Jɔɔŋ 17:4 - WƖA TENIŊ

⁴ Mɩ leŋe ŋ laa yɩrɩŋ nɛ tinteeŋ deeŋ lɛ. Mɩ tɩŋ tɩntɩmɩɩ-la dɛrɛ nɛ, tɩntɩmɩɩ-la ŋ sɩ joŋo pɩmɛ dɩ mɩ tɩŋ.

Jɔɔŋ 17:4 ပူးပေါင်းရင်းမြစ်များ

Luuk 22:37

Ŋɩɩ nɛ ba ŋmʋnsɛ Wɩa teniŋ tʋɔŋ. Ba bʋla arɩ ba jaŋ kɛnʋ pɛ wʋbɔŋ ŋɩŋaaraa lɛ. Wɩaa deemba ba ŋmʋnsa a tɩgɛ mɩ lɛ nɛ. Ba kala jaŋ ŋaa mɩ lɛ, bɛɛ wɩaa wɩalɩŋ kala ba sɩ ŋmʋnsa a tɩgɛ mɩ lɛ, ba kala jaŋ sɛnɛ ŋaa a dɛrɛ.”

Jɔɔŋ 12:28

Mɩ Nyɩmma, leŋ dɩ nɩaa yɩrɛ ŋ yɩrɩŋ.” Ŋɩɩ nɛ nʋʋ yikoro lɩɩ wɩa-nyuŋ a bʋl, “Mɩ paala laa yɩrɩŋ nɛ. Mɩ saa jaŋ bɩra leŋ dɩ nɩaa yɩrɛ mɩ yɩrɩŋ.”

Jɔɔŋ 14:13

Kʋŋ na-kala ma sɩ pɩɛsa chɩchɛ mɩ yɩrɩŋ lɛ, mɩ jaŋ joŋo pɩma. Mɩ jaŋ ŋaa ŋɩɩ dɩ nɩaa wuo to mɩ lɛ a leŋ dɩ mɩ Nyɩmma yɩrɩŋ yɩrɛ.

Jɔɔŋ 14:31

Ama mɩɩ chɛ dɩ dʋnɩa nɩaa jɩŋ arɩ mɩ cho mɩ Nyɩmma nɛ, ŋɩɩ nɛ tɩɩ mɩ ŋɩŋaa wɩalɩŋ kala ʋ sɩ sɩ dɩ mɩ ŋaa. Má kɔ dɩ la mʋ.”

Jɔɔŋ 15:10

Dɩ ma nɩɩ to mɩ niiŋ wɩaa, mɩ jaŋ choma, arɩ mɩ sɩɩ to mɩ Nyɩmma niiŋ wɩaa a mɛrɛ ʋ lɛ ʋ chomi ŋɩɩ.

Jɔɔŋ 19:28

Yesu jɩma arɩ lɛɛlɛ wɩɩwɩɩ kala dɛrɛ nɛ, ka dɩ ʋ wuo leŋ dɩ wɩalɩŋ ba sɩ ŋmʋnsa Wɩa teniŋ tʋɔŋ, dɩ ba kʋ ŋaa wʋtɩtɩɩ. Ŋɩɩ nɛ ʋ bʋl, “Lɩɩ-nyʋasʋŋ nɛ kɛmmɛ.”

Jɔɔŋ 19:30

Ŋɩɩ nɛ Yesu nyʋa sɩŋ-la aŋ bʋl, “Wɩɩkala dɛrɛ nɛ,” aŋ kɛŋ ʋ nyuŋ chugili a sʋʋ.

Jɔɔŋ 4:34

Yesu bʋla pɩba, “Mɩ kʋdiilee nɛ dɩ mɩ to nɩɩ-la sɩ tɩmmɛ niiŋ, a tɩŋ tɩntɩmɩɩ-la ʋ sɩ pɩmɛ dɛrɛ.

Jɔɔŋ 5:36

Ama wɩɩŋ dɔŋɔ hɛ nɩmɛ a laa mɩ nyuŋ a bʋbʋl wɩaa, ʋ nɛ kɩɩ Jɔɔŋ. Tɩntɩmɩɩ-la mɩ sɩɩ tɩŋ nɛ ŋɩɩ, tɩntɩmɩɩ-la mɩ Nyɩmma sɩ joŋo pɩmɛ dɩ mɩ tɩŋ. Ŋɩɩ daga arɩ mɩ Nyɩmma nɛ tɩmmɛ.

Jɔɔŋ 9:3

Ŋɩɩ nɛ Yesu bʋla pɩba, “Baal-la nyʋlʋmʋŋ bɩ ʋ tɩtɩa lɛ koo ʋ nyɩmma arɩ ʋ naaŋ wʋbɔŋŋɔɔ lɛ lɩa. Ʋ nyʋlɩma dɩ nɩaa wuo na ŋɩɩ Wɩa dol-la sɩ wuo tɩŋ tɩntɩŋŋaa ʋ lɛ nɛ.

Tɩntɩŋŋaa 20:24

Ama mɩ sɩ yie beŋ mɩ mɩɩsɩŋ, ʋ bɩ kʋŋkala ŋaa mɩ teeŋ. Mɩ taa chɛ dɩ mɩ tɩŋ tɩntɩmɩɩ-la mɩ Tɩɩna Yesu sɩ sɩ mɩ tɩŋ nɛ a dɛrɛ. Tɩntɩmɩɩ-la nɛ dɩ mɩ bʋl Wɩa wʋzɔmɔ-la a pɩ nɩaa, a dagɛ ŋɩɩ Wɩa sɩ kɛŋ zile.

2 Timoti 4:7

Mɩ yuo laalɩ-zɔŋ-la nɛ woruŋ. Mɩ fá mɩ fanɩŋ dɛrɛ nɛ. Mɩ chɩŋ wɩalɩŋ mɩ sɩ laa dii lɛ nɛ.