɩalɩŋ sɩ bɩ Juu tɩŋŋaa ŋaa nɩsɩŋ lɛ.’ ”