Jɔɔŋ 17:11 - WƖA TENIŊ

¹¹ Lɛɛlɛ mɩɩ kɔ ŋ teeŋ nɛ, mɩ bɩra bɩ jaŋ hɛ dʋnɩa lɛ, ama ba-na jaŋ hɛ dʋnɩa lɛ. Mɩ Nyɩmma, ŋ nɛ ŋaa Nɩɩ-la sɩ bɩ disiniŋ kɛnɛ. Beŋ nɩalɩŋ ŋ sɩ lɩɩsa pɩmɛ nyuŋ woruŋ ŋ doluŋ lɛ, a leŋ dɩ ba ŋaa kʋbala, arɩ mɩ dɩŋ kala sɩ ŋaa kʋbala ŋɩɩ.

Jɔɔŋ 17:11 ပူးပေါင်းရင်းမြစ်များ

WƖA YƖƖLAA 79:9

Wɩa, la Laataara, pɛ la lɛ a tɩŋ ŋ yɩrɩ-balɩŋ wɩaa. Laala ta, a joŋ la wʋbɔŋŋɔɔ chɛla a tɩŋ ŋ yɩrɩŋ wɩaa.

NAMAGABA 18:10

La Tɩɩna yɩrɩŋ kɛŋ doluŋ a nagɛ dɩɩ-leŋiŋ nɛ, tʋɔpʋl tɩŋŋaa yie fá jʋʋ faa nɩmɛ, wɩɩkala bɩ ba lɛ ŋaa.

AZAAYA 27:3

“Mɩ beŋ ʋ nyuŋ nɛ, a ŋaa lɩɩŋ hɩhɛ ʋ lɛ bʋa na-kala. Mɩ yie pɔʋ nɛ tɩtaŋɩŋ arɩ wɩɩhɛyɛ kala, dɩ nʋʋ sɩ́ wʋbɔŋ joŋo ŋaa ʋ lɛ.

AZAAYA 64:2

Dɩ ŋ nɛ kʋ tuu, ba jaŋ chel ŋ sɩpaaŋ a nagɛ ba sɩ chɔ lɩɩŋ ʋ wuwulimi. Kʋ tuu a dagɛ ŋ doluŋ dɩ ŋ dʋndɔŋŋɔɔ jɩmɩŋ, aŋ ŋaa dɩ tinteyee nɩaa kala chichel ŋ sɩpaaŋ.

JƐRƖMAAYA 14:21

A tɩŋ ŋ yɩrɩŋ wɩaa, sɩ́ la vɩa ta. Sɩ́ hɩɩsɩŋ joŋo hɛ ŋ kuoru kpasa sɩ kɛŋ yɩrɩŋ lɛ. Liise yi nii-la ŋ sɩ hɛ la dɩ ŋ pɛgɛ lɛ a sɩ́ ʋ chei.

JƐRƖMAAYA 14:7

La wʋbɔŋŋɔɔ daga arɩ la ŋaa chei nɛ. La TƖƖNA, tɩŋ ŋ yɩrɩŋ wɩaa a ŋaa wɩɩ pɩla. La vɩa ŋ harɩŋ tonuŋ a yʋgɛ nɛ, la ŋaa wʋbɔŋŋɔɔ nɛ ŋ lɛ.

ƐZƖKƖƐL 20:22

Ama a tɩŋ mɩ yɩrɩŋ wɩaa, mɩ fa kɛŋ mɩ tɩtɩa nɛ dɩ mɩ sɩ́ wɩɩ ŋaa sɩ jaŋ leŋ dɩ mɩ yɩrɩŋ chei tinteye-la nɩaa sɩpaaŋ, nɩalɩŋ fa sɩɩ beŋ ka mɩ kɛŋ Iziral tɩŋŋaa kaa lɩɩ Ijipiti tinteeŋ lɛ.

