Jɔɔŋ 17:6 - WƖA TENIŊ

⁶ Mɩ leŋe nɩalɩŋ ŋ sɩ lɩɩsa pɩmɛ dʋnɩa nɩaa tʋɔŋ jɩmɩŋ nɛ. Ba fa ŋaa ŋ kɩaa nɛ, ŋ nɛ lɩɩsɛba pɩmɛ. Ba sɛɩ ŋ niiŋ wɩaa.

Jɔɔŋ 17:6 ပူးပေါင်းရင်းမြစ်များ

WƖA YƖƖLAA 119:11

Mɩ joŋ ŋ niiŋ wɩaa hɛ mɩ tʋɔŋ lɛ nɛ, dɩ ŋɩɩ leŋ dɩ mɩ sɩ́ wʋbɔŋ kala ŋaa chei ŋ lɛ.

WƖA YƖƖLAA 22:22

Ŋɩɩ nɛ mɩ jaŋ bʋl wɩalɩŋ ŋ sɩ ŋaa a pɩ mɩ naambiiriŋ, a dɛnnɩŋ nɩalɩŋ sɩɩ hilimu ŋ yɩrɩŋ lɛ ma tʋɔŋ.

MOSIS KƐŊ IZIRAL TƖŊŊAA LƖƖ 9:16

ama mɩ lemma nɛ, dɩ mɩ dagɛ mɩ doluŋ dɩ mɩ yɩrɩŋ yɩrɛ dʋnɩa sɛmɛ na-kala.

NAMAGABA 2:10

Ŋ jaŋ jɩŋ wɩaa, dɩ wʋjɩmɩɩ-la leŋ dɩ ŋ kɛŋ tʋɔtɔrʋŋ.

NAMAGABA 23:23

Chɛ wʋtɩtɩɩ, a sɩ́ joŋo yallɛ. Chɛ wʋjɩmɩŋ a sɛɩ dɩ ba kɛnɩŋ tʋrɛ, arɩ ŋɩɩ ŋ sɩ jaŋ to jɩŋ wɩaa sɩaa.

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 12:28

Mɩ Nyɩmma, leŋ dɩ nɩaa yɩrɛ ŋ yɩrɩŋ.” Ŋɩɩ nɛ nʋʋ yikoro lɩɩ wɩa-nyuŋ a bʋl, “Mɩ paala laa yɩrɩŋ nɛ. Mɩ saa jaŋ bɩra leŋ dɩ nɩaa yɩrɛ mɩ yɩrɩŋ.”

Jɔɔŋ 15:19

Dɩ ma nɛ fa ŋaa dʋnɩa nɩaa, dʋnɩa nɩaa fa jaŋ choma woruŋ, arɩ ba sɩ cho dɔŋɔ ŋɩɩ. Ama ma dɩ dʋnɩa nɩaa bɩ kʋbala ŋaa. Mɩ lɩɩsɛma dʋnɩa nɩaa tʋɔŋ nɛ. Ŋɩɩ nɛ tɩɩ ba bɛrɛma.

Jɔɔŋ 15:3

Ma paala bɩra bɩ disiniŋ kɛnɛ a tɩŋ wɩalɩŋ mɩ sɩ bʋla pɩma.

Jɔɔŋ 15:7

Dɩ ma nɛ mɛrɛ mɩ lɛ, dɩ mɩ niiŋ wɩaa hɛ ma tʋɔŋ, kʋŋkala ma sɩ pɩɛsɛmɛ a chɩchɛ, mɩ jaŋ ŋaa pɩma.

Jɔɔŋ 17:12

Mɩ sɩ hɛ ba teeŋ, mɩ beŋ ba nyuŋ nɛ woruŋ ŋ doluŋ lɛ, dol-la ŋ sɩ joŋo pɩmɛ nɛ mɩ kaa bemba. Mɩ sɩ ŋaa ŋɩɩ, ba kʋbala ma bɩ lɛlɛ, see nɩɩ-la sɩ maga dɩ ʋ lɛl, dɩ wɩalɩŋ ba fa sɩ ŋmʋnsa Wɩa teniŋ tʋɔŋ sɛnɛ ŋaa.

