Jɔɔŋ 17:8 - WƖA TENIŊ

⁸ Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ.

Jɔɔŋ 17:8 ပူးပေါင်းရင်းမြစ်များ

NAMAGABA 1:23

Dɩ ma nɛ fa jegile nɩɩ ŋɩɩ mɩ sɩ kpʋrɩsɛ ma dɩgɩlaa, mɩ fa jaŋ suri mɩ tʋɔŋ pɩma, a leŋ dɩ ma jɩŋ mɩ tʋɔbɩɩnaa.

NAMAGABA 1:3

Ba jaŋ wuo dagɩŋ dɩ ŋ jɩŋ ŋ tɩtɩa kɛnɩŋ woruŋ, a kɛŋ tʋɔpʋla, a bɩɩnɛ wɩaa yi aŋ ŋɩŋaaba ba bʋa lɛ arɩ wʋtɩtɩɩ.

NAMAGABA 2:1

Mɩ bii, dɩ ŋ nɛ sɛɩ mɩ wɩaa, a joŋ mɩ wʋdagaa hɛ ŋ tʋɔŋ lɛ,

NAMAGABA 4:10

Mɩ bii, dɩ ŋ nɛ jegile nɩɩ mɩ wʋdagaa a kɛmba tɩŋ, ŋɩɩ jaŋ leŋ dɩ ŋ mɩɩsɩŋ duomi.

NAMAGABA 8:10

Má joŋ wɩalɩŋ mɩ sɩɩ dagɛma aŋ leŋ hɔpʋla. Má cho wʋjɩmɩŋ a kɩɩ sɛlɩmɛ.

Matiu 13:11

Ŋɩɩ nɛ Yesu bʋla pɩba, “Ma nɩaa deemba nɛ Wɩa dagɛ ʋ kuorii-la wɩaa sɩ faa bʋbʋɔŋ pɩpa, ama nɩ-daŋ kala dee.

Jɔɔŋ 12:49

Wɩalɩŋ mɩ sɩ bʋla, mɩ tɩtɩa doluŋ lɛ dee mɩ bʋl. Mɩ Nyɩmma sɩ tɩmmɛ, ʋ tɩtɩa nɛ dagɛmɛ wɩalɩŋ mɩ sɩ jaŋ bʋl, arɩ ŋɩɩ mɩ sɩ jaŋ bʋlba.

Jɔɔŋ 14:10

Ŋ bɩ laa dii arɩ mɩ hɛ mɩ Nyɩmma lɛ nɛ, mɩ Nyɩmma ma hɛ mɩ lɛɛ? Wɩalɩŋ kala mɩ sɩ yie bʋlaa pɩma, mɩ tɩtɩa doluŋ lɛ dee mɩɩ bʋl. Wɩalɩŋ ma mɩ sɩɩ ŋaa, mɩ Nyɩmma sɩ hɛ mɩ lɛ nɩɩ ŋaa ŋɩɩ.

Jɔɔŋ 15:15

Mɩ bɩra bɩ jaŋ kɛmma kaa yɩrɛ mɩ tɩntɩnnaa, bɛɛ wɩaa tɩntɩnna bɩ wɩɩ-la ʋ kʋhɩaŋ sɩɩ ŋaa jɩŋ. Ama mɩ-na bʋl wɩalɩŋ kala mɩ Nyɩmma sɩ bʋla pɩmɛ pɩma nɛ. Ŋɩɩ nɛ tɩɩ mɩ kɛmma yɩyɩrɛ mɩ nandɔnsʋŋ.

Jɔɔŋ 16:27

bɛɛ wɩaa mɩ Nyɩmma tɩtɩa ma choma nɛ. Ma chomi nɛ a laa mɩ wɩaa dii arɩ mɩ lɩɩ ʋ teeŋ nɛ. Ŋɩɩ nɛ tɩɩ ʋ ma choma.

Jɔɔŋ 16:30

Lɛɛlɛ la jɩma dɩ ŋ jɩŋ wɩɩ-wɩɩkala nɛ, ŋ bɩ chɛ dɩ nʋʋkala pɩɛsɩŋ wɩɩkala. Wɩɩŋ deeŋ nɛ leŋe la jɩŋ arɩ ŋ lɩɩ Wɩa teeŋ nɛ.”

Jɔɔŋ 17:14

Mɩ bʋl ŋ niiŋ wɩaa pɩba nɛ, ŋɩɩ nɛ dʋnɩa nɩaa bɛrɛba, bɛɛ wɩaa ba dɩ dʋnɩa nɩaa bɩ kʋbala ŋaa, arɩ mɩ dɩ dʋnɩa nɩaa sɩ bɩ kʋbala ŋaa ŋɩɩ.

