Jɔɔŋ 17:23 - WƖA TENIŊ

²³ Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.

Jɔɔŋ 17:23 ပူးပေါင်းရင်းမြစ်များ

Jɔɔŋ 10:38

Ama dɩ mɩ nɩɩ tɩŋ mɩ Nyɩmma tɩntɩŋŋaa, má laa mɩ wɩaa dii a tɩŋ tɩntɩmɩɩ-la mɩ sɩɩ tɩŋ wɩaa, arɩ ma sɩ́ bɩ wɩalɩŋ mɩ sɩ bʋla pɩma laa dii kala. Ŋɩɩ lɛ nɛ ma jaŋ wuo to jɩŋ a laa dii arɩ mɩ Nyɩmma hɛ mɩ lɛ nɛ, mɩ ma hɛ ʋ lɛ.”

Jɔɔŋ 13:35

Dɩ ma nɛ cho dɔŋɔ, ŋɩɩ lɛ nɛ nɩaa kala jaŋ to jɩŋ arɩ ma sɛnɛ ŋaa mɩ harɩ-tooroo nɛ.”

Jɔɔŋ 14:10

Ŋ bɩ laa dii arɩ mɩ hɛ mɩ Nyɩmma lɛ nɛ, mɩ Nyɩmma ma hɛ mɩ lɛɛ? Wɩalɩŋ kala mɩ sɩ yie bʋlaa pɩma, mɩ tɩtɩa doluŋ lɛ dee mɩɩ bʋl. Wɩalɩŋ ma mɩ sɩɩ ŋaa, mɩ Nyɩmma sɩ hɛ mɩ lɛ nɩɩ ŋaa ŋɩɩ.

Jɔɔŋ 14:23

Ŋɩɩ nɛ Yesu bʋla pʋ, “Nɩɩ-la kala sɩ chomi, ʋ jaŋ tuto mɩ niiŋ wɩaa. Ʋ sɩ ŋaa ŋɩɩ, mɩ Nyɩmma ma jaŋ chou. Mɩ dɩ mɩ Nyɩmma kala jaŋ kʋ hɛ ʋ lɛ.

Jɔɔŋ 15:9

Mɩ choma arɩ mɩ Nyɩmma sɩ chomi ŋɩɩ nɛ. Ŋɩɩ wɩaa, má mɛrɛ mɩ lɛ dɩ mɩ choma a kaa mʋ wuu.

Jɔɔŋ 16:27

bɛɛ wɩaa mɩ Nyɩmma tɩtɩa ma choma nɛ. Ma chomi nɛ a laa mɩ wɩaa dii arɩ mɩ lɩɩ ʋ teeŋ nɛ. Ŋɩɩ nɛ tɩɩ ʋ ma choma.

Jɔɔŋ 17:11

Lɛɛlɛ mɩɩ kɔ ŋ teeŋ nɛ, mɩ bɩra bɩ jaŋ hɛ dʋnɩa lɛ, ama ba-na jaŋ hɛ dʋnɩa lɛ. Mɩ Nyɩmma, ŋ nɛ ŋaa Nɩɩ-la sɩ bɩ disiniŋ kɛnɛ. Beŋ nɩalɩŋ ŋ sɩ lɩɩsa pɩmɛ nyuŋ woruŋ ŋ doluŋ lɛ, a leŋ dɩ ba ŋaa kʋbala, arɩ mɩ dɩŋ kala sɩ ŋaa kʋbala ŋɩɩ.

Jɔɔŋ 17:21

Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Jɔɔŋ 17:24

Mɩ Nyɩmma, ŋ paala chomi nɛ a leŋ mɩ laa yɩrɩŋ, ka dʋnɩa-na suomi. Mɩ saa chɛ dɩ ŋ leŋ dɩ nɩalɩŋ ŋ sɩ lɩɩsa pɩmɛ, dɩ ba hɛ mɩ teeŋ lee na-kala mɩ sɩ jaŋ hɛ nɛ, dɩ ba wuo na ŋɩɩ ŋ sɩ leŋe mɩ laa yɩrɩŋ.

Jɔɔŋ 17:26

Mɩ saa ŋaa ba jɩmɩŋ nɛ, mɩ ha jaŋ leŋ dɩ ba jɩmɩŋ, dɩ ŋɩɩ ŋ sɩ chomi, dɩ ba ma cho dɔŋɔ, dɩ mɩ hɛ ba lɛ.”

