Jɔɔŋ 17:20 - WƖA TENIŊ

²⁰ Mɩ bɩŋ sʋla pɩpɩ ba dʋndʋŋ, mɩ pɛ sʋlaa pɩ nɩalɩŋ ma sɩ jaŋ nɩɩ ba niiŋ wɩaa a laa dii nɛ.

Jɔɔŋ 17:20 ပူးပေါင်းရင်းမြစ်များ

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 17:19

Mɩ joŋ mɩ mɩɩsɩŋ nɛ a yɔɔ sʋʋŋ ba wɩaa. Mɩ ŋaa ŋɩɩ dɩ ba ma kɛŋ ba tɩtɩa hɛ dɔŋɔ dɩ ba joŋ ba mɩɩsɩŋ yɔɔ sʋʋŋ wʋtɩtɩɩ wɩaa nɛ.

Jɔɔŋ 17:21

Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Tɩntɩŋŋaa 2:41

Ba tʋɔŋ nɩaa yʋga a laa wɩalɩŋ ʋ sɩ bʋla dii, ba foba Wɩɩchʋɔlɛ lɩɩŋ. Tapʋlɩɩ-la nɩaa yi bʋɩ batori a kʋ pɛ nɩalɩŋ sɩ laa Yesu wɩaa dii lɛ.

Tɩntɩŋŋaa 4:4

Ka nɩalɩŋ sɩ nɩɩ wɩalɩŋ ba sɩ bʋla, nɩaa yʋga ba tʋɔŋ a laa Yesu wɩaa dii. Nɩalɩŋ sɩ laa wɩalɩŋ dii, ba tʋɔŋ baalaa pʋŋa yi bʋɩ banɔŋ.

Rom Tɩŋŋaa 16:26

ama lɛɛlɛ ʋ kaa kʋ lɩɩ pʋlʋmʋŋ tʋɔŋ nɛ. Wɩa leŋe ba bʋla pɩ dʋnɩa nɩaa kala nɛ dɩ ba laa wɩalɩŋ dii a tutoba. Wɩa wʋlaabʋllaa fa ŋmʋnsɛ wɩaa a tɩgɛ wɩaa deemba lɛ nɛ Wɩa teniŋ tʋɔŋ.

Ɛfɛsɩs Nɩaa 4:11

Kirisito lɩɩsɛ nɩaa dɔnsʋŋ ba ŋaa ʋ nanzɔɔba, dɔnsʋŋ ma ŋaa Wɩa wʋlaabʋllaa, a leŋ dɔnsʋŋ ma gɔllɔ bʋl Wɩa wɩaa a pɩpɩ nɩaa, dɔnsʋŋ ma bibeŋ nɩalɩŋ sɩ laa ʋ wɩaa dii, ka dɔnsʋŋ ma dɩdagɛ nɩalɩŋ sɩ laa ʋ-na Yesu wɩaa dii.

2 Timoti 1:2

Mɩ ŋmʋnsɛ teniŋ deeŋ a pɩpɩ ŋ-na mɩ bii-chooluŋ Timoti nɛ. La Nyɩmma Wɩa arɩ La Tɩɩna Yesu Kirisito lahɔrɩmɔ lɛ, ba jaŋ fáŋ nenige a leŋ dɩ ŋ hɔŋ arɩ yarɩfɩɛlaa.