Jɔɔŋ 17:18

Ŋ nɛ tɩmmɛ dʋnɩa nɩaa teeŋ, ŋɩɩ tɩtɩa nɛ mɩ ma tɩmba dʋnɩa nɩaa teeŋ.

Jɔɔŋ 17:21

Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Jɔɔŋ 17:23

Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 3:17

Wɩa bɩ ʋ Bie ta dɩ ʋ kʋ tuu laa dʋnɩa nɩaa wɩaa jɩŋ, ama dɩ ʋ laa dʋnɩa nɩaa ta.

Jɔɔŋ 3:33

Nɩɩ-la kala sɩ sɛɩ ʋ niiŋ wɩalɩŋ jɩma arɩ Wɩa hɛ nɩmɛ nɛ a kɛŋ wʋtɩtɩɩ.

Jɔɔŋ 6:68

Saamɔŋ Pɩɩta bʋl, “La Tɩɩna, kʋbɛɛ teeŋ nɛ saa la ma jaŋ mʋ? Wɩalɩŋ ŋ sɩɩ bʋl nɩɩ pɩ nɩaa mɩɩsɩ-la sɩ bɩ dɛrɛ.

Jɔɔŋ 8:42

Ŋɩɩ nɛ Yesu bʋla pɩba, “Dɩ Wɩa nɛ sɛnɛ fa ŋaa ma Nyɩmma, ma fa jaŋ chomi, bɛɛ wɩaa, Wɩa teeŋ nɛ mɩ lɩɩ a kɔ daha. Mɩ tɩtɩa doluŋ lɛ dee mɩ kɔ. Ʋ nɛ tɩmmɛ.

1 Kɔrɩntɩ Nɩaa 11:23

La Tɩɩna Kirisito teeŋ nɛ mɩ laa wɩalɩŋ mɩ sɩ dagɛma. Tɩtaŋ-la ba sɩ joŋ La Tɩɩna Yesu yallɛ nɛ, ʋ joŋ boroboro

1 Kɔrɩntɩ Nɩaa 15:1

Mɩ naambiiri, mɩɩ chɛ dɩ mɩ liisima a mʋ tɩgɛ Wɩa wʋzɔmɔ-la mɩ sɩ bʋla pɩma. Ma laaba dii nɛ a chɩŋ ba lɛ.

MOSIS BƖRA WULLI WƖA WOMBIIŊ 18:18

Mɩ jaŋ lɩɩsɛ nʋʋ ba naambiiriŋ tʋɔŋ dɩ ʋ ŋaa mɩ wʋlaabʋllʋ dɩ ʋ nagɛ ŋ-na Mosis, a joŋ mɩ wɩaa hɛ ʋ niiŋ lɛ, dɩ ʋ bʋl wɩalɩŋ kala mɩ sɩ dagʋ a pɩba.

1 Tɛsalonaaka Nɩaa 2:13

A tɩŋ wɩɩŋ deeŋ wɩaa, la yie lʋlɔllɛ Wɩa nɛ bʋa na-kala. La sɩ kɛŋ Wɩa wɩalɩŋ kʋ bʋla pɩma, ma laaba nɛ a sɛɩba. Ma bɩ ba joŋo arɩ ba ŋaa nuhuobiine wɩaa, ama ma sɛɩba arɩ ba sɛnɛ ŋaa Wɩa wɩaa nɛ, wɩalɩŋ ka tɩŋ ma nɩalɩŋ sɩ laaba dii lɛ nɛ.

1 Tɛsalonaaka Nɩaa 4:1

La naambiiri, wɩalɩŋ mɩ sɩɩ chɛ dɩ mɩ bʋl wʋkaanɩŋ nɛ ŋ-la: La dagɛma wɩalɩŋ ma sɩ jaŋ ŋaa dɩ Wɩa tʋɔŋ tɔrɛ ma nyuŋ nɛ, ŋɩɩ tɩtɩa nɛ ma sɛnɛ ŋɩŋaa. Ama la haa sʋlma La Tɩɩna Yesu yɩrɩŋ lɛ dɩ ma wasa ŋɩŋaa wɩalɩŋ.

1 Jɔɔŋ 4:14

La tɩtɩa na nɛ a laa dii arɩ Wɩa ta ʋ Bie dɩ ʋ kʋ tuu ŋaa dʋnɩa nɩaa Laataara nɛ.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.