Jɔɔŋ 17:17 - WƖA TENIŊ

¹⁷ Ŋ niiŋ wɩaa ŋaa wʋtɩtɩɩba nɛ. Dagɛba, dɩ ba bɩra sɩ́ disiniŋ kɛŋ.

Jɔɔŋ 17:17 ပူးပေါင်းရင်းမြစ်များ

2 SAMƲƐL 7:28

La TƖƖNA Wɩɩjarɩbakɔ, ŋ nɛ Wɩa. Ŋ niiŋ wɩaa ŋaa wʋtɩtɩɩba nɛ, ŋɩɩ nɛ ŋ hɛ niiŋ arɩ ŋ jaŋ ŋaa wʋzɔŋŋɔɔ deemba a pɩ mɩ-na ŋ tɩntɩnna.

WƖA YƖƖLAA 119:104

Wɩalɩŋ ŋ sɩ daga nɛ leŋe mɩ jɩŋ wɩaa sɩaa, ŋɩɩ wɩaa mɩ bɛrɛ wʋbɔŋŋɔɔ wombiiŋ nɛ woruŋ.

WƖA YƖƖLAA 119:11

Mɩ joŋ ŋ niiŋ wɩaa hɛ mɩ tʋɔŋ lɛ nɛ, dɩ ŋɩɩ leŋ dɩ mɩ sɩ́ wʋbɔŋ kala ŋaa chei ŋ lɛ.

WƖA YƖƖLAA 119:144

Wɩalɩŋ ŋ sɩ daga tʋʋla nɛ a kaa mʋ wuu. Pɛ mɩ lɛ dɩ mɩ jɩŋ ba sɩaa a kɛŋ mɩɩsɩŋ.

WƖA YƖƖLAA 119:160

Ŋ niiŋ wɩaa kala ŋaa wʋtɩtɩɩba nɛ, ŋ tʋɔpʋl wombie-la ŋ sɩ bile dɩ la tuto hɛ nɩmɛ a kaa mʋ wuu.

WƖA YƖƖLAA 119:9

Ɛɛ nɛ bapʋɔsɩ-bie jaŋ ŋaa a sɩ́ disiniŋ kɛŋ? See dɩ ʋ kɛŋ wɩalɩŋ ŋ sɩ daga tɩtɩŋ.

WƖA YƖƖLAA 12:6

La Tɩɩna wʋbʋlaa ŋaa wʋtɩtɩɩba nɛ, a nagɛ hɔpʋla ba sɩ chɔ naansɩɩŋ bʋlɩpɛ a lɩɩsɛ disiniŋ ta.

Luuk 8:11

Namaga-la bʋbʋɔŋ nɛ ŋ-la: Wɩa niiŋ wɩaa nɛ ŋaa kʋdoho-la.

Luuk 8:15

Kɩalɩŋ sɩ tel tintee-zɔmʋŋ tʋɔŋ ma nɛ ŋaa nɩalɩŋ sɩ nɩɩ Wɩa niiŋ wɩalɩŋ a laaba hɛ ba tʋɔŋ lɛ a tutoba, a pɛsɛ wɩalɩŋ lɛ halɩɩ, ba kɛŋ doho.”

Jɔɔŋ 15:3

Ma paala bɩra bɩ disiniŋ kɛnɛ a tɩŋ wɩalɩŋ mɩ sɩ bʋla pɩma.

Jɔɔŋ 17:19

Mɩ joŋ mɩ mɩɩsɩŋ nɛ a yɔɔ sʋʋŋ ba wɩaa. Mɩ ŋaa ŋɩɩ dɩ ba ma kɛŋ ba tɩtɩa hɛ dɔŋɔ dɩ ba joŋ ba mɩɩsɩŋ yɔɔ sʋʋŋ wʋtɩtɩɩ wɩaa nɛ.

Jɔɔŋ 8:32

Ma jaŋ jɩŋ wʋtɩtɩɩ. Wʋtɩtɩɩ-la saa jaŋ laama ta dɩ ma tɩɩ ma tɩtɩa.”

Jɔɔŋ 8:40

Mɩ bʋl wʋtɩtɩɩ nɛ pɩma, wɩalɩŋ Wɩa sɩ dagɛmɛ. A tɩŋ wɩɩŋ deeŋ wɩaa nɛ maa chɛ dɩ ma kpʋmɛ. Abɩraham fa bɩ ŋɩɩ ŋaa.

Tɩntɩŋŋaa 15:9

Ʋ bɩ nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kaa pɔrɛ. Nɩalɩŋ sɩ bɩ Juu tɩŋŋaa ŋaa ma laa Yesu wɩaa dii nɛ, ŋɩɩ nɛ tɩɩ ʋ joŋ ba ma wʋbɔŋŋɔɔ chɛba.

2 Kɔrɩntɩ Nɩaa 3:18

La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.

Ɛfɛsɩs Nɩaa 4:21

Ma nɩɩ Yesu wɩaa nɛ, ba dagɛma wʋtɩtɩɩ-la kala sɩ mʋ tɩgɛ Yesu lɛ.

Ɛfɛsɩs Nɩaa 5:26

a pɩɩsɛ ba disiniŋ ta, a fo ba wʋbɔŋŋɔɔ kala ma ta arɩ lɩɩŋ, a tɩŋ Wɩa niiŋ wɩalɩŋ ba sɩ nɩa wɩaa.

2 Tɛsalonaaka Nɩaa 2:13

La naambiiri, ʋ maga dɩ la lɔllɛ Wɩa bʋa na-kala lɛ pɩpɩma nɛ, ma nɩalɩŋ La Tɩɩna Yesu sɩ cho. Ma nɛ Wɩa lɩɩsɛ bumbuŋ kala dɩ ʋ laama ta. Wɩa to ʋ Dɩŋ-zɔmʋŋ doluŋ lɛ dɩ ʋ leŋ dɩ ma ŋaa tʋɔpʋl tɩmma a tɩŋ ma sɩ laa wʋtɩtɩɩ-la dii wɩaa.

Jeems 1:21

Ŋɩɩ wɩaa, má lɩɩsɛ ma tɩtɩa wʋbɔŋ wʋŋaalaa lɛ a vɩa wʋbɔmɔ-la kala sɩ gollima. Má kɛŋ ma tɩtɩa muuri Wɩa sɩpaaŋ a sɛɩ Wɩa niiŋ wɩalɩŋ ʋ sɩ dagɛma, wɩalɩŋ sɩ jaŋ wuo laama ta.