Jɔɔŋ 17:13 - WƖA TENIŊ

¹³ Lɛɛlɛ saa mɩɩ kɔ ŋ teeŋ nɛ. Mɩ ha sɩ hɛ dʋnɩa lɛ ŋɩɩ, ŋɩɩ nɛ mɩ bʋl wɩaa deemba pɩba dɩ ba tʋɔŋ faasa tɔrɛ, arɩ mɩ tʋɔŋ sɩ tɔrɔ ŋɩɩ.

Jɔɔŋ 17:13 ပူးပေါင်းရင်းမြစ်များ

NƐHƖMAAYA 8:10

Nɛhɩmaaya bɩra bʋla pɩba, “Má mʋ dii kʋdii-sɩŋŋaa, a nyʋa sɩ-zɔmʋŋ aŋ ŋaa dɔnsʋŋ mʋ pɩ nɩalɩŋ sɩ bɩ kʋŋ kɛnɛ. Jɩnɩŋ ŋaa tapʋl-zɔŋ nɛ a pɩ La TƖƖNA. Má sɩ́ leŋe dɩ ma tʋɔŋ chei, bɛɛ wɩaa tʋɔtɔrʋ-la ma sɩ kɛnɛ La TƖƖNA lɛ ʋ nɛ ŋaa ma doluŋ.”

WƖA YƖƖLAA 126:5

Nɩalɩŋ sɩ duu kɩaa arɩ tʋɔ-cheeŋ, ba jaŋ ŋaa kɩalɩŋ arɩ tʋɔtɔrʋŋ.

WƖA YƖƖLAA 43:4

Ŋɩɩ lɛ nɛ mɩ jaŋ mʋ ŋ-na Wɩa koru-la leriŋ a dɛnnɩŋ. Ŋ nɛ leŋe mɩ tʋɔŋ tɔrɛ mɩ jʋjʋɔsɛ. Ŋ nɛ mɩ Wɩa mɩ jaŋ du cheŋ a dɛnnɩŋ.

Jɔɔŋ 13:3

Yesu fa jɩma arɩ ʋ Nyɩmma joŋ kʋŋkala doluŋ hɛ ʋ nɩsɩŋ lɛ nɛ. Ʋ jɩma ʋ lɩɩ Wɩa teeŋ nɛ, a bɩra jɩŋ arɩ ʋ jaŋ mɩɩra mʋ Wɩa teeŋ.

Jɔɔŋ 15:11

Mɩ bʋl wɩaa deemba pɩma dɩ ma kɛŋ tʋɔtɔrʋ-la mɩ sɩ joŋo pɩma nɛ. Ŋɩɩ nɛ ma tʋɔŋ jaŋ faasa tɔrɛ woruŋ a mʋ dɛrɛ.

Jɔɔŋ 16:33

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

Jɔɔŋ 17:11

Lɛɛlɛ mɩɩ kɔ ŋ teeŋ nɛ, mɩ bɩra bɩ jaŋ hɛ dʋnɩa lɛ, ama ba-na jaŋ hɛ dʋnɩa lɛ. Mɩ Nyɩmma, ŋ nɛ ŋaa Nɩɩ-la sɩ bɩ disiniŋ kɛnɛ. Beŋ nɩalɩŋ ŋ sɩ lɩɩsa pɩmɛ nyuŋ woruŋ ŋ doluŋ lɛ, a leŋ dɩ ba ŋaa kʋbala, arɩ mɩ dɩŋ kala sɩ ŋaa kʋbala ŋɩɩ.

Jɔɔŋ 3:29

Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

Jɔɔŋ 7:33

Yesu bʋla pɩ nɩ-daŋ-la, “Mɩ jaŋ hɛ ma teeŋ tapʋlaa baŋmɛnɛ, aŋ mɩɩra mʋ nɩɩ-la sɩ tɩmmɛ teeŋ.

Tɩntɩŋŋaa 13:52

Ka nɩalɩŋ sɩ laa Yesu wɩaa dii Antɩɔk lɛ tʋɔŋ kala tɔrɛ. Wɩa Dɩŋ-zɔmʋŋ ma hɛ ba lɛ woruŋ.

Rom Tɩŋŋaa 14:17

Kʋdiile-la la sɩɩ dii arɩ kɩalɩŋ la sɩɩ nyʋa bɩ sɩɩfɩaŋ wɩɩ ŋaa Wɩa kuorii-la tʋɔŋ. Wɩalɩŋ sɩ ŋaa sɩɩfɩaŋ wɩaa nɛ ŋ-la: Dɩ la kɛŋ tʋɔpʋla Wɩa sɩpaaŋ, a kɛŋ nii-bala, aŋ pɛ kɛŋ tʋɔtɔrʋŋ ma Wɩa Dɩŋ-zɔmʋŋ doluŋ lɛ.

Galiisia Nɩaa 5:22

Ama dɩ Wɩa Dɩŋ-zɔmʋŋ nɛ hɛ nʋʋ lɛ, ʋ yie ŋaa ʋ cho nɩaa nɛ, a kɛŋ tʋɔtɔrʋŋ, a fɩɛla hɔŋ sɔm, a kɛŋ kenyiri, a kɛŋ zile, a ŋɩŋaa wʋzɔŋŋɔɔ, a kɛŋ wʋtɩtɩɩ,

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

1 Jɔɔŋ 1:4

Laa chɛ dɩ la tʋɔŋ faasa tɔrɛ nɛ woruŋ, ŋɩɩ nɛ tɩɩ la ŋmʋnsɛ wɩɩŋ deeŋ pɩpɩma.

2 Jɔɔŋ 1:12

Mɩ kɛŋ wɩaa yʋgɛ nɛ mɩ sɩɩ chɛ dɩ mɩ bʋla pɩma. Ama mɩ bɩ chɛ dɩ mɩ ŋmʋnsɛ ba kala teniŋ tʋɔŋ. Mɩɩ chɛ dɩ mɩ tɩtɩa kʋ yi ma nɛ a bʋla pɩma, dɩ la kala tʋɔŋ faasa tɔrɛ.