Jɔɔŋ 17:21 - WƖA TENIŊ

²¹ Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Jɔɔŋ 17:21 ပူးပေါင်းရင်းမြစ်များ

JƐRƖMAAYA 32:39

Mɩ jaŋ leŋ dɩ ba kɛŋ tʋɔ-bala a ŋɩŋaa wʋbala sɩ jaŋ leŋ dɩ ba fɩfámɛ bʋa na-kala, dɩ ŋɩɩ ŋaa wʋzɔŋ a pɩ ba dɩ ba doho nɩaa ba ha sɩ jaŋ lʋl.

ZEFANAAYA 3:9

Ŋɩɩ lɛ nɛ mɩ jaŋ kɛŋ nɩaa deemba niiree bɩrɩmɛ, dɩ ba kala yɩyɩrɛ mɩ-na ba TƖƖNA yɩrɩŋ, a tɩma pɩpɩmɛ arɩ nii-bala.

ZƐKARƖYA 14:9

La TƖƖNA jaŋ ŋaa dʋnɩa kala kuoro. Tapʋlɩɩ-la, La TƖƖNA dʋndʋŋa nɛ jaŋ hɛ nɩmɛ, ʋ yɩrɩŋ dʋndʋŋa nɛ ba jaŋ yɩyɩrɛ.

Maak 3:24

Dɩ tinteeŋ nɩaa nɛ hɛ nɩmɛ a bɩ nii-bala kɛnɛ, ba taŋ jaŋ tel.

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 10:30

Mɩ dɩ mɩ Nyɩmma kala ŋaa kʋbala nɛ.”

Jɔɔŋ 10:38

Ama dɩ mɩ nɩɩ tɩŋ mɩ Nyɩmma tɩntɩŋŋaa, má laa mɩ wɩaa dii a tɩŋ tɩntɩmɩɩ-la mɩ sɩɩ tɩŋ wɩaa, arɩ ma sɩ́ bɩ wɩalɩŋ mɩ sɩ bʋla pɩma laa dii kala. Ŋɩɩ lɛ nɛ ma jaŋ wuo to jɩŋ a laa dii arɩ mɩ Nyɩmma hɛ mɩ lɛ nɛ, mɩ ma hɛ ʋ lɛ.”

Jɔɔŋ 11:42

Mɩ jɩma arɩ ŋŋ jegili mɩ teeŋ nɛ bʋa na-kala lɛ. Ama mɩ bʋl wɩɩŋ deeŋ a tɩŋ nɩalɩŋ sɩ hɛ daha wɩaa nɛ, dɩ ba wuo laa dii arɩ ŋ nɛ tɩmmɛ.”

Jɔɔŋ 13:32

Mɩ sɩ jaŋ dagɛ Wɩa doluŋ sɩ magɛ ŋɩɩ, ŋɩɩ nɛ Wɩa ma jaŋ dagɛ mɩ-na Nuhuobiine Bie doluŋ sɩ maga. Ʋ jaŋ ŋaa ŋɩɩ lɩma.

Jɔɔŋ 13:35

Dɩ ma nɛ cho dɔŋɔ, ŋɩɩ lɛ nɛ nɩaa kala jaŋ to jɩŋ arɩ ma sɛnɛ ŋaa mɩ harɩ-tooroo nɛ.”

Jɔɔŋ 17:11

Lɛɛlɛ mɩɩ kɔ ŋ teeŋ nɛ, mɩ bɩra bɩ jaŋ hɛ dʋnɩa lɛ, ama ba-na jaŋ hɛ dʋnɩa lɛ. Mɩ Nyɩmma, ŋ nɛ ŋaa Nɩɩ-la sɩ bɩ disiniŋ kɛnɛ. Beŋ nɩalɩŋ ŋ sɩ lɩɩsa pɩmɛ nyuŋ woruŋ ŋ doluŋ lɛ, a leŋ dɩ ba ŋaa kʋbala, arɩ mɩ dɩŋ kala sɩ ŋaa kʋbala ŋɩɩ.

Jɔɔŋ 17:18

Ŋ nɛ tɩmmɛ dʋnɩa nɩaa teeŋ, ŋɩɩ tɩtɩa nɛ mɩ ma tɩmba dʋnɩa nɩaa teeŋ.

Jɔɔŋ 17:20

Mɩ bɩŋ sʋla pɩpɩ ba dʋndʋŋ, mɩ pɛ sʋlaa pɩ nɩalɩŋ ma sɩ jaŋ nɩɩ ba niiŋ wɩaa a laa dii nɛ.

Jɔɔŋ 17:25

Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 17:8

Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ.

