Jɔɔŋ 17:12 - WƖA TENIŊ

¹² Mɩ sɩ hɛ ba teeŋ, mɩ beŋ ba nyuŋ nɛ woruŋ ŋ doluŋ lɛ, dol-la ŋ sɩ joŋo pɩmɛ nɛ mɩ kaa bemba. Mɩ sɩ ŋaa ŋɩɩ, ba kʋbala ma bɩ lɛlɛ, see nɩɩ-la sɩ maga dɩ ʋ lɛl, dɩ wɩalɩŋ ba fa sɩ ŋmʋnsa Wɩa teniŋ tʋɔŋ sɛnɛ ŋaa.

Jɔɔŋ 17:12 ပူးပေါင်းရင်းမြစ်များ

WƖA YƖƖLAA 41:9

Mɩ nandɔŋ-fɩɛmɩŋ mɩ sɩ laa dii, mɩ dɩ ʋ didii kɩaa, ma paala vɩamɛ nɛ.

Jɔɔŋ 13:18

Ma kala dee mɩ bʋl arɩ ma jaŋ kɛŋ tʋɔtɔrʋŋ. Mɩ jɩŋ nɩalɩŋ mɩ sɩ lɩɩsa nɛ. Wɩɩ-la ba sɩ ŋmʋnsa Wɩa teniŋ tʋɔŋ sɛnɛ jaŋ ŋaa wʋtɩtɩɩ. Ba bʋla arɩ la dɩ nɩɩ-la kala sɩ pɛ dɔŋɔ lɛ dii kʋdiilee nɛ jaŋ mɩɩra sii chɩŋ mɩ lɛ.

Jɔɔŋ 17:6

Mɩ leŋe nɩalɩŋ ŋ sɩ lɩɩsa pɩmɛ dʋnɩa nɩaa tʋɔŋ jɩmɩŋ nɛ. Ba fa ŋaa ŋ kɩaa nɛ, ŋ nɛ lɩɩsɛba pɩmɛ. Ba sɛɩ ŋ niiŋ wɩaa.

Jɔɔŋ 18:9

(Ʋ bʋl ŋɩɩ dɩ wɩɩ-la ʋ fa sɩ bʋla, dɩ ʋ sɛnɛ ŋaa wʋtɩtɩɩ nɛ. Ʋ fa sɩ, “Nɩalɩŋ kala Wɩa sɩ lɩɩsa pɩmɛ, ba kʋŋkala bɩ lɛlɛ).”

Jɔɔŋ 6:37

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta,

Tɩntɩŋŋaa 1:25

dɩ ʋ ŋaa ŋ nanzɔɔ dɔŋɔ a laa Judas nyuŋ, a tɩtɩŋ ʋ tɩntɩŋŋaa, tɩntɩmɩɩ-la Judas sɩ vɩa aŋ mʋ ʋ dɩ-mʋʋlʋŋ.”

Fɩlɩpa Nɩaa 2:9

A tɩŋ wɩɩŋ deeŋ wɩaa Wɩa chɩsʋ sʋʋŋ lɛ nɛ a kɛnʋ kaa jɩl Wɩa-jaŋ, a pʋ yɩrɩ-la sɩ yʋga kɩɩ yɩrɩ na-kala.

2 Tɛsalonaaka Nɩaa 2:3

Má sɩ́ leŋe dɩ nʋʋkala nyɩsɛma wombii kala lɛ. Tapʋlɩɩ-la bɩ jaŋ yi, see dɩ nɩaa sii ŋaa taawɛɩ a vɩa Wɩa. Ŋɩɩ harɩŋ lɛ wʋbɔŋŋɔɔ kuoro, nɩɩ-la Wɩa sɩ jaŋ joŋo hɛ nyiniŋ lɛ, jaŋ kɛŋ ʋ tɩtɩa kaa dagɛ nɩaa.

Hiburu TƖŊŊAA 2:13

Ʋ bɩra bʋla, “Mɩ jaŋ joŋ mɩ yɩɛlaa kala hɛ Wɩa lɛ,” a bɩra bʋl, “Na mɩ dɩ ŋ biiri-la kala ŋ sɩ joŋo pɩmɛ nɛ ŋ-la.”

1 Jɔɔŋ 2:19

Ba lɩɩ la tʋɔŋ nɛ, ama la dɩ ba fa bɩ kʋbala ŋaa. Dɩ la dɩ ba nɛ fa ŋaa kʋbala, ba ma fa ha jaŋ hɛ la tʋɔŋ. Ama ba sɩ lɩɩ la tʋɔŋ nɛ daga arɩ la dɩ ba bɩ kʋbala ŋaa.

Jɔɔŋ Wʋnaalaa 19:12

Ʋ sɩaa kala chuchol a nagɛ nyiŋgeliŋ, aŋ ka ʋ chu kuori-nyunchuuluŋ a yʋgɛ. Ba ŋmʋnsɛ yɩrɩŋ hɛ ʋ lɛ, ama nʋʋkala bɩ yɩrɩ-la jɩŋ, see ʋ tɩtɩa.