Jɔɔŋ 17:14

Mɩ bʋl ŋ niiŋ wɩaa pɩba nɛ, ŋɩɩ nɛ dʋnɩa nɩaa bɛrɛba, bɛɛ wɩaa ba dɩ dʋnɩa nɩaa bɩ kʋbala ŋaa, arɩ mɩ dɩ dʋnɩa nɩaa sɩ bɩ kʋbala ŋaa ŋɩɩ.

Jɔɔŋ 17:16

Ba dɩ dʋnɩa nɩaa bɩ kʋbala ŋaa, a nagɛ mɩ dɩ dʋnɩa nɩaa sɩ bɩ kʋbala ŋaa ŋɩɩ.

Jɔɔŋ 17:2

Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ.

Jɔɔŋ 17:24

Mɩ Nyɩmma, ŋ paala chomi nɛ a leŋ mɩ laa yɩrɩŋ, ka dʋnɩa-na suomi. Mɩ saa chɛ dɩ ŋ leŋ dɩ nɩalɩŋ ŋ sɩ lɩɩsa pɩmɛ, dɩ ba hɛ mɩ teeŋ lee na-kala mɩ sɩ jaŋ hɛ nɛ, dɩ ba wuo na ŋɩɩ ŋ sɩ leŋe mɩ laa yɩrɩŋ.

Jɔɔŋ 17:26

Mɩ saa ŋaa ba jɩmɩŋ nɛ, mɩ ha jaŋ leŋ dɩ ba jɩmɩŋ, dɩ ŋɩɩ ŋ sɩ chomi, dɩ ba ma cho dɔŋɔ, dɩ mɩ hɛ ba lɛ.”

Jɔɔŋ 17:7

Lɛɛlɛ ba jɩma kʋŋ na-kala mɩ sɩ kɛnɛ lɩɩ ŋ teeŋ nɛ.

Jɔɔŋ 18:9

(Ʋ bʋl ŋɩɩ dɩ wɩɩ-la ʋ fa sɩ bʋla, dɩ ʋ sɛnɛ ŋaa wʋtɩtɩɩ nɛ. Ʋ fa sɩ, “Nɩalɩŋ kala Wɩa sɩ lɩɩsa pɩmɛ, ba kʋŋkala bɩ lɛlɛ).”

Jɔɔŋ 6:37

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta,

Jɔɔŋ 6:39

Ŋ-la nɛ nɩɩ-la sɩ tɩmmɛ chɩchɛ dɩ mɩɩ ŋaa: Dɩ mɩ sɩ́ leŋe dɩ nɩalɩŋ ʋ sɩ joŋo pɩmɛ kʋŋkala lɛl, ama dɩ mɩ chɩsɛ ba kala dʋnɩa dɩdɛrɩŋ dɩ ba kɛŋ mɩɩsɩŋ.

Jɔɔŋ 8:51

Wʋtɩtɩɩ nɛ mɩ bʋlaa pɩma, nɩɩ-la kala sɩɩ to mɩ niiŋ wɩaa, ʋ bɩ jaŋ sʋʋ.”

Jɔɔŋ 8:52

Ŋɩɩ nɛ Juu tɩmma-la bʋla pʋ, “Lɛɛlɛ la jɩma arɩ ŋ kɛŋ jɩŋ-bɔŋ nɛ. Abɩraham sʋba nɛ. Wɩa wʋlaabʋllaa ma sʋʋ. Aŋ ka ŋ bʋl dɩ nɩɩ-la kala sɩɩ to ŋ niiŋ wɩaa bɩ jaŋ kɔ dɩ ʋ sʋba.

Tɩntɩŋŋaa 13:48

Nɩalɩŋ sɩ bɩ Juu tɩŋŋaa ŋaa sɩ nɩɩ wɩɩŋ deeŋ, ba tʋɔŋ kala tɔrɛ, ba bʋl dɩ La tɩɩna niiŋ wɩaa sɩma kɩŋkɛŋ. Nɩalɩŋ Wɩa sɩ lɩɩsa dɩ ba kɛŋ mɩɩsɩ-la sɩ bɩ dɛrɛ, ba laa wɩalɩŋ dii.

