Jɔɔŋ 17:26 - WƖA TENIŊ

²⁶ Mɩ saa ŋaa ba jɩmɩŋ nɛ, mɩ ha jaŋ leŋ dɩ ba jɩmɩŋ, dɩ ŋɩɩ ŋ sɩ chomi, dɩ ba ma cho dɔŋɔ, dɩ mɩ hɛ ba lɛ.”

Jɔɔŋ 17:26 ပူးပေါင်းရင်းမြစ်များ

WƖA YƖƖLAA 22:22

Ŋɩɩ nɛ mɩ jaŋ bʋl wɩalɩŋ ŋ sɩ ŋaa a pɩ mɩ naambiiriŋ, a dɛnnɩŋ nɩalɩŋ sɩɩ hilimu ŋ yɩrɩŋ lɛ ma tʋɔŋ.

Jɔɔŋ 14:20

Tapʋlɩɩ-la Wɩa sɩ jaŋ joŋ ʋ Dɩŋ-zɔmʋŋ hɛ ma lɛ nɛ, ma jaŋ jɩŋ arɩ mɩ hɛ mɩ Nyɩmma lɛ nɛ, ma ma hɛ mɩ lɛ, mɩ ma hɛ ma lɛ.

Jɔɔŋ 14:23

Ŋɩɩ nɛ Yesu bʋla pʋ, “Nɩɩ-la kala sɩ chomi, ʋ jaŋ tuto mɩ niiŋ wɩaa. Ʋ sɩ ŋaa ŋɩɩ, mɩ Nyɩmma ma jaŋ chou. Mɩ dɩ mɩ Nyɩmma kala jaŋ kʋ hɛ ʋ lɛ.

Jɔɔŋ 15:15

Mɩ bɩra bɩ jaŋ kɛmma kaa yɩrɛ mɩ tɩntɩnnaa, bɛɛ wɩaa tɩntɩnna bɩ wɩɩ-la ʋ kʋhɩaŋ sɩɩ ŋaa jɩŋ. Ama mɩ-na bʋl wɩalɩŋ kala mɩ Nyɩmma sɩ bʋla pɩmɛ pɩma nɛ. Ŋɩɩ nɛ tɩɩ mɩ kɛmma yɩyɩrɛ mɩ nandɔnsʋŋ.

Jɔɔŋ 15:4

Má mɛrɛ mɩ lɛ dɩ mɩ ma mɛrɛ ma lɛ. Tɩa naakelee dʋndʋŋa bɩ jaŋ wuo nɛŋ, see dɩ ba mɛrɛ tɩa gentine lɛ. Ma ma bɩ jaŋ wuo ŋaa wɩɩkala, see dɩ ma mɛrɛ mɩ lɛ.”

Jɔɔŋ 15:9

Mɩ choma arɩ mɩ Nyɩmma sɩ chomi ŋɩɩ nɛ. Ŋɩɩ wɩaa, má mɛrɛ mɩ lɛ dɩ mɩ choma a kaa mʋ wuu.

Jɔɔŋ 17:23

Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.

Jɔɔŋ 17:6

Mɩ leŋe nɩalɩŋ ŋ sɩ lɩɩsa pɩmɛ dʋnɩa nɩaa tʋɔŋ jɩmɩŋ nɛ. Ba fa ŋaa ŋ kɩaa nɛ, ŋ nɛ lɩɩsɛba pɩmɛ. Ba sɛɩ ŋ niiŋ wɩaa.

Jɔɔŋ 17:8

Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ.

Jɔɔŋ 6:56

Nɩɩ-la kala sɩ chaŋ mɩ yaraa nammɩa-la a nyʋa mɩ chal-la, ʋ jaŋ hɛ mɩ lɛ, dɩ mɩ ma hɛ ʋ lɛ.

Jɔɔŋ 8:50

Mɩ bɩ yɩrɩŋ chɛ pɩpɩ mɩ tɩtɩa. Ama nʋʋ nɛ hɛ nɩmɛ a chɛ yɩrɩ-la pɩpɩmɛ. Ʋ nɛ saa jaŋ dii nɩalɩŋ sɩ vɩa mɩ wɩaa sarɩya.

