Jɔɔŋ 17:24 - WƖA TENIŊ

²⁴ Mɩ Nyɩmma, ŋ paala chomi nɛ a leŋ mɩ laa yɩrɩŋ, ka dʋnɩa-na suomi. Mɩ saa chɛ dɩ ŋ leŋ dɩ nɩalɩŋ ŋ sɩ lɩɩsa pɩmɛ, dɩ ba hɛ mɩ teeŋ lee na-kala mɩ sɩ jaŋ hɛ nɛ, dɩ ba wuo na ŋɩɩ ŋ sɩ leŋe mɩ laa yɩrɩŋ.

Jɔɔŋ 17:24 ပူးပေါင်းရင်းမြစ်များ

WƖAA DƖ-SUOMUŊ 45:13

Má bʋla pɩ mɩ nyɩmma, arɩ ŋɩɩ ba sɩɩ zilmi Ijipiti tinteeŋ lɛ, arɩ wɩalɩŋ kala ma sɩ na, aŋ kɛŋ mɩ nyɩmma kaa kɔ daha lɩma.”

Matiu 25:21

Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa tɩntɩnnɩ-tɩtɩɩ nɛ. Ŋ hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’

Matiu 25:23

Ŋɩɩ nɛ ʋ bʋla pɩ ʋ ma, ‘Ŋ ma ŋaa tɩntɩnnɩ-tɩtɩɩ nɛ, ŋ ma hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’

Matiu 25:34

Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ,

Matiu 26:29

Mɩ bʋlaa pɩma, mɩ bɩra bɩ jaŋ kɔ dɩ mɩ nyʋa sɩnɩŋ deeŋ, see tapʋlɩɩ-la mɩ dɩ ma sɩ jaŋ nyʋa sɩ-falɩŋ mɩ Nyɩmma Wɩa kuorii-la tʋɔŋ.”

Luuk 12:37

Dɩ ba kʋhɩaŋ nɛ mɩɩra kɔ a na dɩ ba weye a ŋaa siri, ba tʋɔŋ jaŋ tɔrɛ. Wʋtɩtɩɩ, mɩ bʋlaa pɩma, ʋ jaŋ laalɛ gɛnnɩŋ aŋ leŋ dɩ ʋ tɩntɩnna-la hɔŋ, dɩ ʋ ŋaa kʋdiilee pɩba dɩ ba dii.

Luuk 23:43

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, mɩ dɩŋ kala jaŋ hɛ Wɩa-jaŋ lɛ jɩnɩŋ.”

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 12:26

Nɩɩ-la kala sɩ cho dɩ ʋ tɩma pɩpɩmɛ, maga ʋ to mɩ harɩŋ. Lee-la kala mɩ sɩ hɛ, ʋ tɩɩna ma jaŋ hɛ nɩmɛ. Dɩ nʋʋkala nɛ tɩma pɩpɩmɛ, mɩ Nyɩmma jaŋ zil ʋ tɩɩna.

Jɔɔŋ 14:3

Dɩ mɩ nɛ mʋa a wasɛ lee-la bil ma lɛ dɛrɛ, mɩ jaŋ bɩra kɔ a kɛmma kaa mʋ mɩ teeŋ, dɩ la kala hɛ dɩ-bala.

Jɔɔŋ 15:9

Mɩ choma arɩ mɩ Nyɩmma sɩ chomi ŋɩɩ nɛ. Ŋɩɩ wɩaa, má mɛrɛ mɩ lɛ dɩ mɩ choma a kaa mʋ wuu.

Jɔɔŋ 17:2

Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ.

Jɔɔŋ 17:22

Ŋ sɩ leŋe mɩ laa yɩrɩŋ ŋɩɩ, ŋɩɩ nɛ mɩ ma leŋ ba laa yɩrɩŋ. Mɩ ŋaa ŋɩɩ dɩ ba kala wuo ŋaa kʋbala nɛ, arɩ mɩ dɩŋ kala sɩ ŋaa kʋbala ŋɩɩ.

Jɔɔŋ 17:5

Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.