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 17:8

Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ.

Jɔɔŋ 3:17

Wɩa bɩ ʋ Bie ta dɩ ʋ kʋ tuu laa dʋnɩa nɩaa wɩaa jɩŋ, ama dɩ ʋ laa dʋnɩa nɩaa ta.

Jɔɔŋ 6:56

Nɩɩ-la kala sɩ chaŋ mɩ yaraa nammɩa-la a nyʋa mɩ chal-la, ʋ jaŋ hɛ mɩ lɛ, dɩ mɩ ma hɛ ʋ lɛ.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Galiisia Nɩaa 3:28

Lɛɛlɛ, la bɩra bɩ nɩaa kaa pʋpɔrɛ. Dɩ ŋ ŋaa Juu tɩɩna koo dɩ ŋ bɩ ŋaa, dɩ ŋ ŋaa yoŋ koo dɩ ŋ tɩɩ ŋ tɩtɩa, dɩ ŋ ŋaa haal koo baal, ma kala ŋaa kʋbala nɛ Kirisito Yesu teeŋ.

Fɩlɩpa Nɩaa 3:15

Ʋ maga dɩ la nɩalɩŋ kala sɩ waa Kirisito wɩaa lɛ bɩbɩɩnɛ wɩaa deemba nɛ. Dɩ ma dɔnsʋŋ nɩɩ bɩɩnɛ wɩɩ dɔŋ ma, Wɩa jaŋ kɛŋ wɩɩŋ deeŋ pʋlla pɩma.

Koloosi Nɩaa 1:28

Ʋ wɩaa nɛ la bʋla pɩpɩ nɩaa. Laa kpʋrɩsɛ nʋʋkala dɩgɩlaa, aa dagɛ nʋʋ na-kala arɩ wʋjɩmɩɩ-na kala, dɩ la wuo ŋaa ba waa dɛrɛ Kirisito wɩaa lɛ.

Koloosi Nɩaa 2:2

Mɩɩ chɛ dɩ ba kɛŋ bɔɩ-duoŋ a kɛŋ nii-bala a cho dɔŋɔ, a wuo jɩŋ wɩaa sɩaa woruŋ a mʋ dɛrɛ, a jɩŋ wɩɩ-la Wɩa sɩ joŋo faa bʋbʋɔŋ, wɩɩ-la nɛ ŋaa Kirisito.

Koloosi Nɩaa 3:14

Wɩaa deemba kala wʋnyuŋ nɛ chonuŋ. Chonuŋ nɛ jaŋ pɩma doluŋ dɩ ma wuo ŋaa wɩaa deemba kala woruŋ.

1 Pɩɩta 5:10

Hɛɛŋ deeŋ ma sɩɩ na bɩ jaŋ dieni. Ʋ ŋɩɩ harɩŋ lɛ, Wɩa sɩ kɛŋ zile kɩŋkɛŋ kɩŋkɛŋ a yɩrɛma dɩ ma ma na tʋla-la Kirisito sɩ kɛnɛ a kaa mʋ wuu. Ʋ nɛ jaŋ kɛmma wasa kɩɩ, a leŋ dɩ ma chaasa chɩŋ arɩ doluŋ.

1 Jɔɔŋ 1:3

Wɩalɩŋ la sɩ na aŋ nɩɩ ma, ba nɛ la bʋlaa pɩma, dɩ ma wuo jʋʋ la tʋɔŋ dɩ la kala kɛŋ nii-bala. La dɩ la Nyɩmma Wɩa arɩ ʋ Bie Yesu Kirisito kɛŋ nii-bala nɛ.

1 Jɔɔŋ 3:1

Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.

1 Jɔɔŋ 4:19

Wɩa nɛ laa sɩpaaŋ chola. Ŋɩɩ nɛ tɩɩ la ma wuo cho Wɩa arɩ nɩaa.

Jɔɔŋ Wʋnaalaa 3:9

Má bee na, mɩ jaŋ leŋ dɩ nɩalɩŋ sɩɩ to Sɩtaanɩ a nyɩɛ wɩaa arɩ ba ŋaa Juu tɩŋŋaa nɛ aŋ bɩ Juu tɩmma ŋaa, kpirimi ma sɩpaaŋ, dɩ ba jɩŋ arɩ mɩ choma nɛ.