ƐZƖKƖƐL 20:44

Ŋɩɩ nɛ ma jaŋ jɩŋ arɩ mɩ nɛ ma TƖƖNA: Dɩ mɩ nɛ tɩŋ mɩ yɩrɩŋ wɩaa a kɛmma woruŋ, a bɩ ma nɩbɔŋ wʋŋaalaa arɩ wʋbɔmɔ-la ma Iziral tɩŋŋaa sɩ ŋaa chɩmɩŋ joŋo tiŋ ma lɛ. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 20:9

Ama a tɩŋ mɩ yɩrɩŋ wɩaa, mɩ fa ŋaa wɩɩ-la sɩ jaŋ leŋ dɩ mɩ yɩrɩŋ sɩ́ chei nɛ, dɩ tinteye-la nɩaa tʋɔŋ ba sɩ guolo na, nɩalɩŋ tʋɔŋ mɩ sɩ kɛŋ mɩ tɩtɩa dagɛ Iziral tɩŋŋaa aŋ kɛmba kaa lɩɩ Ijipiti tinteeŋ lɛ.

Matiu 10:16

Ŋɩɩ nɛ Yesu bɩra bʋl, “Má jegile nɩɩ, ma nagɛ piesee nɛ, mɩɩ tɩmma dɩ ma mʋ guoli guŋgurusuŋ tʋɔŋ. Má saa kɛŋ wʋjɩmɩŋ a nagɛ dɩŋŋaa sɩ kɛŋ wʋjɩmɩŋ ŋɩɩ, aŋ leŋ dɩ ma sɩaa fɩɛlɛ a nagɛ kokosuŋ sɩaa sɩ fɩɛla ŋɩɩ.

Matiu 5:48

Ʋ maga dɩ ma ŋaa tʋɔpʋl tɩmma nɛ a sɩ́ wʋcheeli kala kɛŋ, arɩ ma Nyɩmma sɩ hɛ Wɩa-jaŋ sɩ ŋaa tʋɔpʋl Tɩɩna ŋɩɩ.”

Matiu 6:9

Ŋ-la nɛ maga dɩ ma chʋɔlɛ Wɩa: ‘La Nyɩmma sɩ hɛ Wɩa-jaŋ, leŋ dɩ ŋ yɩrɩŋ yɩrɛ.

Jɔɔŋ 13:1

Ʋ fa ka tapʋl-bala nɛ, ka dɩ Juu tɩŋŋaa dɩɩsɩŋ kiele bal gbiele-la yi. Yesu jɩma arɩ bʋa-la lɛ sɩ maga dɩ ʋ lɩɩ dʋnɩa deeŋ lɛ a mʋ ʋ Nyɩmma teeŋ yie nɛ. Ʋ cho nɩalɩŋ sɩɩ to ʋ harɩŋ nɛ dʋnɩa deeŋ lɛ. Bʋa deeŋ lɛ nɛ ʋ chaasa dagɛ chono-la kɩŋkɛŋ ʋ sɩ kɛnɛ arɩ ʋ harɩ-tooroo.

Jɔɔŋ 13:3

Yesu fa jɩma arɩ ʋ Nyɩmma joŋ kʋŋkala doluŋ hɛ ʋ nɩsɩŋ lɛ nɛ. Ʋ jɩma ʋ lɩɩ Wɩa teeŋ nɛ, a bɩra jɩŋ arɩ ʋ jaŋ mɩɩra mʋ Wɩa teeŋ.

Jɔɔŋ 14:20

Tapʋlɩɩ-la Wɩa sɩ jaŋ joŋ ʋ Dɩŋ-zɔmʋŋ hɛ ma lɛ nɛ, ma jaŋ jɩŋ arɩ mɩ hɛ mɩ Nyɩmma lɛ nɛ, ma ma hɛ mɩ lɛ, mɩ ma hɛ ma lɛ.

Jɔɔŋ 16:28

Mɩ lɩɩ mɩ Nyɩmma teeŋ nɛ a kʋ tuu dʋnɩa. Lɛɛlɛ mɩ saa jaŋ leŋ dʋnɩa aŋ mɩɩra mʋ mɩ Nyɩmma teeŋ.”

Jɔɔŋ 16:33

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

Jɔɔŋ 17:23

Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.

Jɔɔŋ 17:25

Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ.

Jɔɔŋ 17:6

Mɩ leŋe nɩalɩŋ ŋ sɩ lɩɩsa pɩmɛ dʋnɩa nɩaa tʋɔŋ jɩmɩŋ nɛ. Ba fa ŋaa ŋ kɩaa nɛ, ŋ nɛ lɩɩsɛba pɩmɛ. Ba sɛɩ ŋ niiŋ wɩaa.

