Jɔɔŋ 17:25 - WƖA TENIŊ

²⁵ Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ.

Jɔɔŋ 17:25 ပူးပေါင်းရင်းမြစ်များ

AZAAYA 45:21

Má kɔ sarɩya dɩ-diiliŋ a bʋl wɩɩ-la ma sɩ kɛnɛ dɩ mɩ nɩɩ. Kʋbɛɛ nɛ bʋla faafaa kala arɩ wɩɩŋ deeŋ jaŋ ŋaa? Mɩ-na ma TƖƖNA dee? Wɩa dɔŋ tuo a pɛ mɩ lɛ. Mɩ nɛ Wɩa sɩ kɛŋ tʋɔpʋla a laa nɩaa tɩta. Wɩa dɔŋ tuo a pɛ mɩ lɛ.

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 16:16

Ŋɩɩ nɛ Saamɔŋ Pɩɩta bʋl, “Ŋ nɛ ŋaa Kirisito, Wɩa-la sɩ weye Bie.”

Luuk 10:22

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma ma sɩ naga. Nʋʋkala bɩra bɩ ʋ jɩŋ, see nɩalɩŋ dʋndʋŋa mɩ sɩ cho dɩ mɩ daga.”

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 10:15

Ŋɩɩ tɩtɩa nɛ mɩ Nyɩmma jɩmmɛ, mɩ ma jɩmʋ. Mɩ joŋ mɩ mɩɩsɩŋ yɔɔ sʋʋŋ mɩ piesee wɩaa.

Jɔɔŋ 15:21

Ba jaŋ ŋaa wɩaa deemba kala a tɩŋ ma sɩɩ to mɩ harɩŋ wɩaa. Ba sɩ bɩ nɩɩ-la sɩ tɩmmɛ jɩŋ nɛ tɩɩ baa ŋaa ŋɩɩ.

Jɔɔŋ 16:27

bɛɛ wɩaa mɩ Nyɩmma tɩtɩa ma choma nɛ. Ma chomi nɛ a laa mɩ wɩaa dii arɩ mɩ lɩɩ ʋ teeŋ nɛ. Ŋɩɩ nɛ tɩɩ ʋ ma choma.

Jɔɔŋ 16:3

Ba jaŋ ŋaa wɩaa deemba kala a tɩŋ ba sɩ́ bɩ mɩ Nyɩmma jɩŋ, a bɩ mɩ ma jɩŋ.

Jɔɔŋ 16:30

Lɛɛlɛ la jɩma dɩ ŋ jɩŋ wɩɩ-wɩɩkala nɛ, ŋ bɩ chɛ dɩ nʋʋkala pɩɛsɩŋ wɩɩkala. Wɩɩŋ deeŋ nɛ leŋe la jɩŋ arɩ ŋ lɩɩ Wɩa teeŋ nɛ.”

Jɔɔŋ 17:11

Lɛɛlɛ mɩɩ kɔ ŋ teeŋ nɛ, mɩ bɩra bɩ jaŋ hɛ dʋnɩa lɛ, ama ba-na jaŋ hɛ dʋnɩa lɛ. Mɩ Nyɩmma, ŋ nɛ ŋaa Nɩɩ-la sɩ bɩ disiniŋ kɛnɛ. Beŋ nɩalɩŋ ŋ sɩ lɩɩsa pɩmɛ nyuŋ woruŋ ŋ doluŋ lɛ, a leŋ dɩ ba ŋaa kʋbala, arɩ mɩ dɩŋ kala sɩ ŋaa kʋbala ŋɩɩ.

Jɔɔŋ 17:18

Ŋ nɛ tɩmmɛ dʋnɩa nɩaa teeŋ, ŋɩɩ tɩtɩa nɛ mɩ ma tɩmba dʋnɩa nɩaa teeŋ.

Jɔɔŋ 17:21

Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Jɔɔŋ 17:23

Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 17:8

Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ.

Jɔɔŋ 3:17

Wɩa bɩ ʋ Bie ta dɩ ʋ kʋ tuu laa dʋnɩa nɩaa wɩaa jɩŋ, ama dɩ ʋ laa dʋnɩa nɩaa ta.

Jɔɔŋ 6:19

Dɩ ʋ harɩ-tooro-la ma duoro a mʋ yi meel-daasɩŋ batori koo banɛsɛ, aŋ na Yesu dɩ ʋ vɛŋ lɩɩŋ nyuŋ a kʋkɔ daboro-la teeŋ. Ba sɩ naʋ ŋɩɩ, fawʋllʋŋ kɛmba.

Jɔɔŋ 7:29

Mɩ-na jɩmʋ nɛ, bɛɛ wɩaa mɩ fa hɛ ʋ teeŋ nɛ. Ŋɩɩ nɛ ʋ tɩmmɛ.”