Jɔɔŋ 6:37

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta,

Jɔɔŋ 6:39

Ŋ-la nɛ nɩɩ-la sɩ tɩmmɛ chɩchɛ dɩ mɩɩ ŋaa: Dɩ mɩ sɩ́ leŋe dɩ nɩalɩŋ ʋ sɩ joŋo pɩmɛ kʋŋkala lɛl, ama dɩ mɩ chɩsɛ ba kala dʋnɩa dɩdɛrɩŋ dɩ ba kɛŋ mɩɩsɩŋ.

Jɔɔŋ 8:58

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, ka dɩ ba-na lʋl Abɩraham, mɩ fa hɛ nɩmɛ nɛ.”

1 Kɔrɩntɩ Nɩaa 13:12

Lɛɛlɛ la sɩ hɛ dʋnɩa deeŋ lɛ, ʋ naga laa beŋ Kirisito liigu liigu nɛ, a nagɛ nɩaa sɩ beŋ beenantɩrɛ lɛ a na kʋa liigu. La bɩ Kirisito chaasa nɩna woruŋ, ama maachie la sɩaa jaŋ na dɔŋɔ. Lɛɛlɛ mɩ jɩmʋ mʋa nɛ, ama maachie mɩ jaŋ chaasa jɩmʋ woruŋ, arɩ Wɩa sɩ jɩmmɛ ŋɩɩ.

2 Kɔrɩntɩ Nɩaa 3:18

La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

2 Kɔrɩntɩ Nɩaa 5:8

La nyuŋ nyaasa nɛ, la saa cho dɩ la lɩɩ dʋnɩa deeŋ lɛ a mʋ La Tɩɩna Yesu teeŋ.

Fɩlɩpa Nɩaa 1:23

Mɩ hɛ wɩaa deemba balɩa pɛgɛ nɛ. Mɩ fa cho nɛ woruŋ dɩ mɩ lɩɩ dʋnɩa deeŋ lɛ a mʋ Kirisito teeŋ. Ʋ nɛ kpɩa mɩ sɩ jaŋ hɛ dʋnɩa deeŋ lɛ.

1 Tɛsalonaaka Nɩaa 4:17

Ŋɩɩ harɩŋ, la nɩalɩŋ sɩ hɛ la mɩɩsɩŋ lɛ, ʋ jaŋ kɛsɛla kaa pɛ nɩalɩŋ ʋ chɩsa sʋʋŋ lɛ, dɩ la kala cheŋ La Tɩɩna Yesu duoŋ-bɩlɩmbaanaa tʋɔŋ wɩa-nyuŋ. La jaŋ hɛ La Tɩɩna teeŋ a kaa mʋ wuu.

1 Pɩɩta 1:21

Ma to ʋ lɛ nɛ a laa Wɩa wɩaa dii. Ʋ nɛ chɩsɛ Yesu sʋʋŋ lɛ a pʋ yɩrɩŋ. Ŋɩɩ wɩaa ma laa diiniŋ arɩ ma yɩɛlaa kala hɛ Wɩa lɛ nɛ.

1 Jɔɔŋ 3:2

Mɩ nandɔŋ-kpɩanaba, lɛɛlɛ la ŋaa Wɩa biiriŋ nɛ. Ama Wɩa ha bɩ chaasa daga pʋllɛ ŋɩɩ la sɩ jaŋ nagɛ. Ama wɩɩ-la la sɩ jɩma nɛ ŋ-la: Bʋa-la lɛ Kirisito sɩ jaŋ kɔ, la ma jaŋ nagɛ ŋɩɩ ʋ sɩ naga, bɛɛ wɩaa la jaŋ na ʋ sɩ nagɛ ŋɩɩ kala.

Jɔɔŋ Wʋnaalaa 21:22

Ŋɩɩ nɛ mɩ beŋ tabal-la tʋɔŋ a bɩ Wɩa dɩɩ-bal kala na nɩmɛ, bɛɛ wɩaa La Tɩɩna Wɩa doluŋ kala Tɩɩna arɩ Pie-bie-la nɛ ŋaa Wɩa dɩɩ-balɩŋ lee-la.

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.