Rom Tɩŋŋaa 8:10

Dɩ Kirisito nɛ hɛ ma lɛ, ma yaraa nammɩa ha jaŋ sʋʋ a tɩŋ ma wʋbɔŋŋɔɔ wɩaa. Ama Wɩa Dɩŋ-zɔŋ-la sɩ hɛ ma lɛ, ʋ nɛ pɩma mɩɩsɩŋ, bɛɛ wɩaa ma kɛŋ tʋɔpʋla nɛ Wɩa sɩpaaŋ.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 12:12

Nuhuobiine yaraa ŋaa kʋbala nɛ, ama ʋ nandaasɩŋ yʋga nɛ. La yaraa nandaasɩŋ sɩ yʋga ŋɩɩ, ba kala pɛ dɔŋɔ lɛ nɛ a ŋaa yarɩ-bala. Ŋɩɩ tɩtɩa nɛ Kirisito ma nagɛ.

Galiisia Nɩaa 2:20

Mɩ dɩ Kirisito kala nɛ ba kpaasa mɛrɛ daagɛsɛ nyuŋ. Mɩɩsɩ-la mɩ sɩ kɛnɛ, ʋ bɩ mɩ teeŋ lɩa, ʋ lɩɩ Kirisito teeŋ nɛ. Mɩ sɩ laa Wɩa Bie wɩaa dii nɛ tɩɩ mɩ wuo kɛŋ mɩɩsɩŋ deeŋ mɩ sɩ kɛnɛ dʋnɩa deeŋ lɛ. Wɩa Bie Yesu nɛ chomi, a joŋ ʋ mɩɩsɩŋ a yɔɔ sʋʋŋ mɩ wɩaa.

Ɛfɛsɩs Nɩaa 1:6

Ʋ ŋaa ŋɩɩ dɩ la wuo dɛnnʋ, a leŋ dɩ ʋ yɩrɩŋ yɩrɛ, a tɩŋ ʋ sɩ fá la nenige. Ʋ Bii-choolii-la ʋ sɩ joŋo pɩla lɛ nɛ ʋ to a pɛ la lɛ.

Ɛfɛsɩs Nɩaa 3:17

Mɩ bɩra sʋlʋ dɩ ma wuo laa Kirisito wɩaa dii woruŋ, dɩ ʋ hɛ ma tʋɔŋ lɛ a leŋ dɩ ma chɩŋ kpaŋ kpaŋ a cho nɩaa.

Ɛfɛsɩs Nɩaa 5:30

Kirisito yie ŋaa ŋɩɩ, bɛɛ wɩaa la ŋaa ʋ nandaasɩŋ nɛ a mɛrɛ ʋ yaraa lɛ.

Ɛfɛsɩs Nɩaa 5:32

Wʋkpuŋkpere deeŋ ŋaa wʋbal nɛ a faa. Mɩ saa jɩma arɩ wɩɩŋ deeŋ mʋʋ tɩgɛ Kirisito arɩ nɩalɩŋ sɩ laa ʋ wɩaa dii aa hilimi lɛ nɛ.

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

Koloosi Nɩaa 2:10

Ma dɩ ʋ sɩ ŋaa kʋbala ŋɩɩ, ma wɩɩkala chese nɛ. Ʋ nɛ kɩɩ kɩalɩŋ kala la sɩ bɩ na ka ba kɛŋ doluŋ a bibeŋ leriŋ.

Koloosi Nɩaa 3:11

Mɛl-falɩŋ deeŋ tʋɔŋ ʋ bɩ wɩɩ kɛnɛ dɩ ma ŋaa Juu tɩŋŋaa koo ma bɩ Juu tɩŋŋaa ŋaa, dɩ ma keri ma penee koo ma bɩ ma penee kere, dɩ ma ŋaa nʋhʋɔraa, koo dɩ ma ŋaa nɩalɩŋ sɩaa sɩ bɩ suro, dɩ ma ŋaa yosuŋ koo dɩ ma tɩɩ ma tɩtɩa. Wɩa nɩaa tʋɔŋ, Kirisito nɛ ŋaa ba wʋnyuŋ, ʋ hɛ ba kala lɛ nɛ.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

Hiburu TƖŊŊAA 2:12

Wɩalɩŋ Yesu sɩ bʋla pɩ Wɩa nɛ ŋ-la: “Mɩ jaŋ bʋl ŋ wɩaa pɩ mɩ naambiiriŋ, aŋ dɛnnɩŋ nɩalɩŋ sɩ hilime aa chʋɔlʋŋ tʋɔŋ.”

1 Jɔɔŋ 3:24

Nʋʋ na-kala sɩɩ to wɩalɩŋ Wɩa sɩ dagɛla, ʋ tɩɩna hɛ Wɩa teeŋ nɛ, Wɩa ma hɛ ʋ teeŋ. Ʋ sɩ joŋ ʋ Dɩŋ-zɔmʋŋ hɛ la lɛ nɛ leŋe la jɩŋ arɩ Wɩa hɛ la teeŋ nɛ.