Jɔɔŋ 8:19

Ŋɩɩ nɛ ba pɩɛsʋ, “Nɩɩ nɛ ŋ nyɩmma hɛ?” Yesu bʋl, “Ma bɩ mɩ jɩŋ, ŋɩɩ wɩaa ma bɩ mɩ Nyɩmma ma jɩŋ. Dɩ ma nɛ fa jɩmmɛ, ma fa jaŋ jɩŋ mɩ Nyɩmma ma.”

Jɔɔŋ 8:55

Ma bɩ ʋ jɩŋ, ama mɩ-na jɩmʋ nɛ. Dɩ mɩ nɛ jaŋ bʋl arɩ mɩ bɩ ʋ jɩŋ, mɩ jaŋ ŋaa wʋnyɩɛrʋ, arɩ ma sɩ ŋaa wʋnyɩɛra ŋɩɩ. Mɩ saa jɩmʋ nɛ a tuto ʋ niiŋ.

Tɩntɩŋŋaa 17:23

Mɩ sɩɩ gɔllɛ ma taŋ lɛ, mɩ na ma vesiŋ. Mɩ bɩra na koruŋ ma ma sɩ saa. Ŋ-la nɛ ma tuuro hɛ ʋ lɛ: ‘WƖA-LA LA SƖ BƖ JƖŊ DƖ-KPAARƖŊ NƐ Ŋ-LA.’ ” Ŋɩɩ nɛ Pɔɔl bɩra bʋl, “Wɩa-la ma sɩɩ chʋɔlɛ aŋ bɩ ʋ jɩŋ, ʋ wɩaa nɛ mɩ bʋlaa pɩma ŋɩɩ.

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Rom Tɩŋŋaa 1:28

Nɩaa deemba bɩ chɛ dɩ ba jɩŋ Wɩa. Ŋɩɩ nɛ tɩɩ Wɩa lemba ta ba tuto ba tʋɔbɩɩŋ bɔmɔ-la harɩŋ a ŋɩŋaa wɩalɩŋ sɩ bɩ maga dɩ baa ŋaa.

Rom Tɩŋŋaa 3:11

Nʋʋkala tuo a jɩŋ Wɩa wɩalɩŋ bʋbʋɔŋ, nʋʋkala ma bɩ Wɩa bee chɩchɛ.

Rom Tɩŋŋaa 3:26

Ama lɛɛlɛ Wɩa dagɛ nɩaa wʋbɔŋŋɔɔ a pɩba nɛ. Ʋ ŋaa ŋɩɩ aa dagɛ arɩ ʋ kɛŋ wʋtɩtɩɩ nɛ, dɩ nʋʋkala nɛ laa Yesu wɩaa dii, ʋ jaŋ kɛŋ tʋɔpʋla Wɩa sɩpaaŋ.

1 Kɔrɩntɩ Nɩaa 1:21

Wɩa sɩ kɛŋ wʋjɩmɩŋ, ŋɩɩ nɛ tɩɩ ʋ wuo ŋaa dɩ nuhuobiine sɩ́ ʋ tɩtɩa wʋjɩmɩŋ lɛ to a jɩŋ ʋ-na Wɩa. Nɩaa sɩ dɩ Wɩa wʋzɔmɔ-la la sɩɩ bʋl ŋaa wʋtɔɔnʋ nɛ, ama Wɩa to wɩalɩŋ lɛ nɛ a laa nɩalɩŋ sɩ laa wɩalɩŋ dii a ta.

1 Kɔrɩntɩ Nɩaa 15:34

Má sii doŋ lɛ aŋ leŋ wʋbɔŋŋɔɔ ŋaanɩŋ. Ma dɔnsʋŋ wʋŋaalaa naga arɩ ma bɩ Wɩa jɩŋ, mɩ bʋl ŋɩɩ dɩ hɩɩsɩŋ kɛmma nɛ.

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

2 Tɛsalonaaka Nɩaa 1:8

Ʋ sɩ jaŋ kɔ, ʋ jaŋ nagɛ nyiŋgeliŋ a dɔgɩsɛ nɩalɩŋ sɩ bɩ Wɩa jɩŋ arɩ nɩalɩŋ sɩ bɩ La Tɩɩna Yesu wʋzɔmɔ-la ka to.

Hiburu TƖŊŊAA 8:11

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa.

1 Jɔɔŋ 1:9

Ama dɩ la nɛ sɛyɛ arɩ la ŋaa wʋbɔŋŋɔɔ nɛ a dagɛ la wʋbɔmɔ-la a pʋ, Wɩa kɛŋ wʋtɩtɩɩ, ʋ jaŋ wuo joŋ la wʋbɔŋŋɔɔ a chɛla a chɛsɛ la wʋbɔŋŋɔɔ kala ta.

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 16:5

Ŋɩɩ nɛ Wɩa tɩndaarʋ-la sɩ kɛŋ lɩɩŋ doluŋ ma bʋl wɩaa. Ʋ sɩ, “La Tɩɩna Wɩa, ŋ kɩaa sɩma nɛ dɩ ŋ dɔgɩsɛ dʋnɩa nɩaa. Ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ hɛ nɩmɛ lɛɛlɛ.