Jɔɔŋ 3:17

Wɩa bɩ ʋ Bie ta dɩ ʋ kʋ tuu laa dʋnɩa nɩaa wɩaa jɩŋ, ama dɩ ʋ laa dʋnɩa nɩaa ta.

Jɔɔŋ 5:23

Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Tɩntɩŋŋaa 2:46

Tapʋlɩɩ kala ba yie mʋ hilimi Wɩa dɩɩ-bal-la lɛ arɩ ba dɩɩsɩŋ ma lɛ, a kɛŋ tʋɔ-bala a didii kʋdiile-la Kirisito fa sɩ́ sɩ ba dii a liliisi ʋ wɩaa arɩ tʋɔtɔrʋŋ,

Tɩntɩŋŋaa 4:32

Nɩalɩŋ kala fa sɩ laa Yesu wɩaa dii, ba kala kɛŋ tʋɔ-bala arɩ nii-bala. Dɩ nʋʋ nɛ kɛŋ kʋŋ ma, ʋ bɩ jaŋ bʋl ʋ nɛ tɩɩ kʋa deeŋ, ba kala nɛ yie tɩɩʋ.

Rom Tɩŋŋaa 12:5

Ŋɩɩ tɩtɩa nɛ la ma nagɛ. La yʋga nɛ, aŋ ka la kala mɛrɛ Kirisito lɛ a ŋaa kʋbala. La ŋaa nɩ-dabaŋ dabamba nɛ a mɛrɛ dɔŋɔ lɛ a ŋaa yarɩ-bala.

1 Kɔrɩntɩ Nɩaa 1:10

Mɩ naambiiriŋ, mɩɩ sʋl ma kala La Tɩɩna Yesu Kirisito yɩrɩŋ lɛ, dɩ ma kala kɛŋ nii-bala a sɩ́ dɔŋɔ lɛ pɔrʋ. Mɩɩ sʋlma dɩ ma kɛŋ tʋɔ-bala a chɩŋ wʋbala lɛ.

1 Kɔrɩntɩ Nɩaa 12:12

Nuhuobiine yaraa ŋaa kʋbala nɛ, ama ʋ nandaasɩŋ yʋga nɛ. La yaraa nandaasɩŋ sɩ yʋga ŋɩɩ, ba kala pɛ dɔŋɔ lɛ nɛ a ŋaa yarɩ-bala. Ŋɩɩ tɩtɩa nɛ Kirisito ma nagɛ.

1 Kɔrɩntɩ Nɩaa 6:17

Ŋɩɩ tɩtɩa nɛ nɩɩ-la sɩ kɛŋ ʋ tɩtɩa mʋ mɛrɛ La Tɩɩna Kirisito lɛ, ʋ dɩ ʋ ŋaa kʋbala nɛ Wɩa Dɩŋ-zɔŋ-la doluŋ lɛ.

Galiisia Nɩaa 3:28

Lɛɛlɛ, la bɩra bɩ nɩaa kaa pʋpɔrɛ. Dɩ ŋ ŋaa Juu tɩɩna koo dɩ ŋ bɩ ŋaa, dɩ ŋ ŋaa yoŋ koo dɩ ŋ tɩɩ ŋ tɩtɩa, dɩ ŋ ŋaa haal koo baal, ma kala ŋaa kʋbala nɛ Kirisito Yesu teeŋ.

Fɩlɩpa Nɩaa 1:27

Wɩɩ-la sɩ ŋaa sɩɩfɩɛsɩŋ nɛ, má leŋ dɩ ma wʋŋaalaa tuto Kirisito wʋzɔmɔ-la mɩ sɩ bʋla pɩma. Dɩ ma nɩɩ ŋaa ŋɩɩ, dɩ mɩ nɛ hɛ ma teeŋ koo dɩ mɩ tuo, mɩ jaŋ wuo nɩɩ arɩ ma faasa chɩŋ nɛ kpaŋ kpaŋ a kɛŋ nii-bala, a leŋ ma tʋɔbɩɩnaa ŋaa kʋbala, a faasa hɛ doluŋ a pɩpɛ dɔŋɔ lɛ a mʋ tɩgɛ Wɩa wʋzɔmɔ-la ma sɩ laa dii lɛ.

1 Jɔɔŋ 1:3

Wɩalɩŋ la sɩ na aŋ nɩɩ ma, ba nɛ la bʋlaa pɩma, dɩ ma wuo jʋʋ la tʋɔŋ dɩ la kala kɛŋ nii-bala. La dɩ la Nyɩmma Wɩa arɩ ʋ Bie Yesu Kirisito kɛŋ nii-bala nɛ.

1 Jɔɔŋ 5:7

Kɩaa batori nɛ hɛ nɩmɛ a dɩdagɛ wɩɩŋ deeŋ.