Jɔɔŋ 7:33

Yesu bʋla pɩ nɩ-daŋ-la, “Mɩ jaŋ hɛ ma teeŋ tapʋlaa baŋmɛnɛ, aŋ mɩɩra mʋ nɩɩ-la sɩ tɩmmɛ teeŋ.

Tɩntɩŋŋaa 3:21

Ʋ maga dɩ ʋ hɛ Wɩa-jaŋ lɛ, see bʋa-la yie, dɩ Wɩa leŋ dɩ wɩɩkala sɩ hɛ dʋnɩa lɛ bɩrɩmɛ wʋfalɩɩ. Wɩa leŋe ʋ wʋlaabʋllaa bʋl wɩɩŋ deeŋ faafaa kala nɛ.

Rom Tɩŋŋaa 12:5

Ŋɩɩ tɩtɩa nɛ la ma nagɛ. La yʋga nɛ, aŋ ka la kala mɛrɛ Kirisito lɛ a ŋaa kʋbala. La ŋaa nɩ-dabaŋ dabamba nɛ a mɛrɛ dɔŋɔ lɛ a ŋaa yarɩ-bala.

Rom Tɩŋŋaa 9:17

bɛɛ wɩaa ba ŋmʋnsɛ Wɩa teniŋ tʋɔŋ a tɩgɛ Faaro lɛ arɩ Wɩa bʋla pʋ, “Wɩɩ-la sɩ tɩɩ mɩ leŋ ŋ dii kuoruŋ nɛ ŋ-la: mɩ ŋaa ŋɩɩ dɩ mɩ wuo to ŋ lɛ nɛ a dagɛ mɩ doluŋ, dɩ ba yɩrɛ mɩ yɩrɩŋ dʋnɩa kala lɛ.”

1 Kɔrɩntɩ Nɩaa 1:10

Mɩ naambiiriŋ, mɩɩ sʋl ma kala La Tɩɩna Yesu Kirisito yɩrɩŋ lɛ, dɩ ma kala kɛŋ nii-bala a sɩ́ dɔŋɔ lɛ pɔrʋ. Mɩɩ sʋlma dɩ ma kɛŋ tʋɔ-bala a chɩŋ wʋbala lɛ.

Galiisia Nɩaa 3:28

Lɛɛlɛ, la bɩra bɩ nɩaa kaa pʋpɔrɛ. Dɩ ŋ ŋaa Juu tɩɩna koo dɩ ŋ bɩ ŋaa, dɩ ŋ ŋaa yoŋ koo dɩ ŋ tɩɩ ŋ tɩtɩa, dɩ ŋ ŋaa haal koo baal, ma kala ŋaa kʋbala nɛ Kirisito Yesu teeŋ.

Ɛfɛsɩs Nɩaa 4:4

La kala ŋaa kʋbala nɛ a tɩŋ Kirisito wɩaa. Wɩa Dɩŋ-zɔŋ-la sɩ hɛ la lɛ, ma ŋaa kʋbala nɛ. Wɩa sɩ yɩrɛla ŋɩɩ, la kala ka yɩɛlɛ wʋbala nɛ.

Fɩlɩpa Nɩaa 2:9

A tɩŋ wɩɩŋ deeŋ wɩaa Wɩa chɩsʋ sʋʋŋ lɛ nɛ a kɛnʋ kaa jɩl Wɩa-jaŋ, a pʋ yɩrɩ-la sɩ yʋga kɩɩ yɩrɩ na-kala.

Hiburu TƖŊŊAA 1:3

Wɩa sɩ kɛŋ tʋla-la, ʋ nɛ ʋ Bie ma kɛŋ. Ŋɩɩ Wɩa sɩ naga, ŋɩɩ tɩtɩa nɛ ʋ Bie ma nagɛ. Wɩalɩŋ ʋ sɩɩ bʋl kɛŋ doluŋ, dol-la nɛ ʋ kaa beŋ kʋŋkala sɩ hɛ dʋnɩa lɛ. Ʋ sɩ pɩɩsɛ nɩaa disiniŋ ta dɛrɛ, ʋ jɩla hɔŋ Wɩa nadiiŋ, nɩduoŋ dɩhɔnʋŋ.

Hiburu TƖŊŊAA 9:24

Ʋ bɩ naga Kirisito jʋʋ lɛbɩ-la nuhuobiinee sɩ ŋaa nɛ. Nɩalɩŋ fa sɩ ŋaa lɛbɩ-la, ka chesi Wɩa dɩ-zɔŋ-la nɛ. Ama Kirisito jʋʋ Wɩa-jaŋ tɩtɩa nɛ, dɩ ʋ chɩŋ la nyuŋ Wɩa sɩpaaŋ.