Rom Tɩŋŋaa 11:2

Wɩa bɩ ʋ nɩaa vɩa, nɩalɩŋ ʋ sɩ laa sɩpaaŋ lɩɩsɛ. Ma bɩ wɩalɩŋ ba sɩ ŋmʋnsa Wɩa teniŋ tʋɔŋ ka liisii? Wɩalɩŋ ba sɩ ŋmʋnsa a tɩgɛ Ɩlaaja lɛɛ? Ba ŋmʋnsa arɩ Ɩlaaja fa bʋl Iziral tɩŋŋaa wɩaa pɩ Wɩa a tɩŋ ba wʋbɔŋŋɔɔ wɩaa.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Koloosi Nɩaa 3:16

Má leŋ dɩ wɩalɩŋ kala Kirisito sɩ bʋla hɛ ma tʋɔŋ woruŋ. Má kpʋrɩsɛ dɔŋɔba dɩgɩlaa aa dagɛ dɔŋɔ arɩ wʋjɩmɩŋ. Má yɩɩ yɩɩla-la sɩ hɛ Wɩa teniŋ tʋɔŋ, arɩ Wɩa nɩaa yɩɩlaa dɔnsʋŋ, arɩ yɩɩlaa Wɩa Dɩŋ-zɔŋ-la sɩ dagɛma. Má yɩɩ ŋɩɩ a pɩ Wɩa a lɔllʋ ma tʋɔŋ lɛ.

2 Timoti 1:13

Wɩalɩŋ kala mɩ fa sɩ dagɩŋ, ba ŋaa wʋtɩtɩɩba nɛ. Chɩŋ wɩalɩŋ lɛ a tutoba. La dɩ Kirisito Yesu sɩ ŋaa kʋbala ŋɩɩ, hɛ doluŋ aŋ chɩŋ wɩalɩŋ ŋ sɩ laa dii lɛ, a cho nɩaa ma.

Hiburu TƖŊŊAA 2:12

Wɩalɩŋ Yesu sɩ bʋla pɩ Wɩa nɛ ŋ-la: “Mɩ jaŋ bʋl ŋ wɩaa pɩ mɩ naambiiriŋ, aŋ dɛnnɩŋ nɩalɩŋ sɩ hilime aa chʋɔlʋŋ tʋɔŋ.”

Hiburu TƖŊŊAA 3:6

Ama Kirisito-na fa ŋaa Wɩa Bii nɛ, a kɛŋ wʋtɩtɩɩ a bibeŋ Wɩa nɩaa. Dɩ la ma nɛ kɛŋ bɔɩ-duoŋ a tɩŋ kɩalɩŋ la sɩɩ yɩɛlʋ wɩaa, la jaŋ wuo ŋaa ʋ nɩaa.

1 Pɩɩta 1:1

Mɩ-na Pɩɩta sɩ ŋaa Yesu Kirisito nanzɔɔ, mɩ nɛ ŋmʋnsɛ teniŋ deeŋ a pɩpɩ ma nɩalɩŋ kala sɩ laa Yesu wɩaa dii aŋ tɩŋ hɛɛŋ wɩaa a pɩsɛ a hɛ Pɔntɔs lɛ, Galiisia, Kapadoosia, Esia, arɩ Bitiinia tinteeŋ kala lɛ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

Jɔɔŋ Wʋnaalaa 2:13

Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.

Jɔɔŋ Wʋnaalaa 3:10

A tɩŋ ma sɩ to mɩ niiŋ wɩaa a nyalɩmɛ, mɩ ma jaŋ pɔma a lɩɩsɛma hɛɛ-la sɩ jaŋ jʋʋ dʋnɩa nɩaa kala, a magɩsɛba.

Jɔɔŋ Wʋnaalaa 3:8

Mɩ jɩŋ ma wʋŋaalaa nɛ. Má bee na, mɩ kɛŋ boro kaa suri nɛ a pɩma. Nʋʋkala bɩ wuo kaa tɔ. Mɩ jɩma arɩ ma doluŋ bɩ yʋgɛ, ama ma haa to mɩ niiŋ wɩaa a bɩ mɩ vɩa.