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.

1 Pɩɩta 1:5

A tɩŋ ma sɩ laa ʋ wɩaa dii ŋɩɩ, Wɩa ka pɔma nɛ arɩ ʋ doluŋ. Dɩ dʋnɩa nɛ kʋ dɩdɛrɛ, ʋ jaŋ dagɛ nɩaa ŋɩɩ ʋ sɩ laama ta.

1 Jɔɔŋ 3:12

Ʋ bɩ maga dɩ la nagɛ Keeŋ. Ʋ fa ŋaa Sɩtaanɩ nʋʋ nɛ a kpʋ ʋ ŋaana. Bɛɛ nɛ tɩɩ ʋ kpʋʋ? Keeŋ faa ŋaa wʋbɔŋŋɔɔ nɛ, aŋ ka ʋ ŋaana fa ŋɩŋaa wʋzɔŋŋɔɔ. Ŋɩɩ nɛ tɩɩ ʋ kpʋʋ.

1 Jɔɔŋ 5:19

La jɩma la ŋaa Wɩa biiriŋ nɛ. Nɩkaana-la-na kala sɩ hɛ dʋnɩa lɛ hɛ Sɩtaanɩ nɩsɩŋ lɛ nɛ.

Juud 1:1

Mɩ-na Juud nɛ ŋmʋnsɛ teniŋ deeŋ. Mɩ ŋaa Yesu Kirisito tɩntɩnnʋ nɛ a ŋaa Jeems naambii ma. Mɩ ŋmʋnsɛ teniŋ deeŋ a pɩpɩ nɩalɩŋ Wɩa sɩ yɩra, nɩalɩŋ la Nyɩmma Wɩa sɩ cho, nɩalɩŋ Yesu Kirisito sɩɩ pɔ.

Juud 1:24

Má leŋ la zizil Wɩa. Ʋ nɛ kɛŋ doluŋ, ʋ jaŋ wuo pɛ ma lɛ dɩ ma sɩ́ wʋbɔŋŋɔɔ ŋaa, a pɛ ma lɛ dɩ ma sɩ́ wʋcheeli kala kɛŋ ʋ sɩpaaŋ, a kɛŋ tʋɔtɔrʋŋ woruŋ.

Jɔɔŋ Wʋnaalaa 15:4

La Tɩɩna Wɩa, kʋbɛɛ nɛ bɩ jaŋ fáŋ, aŋ dɛnnɛ ŋ yɩrɩ-balɩŋ? Ŋ dʋndʋŋa nɛ bɩ disiniŋ kɛnɛ. Dʋnɩa nɩaa kala jaŋ kʋ chʋɔlʋŋ, bɛɛ wɩaa ŋ ŋaa tʋɔpʋl wɩaa nʋʋkala na nɛ.”

Jɔɔŋ Wʋnaalaa 19:12

Ʋ sɩaa kala chuchol a nagɛ nyiŋgeliŋ, aŋ ka ʋ chu kuori-nyunchuuluŋ a yʋgɛ. Ba ŋmʋnsɛ yɩrɩŋ hɛ ʋ lɛ, ama nʋʋkala bɩ yɩrɩ-la jɩŋ, see ʋ tɩtɩa.

Jɔɔŋ Wʋnaalaa 4:8

Kɩalɩŋ kʋŋkala kɛŋ kɩŋkɛnsɩŋ balɩdʋ balɩdʋ nɛ, sɩaa ma hɛ ba lee-kala arɩ ba kɩŋkɛnsɩŋ bʋbʋɔŋ ma kala. Tɩtaŋɩŋ arɩ wɩɩhɛyɛ kala ba yie yɩyɩɩ yɩɩlaa, ba bɩ tɔrɛ, a bʋbʋl: “Ŋ bɩ disiniŋ kɛnɛ, ŋ bɩ disiniŋ kɛnɛ, La Tɩɩna Wɩa doluŋ kala Tɩɩna, ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala, arɩ Nɩɩ-la ha sɩ hɛ nɩmɛ, arɩ Nɩɩ-la ha sɩ jaŋ kɔ.”